2. Mose 13:2 - O Debleskro Drom 2021 (Sinte)

² “Hako mursh tchawo, kai hi o phureder peskri datar pash i Israelitarja, ninna pash lengre viechende, dess tu mange. Kowa hi miro.”

O Debleskro Lab 2024 (Sinte-Manouche)

² “Hako morsh čavo, kay hi o phoureder peskri datar pash i Israelitarya, ninna pash lengre firhende, dess tou mange. Kova hi miro.”

2. Mose 13:2 ပူးပေါင်းရင်းမြစ်များ

Nehemia 10:36

Ninna hako bersh dah o feteder halauterestar, hoi was baro ap mari phub un ap mare ruka, un anah kowa an o baro Debleskro kheer.

Nehemia 10:37

Mer anah hako phureder mursh tchawes un hako vieches, hoi o phureder peskri datar hi, an maro Debleskro kheer. Ninna i grumjendar un i bakrendar anah ko phureder pash kol rashajende, kai budrenn an maro Debleskro kheer.

2. Mose 13:1

Pal kowa rakras o baro Dewel ap o Moseste un penas:

2. Mose 22:28

An ko tsiro, kai aneh tiro djob un tire drake dren, de tiro Debles, hoi leske hi! Tiro phureder mursh tchawes dess tu tiro Debles.

2. Mose 23:19

Tu aness o feteder halauterestar, hoi ap tiri phub bares was tiro baro Debleske an leskro kheer. Tu keress gar i terni busni an i thud peskri datar.

2. Mose 4:22

Un rake ap leste: Jaake rakrella o baro Dewel: ‘O Israel hi miro phureder tchawo.

Ezekiel 16:20

Tire tchawe un tcha, kai hi mire tchawe, kolen lal tu un dal len lenge mulo, te chan le len pre. His tuke gar doha, te mukal man?

Ezekiel 16:21

Hunte lal gomme mire tchawen un dal len mulo, un mukal len i chochene deblenge te chatchrell?

3. Mose 27:26

I viecho, hoi o phureder leskri datar hi, kowa hi o baro Debleske. Te hi sawo viecho i gurum, i bakro, i mursh busni, nai lell les kek mensho, te dell lo les o baro Debleske. Leskro hi lo.

4. Mose 18:15

Hako mursh, kai o phureder tchawo peskri datar hi, – pash i menshende, ninna pash i viechende, – koles jon o baro Debleske anenna, hi tumenge. I menshes dess tu pale un less lowe leske. Ninna i viecho, hoi pale-tchiddo hi, dess tu pale un less lowe leske.

4. Mose 3:12

“Djiness, me rodom kol Levitarjen win dran kol Israelitarja, te wenn jon mire. Ap ko diwes, har marom i tsele phureder mursh tchawen an o them Egiptia, tchiwom i tsele phureder mursh tchawen an o Israel mange ap i rig, te wenn jon mire: kolla, kai i menshestar bolde wan har ninna kolla, kai i viechestar bolde wan. I tsele phureder mursh tchawe hi mange, o baro Debleske. Kanna lau gar kolen, kanna lau i Levitarja mange.”

Louka 2:23

An o Moseskre lila hi ninna tchinlo: O phureder tchawo, kai boldo wella, hi o Debleske.

5. Mose 15:19

Tire tsele mursh grumja un bakre, kai i phureder lengre dajendar hi, hunte dess tiro baro Debleste. Kal grumjentsa budress gar ap tiri hachetikri phub, witar gar tchiness kal bakrenge i balla.

Hebrearja 12:23

Kote wenna o Debleskre tchawe khetne. Lengre laba hi an o bolepen pre tchinlo. Kote hi o Dewel, kai rakrell o tchatchepen win pral i tsele menshende. Kote hi ninna kol tsele patsle, kai meran un kolen o Dewel pash peste las.