2. Mose 13:15 - O Debleskro Drom 2021 (Sinte)

¹⁵ Har pandas o Farao peskro dji un mukas men gar te djal, maras o baro Dewel an o tselo them Egiptia i tsele mursh tchawen, kai his i phureder tchawe pengre dajendar pash i menshende un ninna pash i viechende. Doleske dau me ko phureder mursh ternepen, hoi i viechestar boldo wella, o baro Debleske. Pash mire tchawende hi wawartchandes. Hako phureder mursh tchaweske marau i viecho.’

O Debleskro Lab 2024 (Sinte-Manouche)

¹⁵ Har pandas o Farao peskro dji oun moukas men gar te djal, maras o baro Devel an o tselo them Egiptia i tsele morsh čaven, kay his i phoureder čave pengre dayendar pash i menshende oun ninna pash i firhende. Doleske dau me ko phoureder morsh ternepen, hoy i firhestar boldo vella, o baro Debleske. Pash mire čavende hi vavarčandes. Hako phoureder morsh čaveske marau i firho.

2. Mose 13:15 ပူးပေါင်းရင်းမြစ်များ

Debleskri gili 105:36

Job das o phureder mursh tchawes mulo haki datar an o them Egiptia. Kolla his lengre dadengri feteder soor.

2. Mose 12:29

Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

2. Mose 3:19

Un palle penas o baro Dewel: “Me djinau, o baro rai pral o them Egiptia, te well lo gar phagedo, mukell lo tumen gar dran o them win te djal.

2. Mose 34:20

Te hi o ternepen i burikakro ternepen, dess tu man leske i terno bakro. Kamenn tumer kowa gar, palle phagenn koi terni burika i meen! Tumare phureder mursh tchawe, ma marenn len! Kolenge denn mange i viecho, hoi mange marenn. Kek well an miro Debleskro kheer i wastentsa, kai tchi dren hi.

2. Mose 4:23

Un me penau tuke: Muk miro tchawes te djal, te mangell lo man an! Un te mukeh les gar te djal, palle marau me tiro phureder tchawo.’”

4. Mose 18:15

Hako mursh, kai o phureder tchawo peskri datar hi, – pash i menshende, ninna pash i viechende, – koles jon o baro Debleske anenna, hi tumenge. I menshes dess tu pale un less lowe leske. Ninna i viecho, hoi pale-tchiddo hi, dess tu pale un less lowe leske.

4. Mose 3:46

Kanna hi 273 (dui-sheel-efta-deesh-te-triin) mursha budeder, kai phureder tchawe hi, har dell Levitarja. Kolen hunte ginenn tumer mandar pale.