2. Mose 13:12 - O Debleskro Drom 2021 (Sinte)

¹² aness tu leske i tsele mursh tchawen, kai hi i phureder tchawe pengre dajendar. Ninna hako mursh viecho, hoi hi o phureder ternepen peskri datar, hi o baro Debleske.

O Debleskro Lab 2024 (Sinte-Manouche)

¹² aness tou leske i tsele morsh čaven, kay hi i phoureder čave pengre dayendar. Ninna hako morsh firho, hoy hi o phoureder ternepen peskri datar, hi o baro Debleske.

2. Mose 13:12 ပူးပေါင်းရင်းမြစ်များ

Nehemia 10:36

Ninna hako bersh dah o feteder halauterestar, hoi was baro ap mari phub un ap mare ruka, un anah kowa an o baro Debleskro kheer.

Nehemia 10:37

Mer anah hako phureder mursh tchawes un hako vieches, hoi o phureder peskri datar hi, an maro Debleskro kheer. Ninna i grumjendar un i bakrendar anah ko phureder pash kol rashajende, kai budrenn an maro Debleskro kheer.

2. Mose 13:1

Pal kowa rakras o baro Dewel ap o Moseste un penas:

2. Mose 13:2

“Hako mursh tchawo, kai hi o phureder peskri datar pash i Israelitarja, ninna pash lengre viechende, dess tu mange. Kowa hi miro.”

2. Mose 22:28

An ko tsiro, kai aneh tiro djob un tire drake dren, de tiro Debles, hoi leske hi! Tiro phureder mursh tchawes dess tu tiro Debles.

2. Mose 22:29

Jaake kress ninna tire grumjentsa un tire bakrentsa un busjentsa. Efta diwessa atchenn le pash pengri date. Un ap o ochtato diwes dess len mande.

2. Mose 34:19

Tumare phureder mursh tchawe hi mange, ninna hako phureder mursh ternepen, hoi i viechestar boldo wella, nai well i gurum, nai well i bakro.

2. Mose 34:20

Te hi o ternepen i burikakro ternepen, dess tu man leske i terno bakro. Kamenn tumer kowa gar, palle phagenn koi terni burika i meen! Tumare phureder mursh tchawe, ma marenn len! Kolenge denn mange i viecho, hoi mange marenn. Kek well an miro Debleskro kheer i wastentsa, kai tchi dren hi.

Ezekiel 16:20

Tire tchawe un tcha, kai hi mire tchawe, kolen lal tu un dal len lenge mulo, te chan le len pre. His tuke gar doha, te mukal man?

Ezekiel 44:30

Ninna o feteder djob kolestar, hoi newes baro was, un kowa, hoi hunte denn i menshe o Debleske, hi i rashajenge. Anenn lenge ninna i erste mare, hoi o newo djobestar peklo wan. Koon kowa krell, ap koleste un leskri familja well o Debleskri bacht.

3. Mose 27:26

I viecho, hoi o phureder leskri datar hi, kowa hi o baro Debleske. Te hi sawo viecho i gurum, i bakro, i mursh busni, nai lell les kek mensho, te dell lo les o baro Debleske. Leskro hi lo.

4. Mose 18:15

Hako mursh, kai o phureder tchawo peskri datar hi, – pash i menshende, ninna pash i viechende, – koles jon o baro Debleske anenna, hi tumenge. I menshes dess tu pale un less lowe leske. Ninna i viecho, hoi pale-tchiddo hi, dess tu pale un less lowe leske.

4. Mose 3:12

“Djiness, me rodom kol Levitarjen win dran kol Israelitarja, te wenn jon mire. Ap ko diwes, har marom i tsele phureder mursh tchawen an o them Egiptia, tchiwom i tsele phureder mursh tchawen an o Israel mange ap i rig, te wenn jon mire: kolla, kai i menshestar bolde wan har ninna kolla, kai i viechestar bolde wan. I tsele phureder mursh tchawe hi mange, o baro Debleske. Kanna lau gar kolen, kanna lau i Levitarja mange.”

4. Mose 8:17

Hakeno, kai hi o phureder mursh tchawo peskri datar mashkral kol Israelitarja hi mange, hako mensho un hako viecho. Ap ko diwes, kai marom i tsele murshen, kai his i phureder tchawe pengre dajendar an o them Egiptia, penom: Hako mursh, kai hi i phureder tchawo peskri datar, hi miro.

Louka 2:23

An o Moseskre lila hi ninna tchinlo: O phureder tchawo, kai boldo wella, hi o Debleske.

5. Mose 15:19

Tire tsele mursh grumja un bakre, kai i phureder lengre dajendar hi, hunte dess tiro baro Debleste. Kal grumjentsa budress gar ap tiri hachetikri phub, witar gar tchiness kal bakrenge i balla.