2. Mose 13:10 - O Debleskro Drom 2021 (Sinte)

¹⁰ Jaake rikress tu kal laba hako bersh an o emligo tsiro.

O Debleskro Lab 2024 (Sinte-Manouche)

¹⁰ Yaake rikress tou kal laba hako bersh an o emligo tsiro.

2. Mose 13:10 ပူးပေါင်းရင်းမြစ်များ

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 12:17

Rikrenn tumen ap kal laba: An kol efta diwessa chan tumer maro, kai kek shutlo jarro dren hi. Ap kau diwes lom me tumen lauteren dran o them Egiptia win. Doleske rikrenn tumen ap kawa, un krenn kowa hako bersh, tumer un tumare tchawe, kai wenna pal tumende hako tsiro.

2. Mose 12:42

Koja rat, kai o baro Dewel kokres ap lende garda das, te lell lo len win dran o them Egiptia, kaja rat hunte well o baro Debleske an hako bersh. An kaja rat hunte atchenn i Israelitarja pre, te sowenn le gar. Jaake sharenn le o baro Debles.

2. Mose 13:5

O baro Dewel das pes sowel glan tumare phurende, te dell lo tumen ko them, kai djiwenn kanna i Kanaanitarja, i Hetarja, i Amorarja, i Hiwarja un i Jebusarja. Kowa hi i them, kai hi bud thud un gwin dren. Ap ko tsiro, kai anas tumen o baro Dewel an ko them, krenn pale jaake hako bersh an o tchon Abib:

2. Mose 23:15

kol bare diwessa, kai chah tu efta diwessa ko maro, an koleste kek shutlo jarro dren hi. Kol diwessa rikress tu an o tchon Abib. Kowa kress tu, te bistress gar, te nashal an ko tchon dran o them Egiptia. Un ab gar an o Debleskro kheer, te hi tchi an tiro wast, hoi tu leske aneh!

3. Mose 23:6

Un o 15. (deesh-te-pantchto) diwes ninna an ko tchon, hi ko ersto diwes kol diwessa, kai hunte chan kek maro dran shutlo jarro. Efta diwessa chan tumer kek maro, an koleste shutlo jarro hi.