2. Mose 12:8 - O Debleskro Drom 2021 (Sinte)

⁸ Ko mass well peklo pral i jag. Un jon hunte chan les an koi rat khetne o maro, kai kek shutlo jarro dren hi. Un shutlo senlepen chan le pashel.

O Debleskro Lab 2024 (Sinte-Manouche)

⁸ Ko mass vell peklo pral i yag. Oun yon hounte rhan les an koy rat khetne o maro, kay kek shoutlo yarro dren hi. Oun shoutlo zenlepen rhan le pashel.

2. Mose 12:8 ပူးပေါင်းရင်းမြစ်များ

2. Familjakro liil 35:13

Un jaake har kerdo was, pekan le kol bakre o chapaske Passa ap i jag. Un ko wawar mass, hoi o Debleske dino was, keran le an pirja, pfanne un tchare, un anan les sik pash i tsele menshende.

Debleskri gili 22:14

Pengre bare muja krenn le pre, un denn bari gole ap mande har i lewo glan peskro chapen.

2. Mose 1:14

Len his kek dji lenge un kran lengro djipen phares. Un i Israelitarja hunte chatchan barra dran tchik. Ninna hunte budran le phares ap i hachetikri phub.

2. Mose 12:9

Ma chan ko mass jales, witar gar keredo an o pani! Pral i jag well o tselo bakro peklo, o shero, i herja, ninna i buke.

2. Mose 13:3

Un o Mose penas ap i tsele menshende: “Kau diwes an o tchon Abib djan tumer win dran o them Egiptia. Kote, kai tumer pandle budepangre hans, las tumen o baro Dewel peskro sorelo wasteha win. Rikrenn kau diwes an tumare shere! Un chan kek shutlo maro!

2. Mose 13:7

Kol efta diwessa chan tumer maro, kai kek shutlo jarro dren hi. Un kek shutlo jarro, witar kek shutlo maro, well pash tumende diklo, kote kai djiwenna.

2. Mose 23:18

Te mareh tu i viecho o Debleske, palle dess tu kek maro pashel, hoi shutlo jarro dren hi. Un o thulepen o viechestar, hoi maral tu o Debleske, hunte well ko diwes chatchedo un atchell gar pral i rat tchiddo.

2. Mose 34:25

Te marenn tumer i vieches mange, anenn leskro rat gar glan mande khetne o shutlo mareha! Ko viecho, hoi tumer marenn mange ap o diwes, hoi kharella Passa, kolestar hunte atchell tchi pral o wawar diweske.

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

Amos 4:5

Anenn shutlo maro o Debleske, te parkrenn pen pash leste! Denn win gole, te anenn i menshe pendar tchomone o Debleske! Un palle denn win gole, hoi hakeno anas. Sawo koowa kamenn tumer jaake, tumer Israelitarja! Kowa penell o baro Dewel, maro rai.

Zakarie 12:10

O Davideskre menshenge un i menshenge an Jerusalem krau lengre djia pre, te wenn le kamles jek ap o wawareste un mangenn mandar latchepen. Un jon dikenn ap koleste, kai dan le an i rig tchurje. Un jon denn gole i ropah pral leste, har jek pral peskro mulo tchaweste gole dell, koles kek wawar tchawe hi, un har rowenn i menshe pral pengro phureder tchawo, kai meras.

Mateo 16:12

Un koi haiwan le, te rakras lo gar pral o shutlo jarro, hoi lenn le, te pekenn le maro. Job rakras pral kol laba, hoi i Farisarja un i Sadduzarja i menshenge penenna.

Mateo 26:26

Har jon chan, las o Jesus o maro, parkras pes pash o Debleste, phagas ko maro, das les peskre malende, un penas: “Ake, lenn ko maro un chan les! Kau maro hi miro mass.”

Galatarja 5:9

Tumer djinenna, i tikno kotar shutlo jarro krell o tselo jarro shutlo.

5. Mose 16:7

Kerenn ko mass, un chan les ap koi platsa, hoi tumaro baro Dewel peske win rodell. Un o wawar diwes taissarlakro djan pale khere!

1. Tessalonikarja 1:6

Un kowa, hoi dikan tumer ap mende, kowa krenn tumer kanna ninna, un djiwenn jaake, har o rai Jesus djiwas. Har shunan tumer o Debleskro lab, patsan les un hans bachtelo pral kowa, ninna te kran i menshe tumenge o djipen phares. Koi bacht das o Debleskro Ducho an tumende.