2. Mose 12:6 - O Debleskro Drom 2021 (Sinte)

⁶ Un rikrenn les pash tumende bis ap o deesh-te-starto diwes. Rati ap ko diwes, hunte marell haki Israeltikri familja peskro bakro.

O Debleskro Lab 2024 (Sinte-Manouche)

⁶ Oun rikrenn les pash t'mende bis ap o deesh-te-starto dives. Rati ap ko dives, hounte marell haki Israeltikri familya peskro bakro.

2. Mose 12:6 ပူးပေါင်းရင်းမြစ်များ

2. Familjakro liil 35:1

Un o Josia kras an o foro Jerusalem ko festo, hoi kharell Passa, te sharenn le o baro Debles. Ap o 14. (deesh-te-starto) diwes an o ersto tchon maran le i terne bakre, te chan le len ap ko festo.

Esra 6:19

Un kolla, kai wan dran o pandepen pale an o them Israel, rikran o Passa ap o 14. (deesh-te-starto) diwes an o ersto tchon.

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 12:17

Rikrenn tumen ap kal laba: An kol efta diwessa chan tumer maro, kai kek shutlo jarro dren hi. Ap kau diwes lom me tumen lauteren dran o them Egiptia win. Doleske rikrenn tumen ap kawa, un krenn kowa hako bersh, tumer un tumare tchawe, kai wenna pal tumende hako tsiro.

2. Mose 12:18

An o ersto tchon ap o deesh-te-starto diwes ap i rat chan tumer maro, kai kek shutlo jarro dren hi, bis ap o biish-te-jekto diwes ap i rat.

2. Mose 12:47

I tsele Israelitarja hunte chan ko Passa.

2. Mose 16:1

An o duito tchon, ap o deesh-te-pantchto diwes pal ko diwes, kai jon penge dran o them Egiptia djan, mukan le koi platsa Elim un djan dureder. Un i tsele Israelitarja wan an o mulo tato them Sin. Kowa hi mashkral Elim un i berga Sinai.

2. Mose 16:12

“Me shunom, har chojedo i Israelitarja his. Rake ap lende un pen: ‘An i rat chan tumer mass. Un taissarlakro chan tumer tumen tchalo ap o maro, te dikenn, te hom me tumaro baro Dewel.’”

2. Mose 19:1

Un i Israelitarja djan penge dran Refidim un wan an o mulo tato them Sinai. Ap kowa diwes his triin tchonna, har nashan le dran o them Egiptia. Un jon atchan glan i berga.

2. Mose 29:39

ko jek bakro taissarlakro un ko wawar bakro ap i rat.

2. Mose 29:41

Kowa kre taissarlakro un rati ninna! Jaake aneh tu chapen un pipen o Debleske. Un o latcho sungepen, hoi well win, te well kowa lauter chatchedo an i jag, sungella mishto o baro Debleske.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Ezekiel 45:21

An o glanstuno tchon ap o 14. (deesh-te-starto) diwes an ko tchon, rikrenn kol bare diwessa dren, hoi kharenn Passa, un hoi djan 7 (efta) diwessa. An kau tsiro hunte chan kek maro dran shutlo jarro.

3. Mose 23:5

Ap o 14. (deesh-te-starto) diwes an o ersto tchon, har o kham tele djas, well ko diwes, hoi hi o baro Debleske. Kau diwes kharell Passa.

4. Mose 28:16

Ap o deesh-te-starto diwes an o ersto tchon hi ko diwes, hoi hi o baro Debleske, un hoi kharell Passa.

4. Mose 28:18

Ap o ersto diwes hunte wenn khetne glan o baro Debleste. Kek hunte budrell ap ko diwes.

4. Mose 9:11

Jon hunte chan ko chapen an o duito tchon ap o deesh-te-starto diwes, ap i rati, un hunte chan koi pashel ko maro, kai kek shutlo jarro dren hi, ninna shutlo senlepen.

Mateo 27:20

I bare rashaja un i biboldengre phureder rakran bud ap kol tsele menshende kote dren, te penenn jon, te well o Barabas dran o stilepen win, un te well o Jesus maredo.

Mateo 27:25

Un kol tsele menshe penan: “Koi doosh well ap mende un ap mare tchawende!”

Markus 15:1

Sik taissarlake wan i bare rashaja un i biboldengre phureder un tchatchepangre khetne i tsele pralstune biboldentsa. Un jon rakran khetne, hoi te krenn le o Jesuseha. Un jon pandan les, anan les pash o Pilateste un dan les an leskre wasta.

Markus 15:11

Koi kran kol bare rashaja i menshen diwjo, te penenn le o Pilateske: “Mer kamah feteder, te mukess o Barabes win!”

Markus 15:25

His taissarlake enjenge, kai dan le les ap o trushel.

Markus 15:8

Un i bibolde djan pash o Pilateste, un mangan lestar, te krell lo jaake, har job ap hako Passa krella.

Louka 23:1

Un lauter stan pre, un anan o Jesuses pash o Pilateste.

Louka 23:18

Koi dan i tsele menshe gole: “Mare les, un de men o Barabes!”

Bičepangre 2:23

Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

Bičepangre 3:14

Tumer dan koles buchoste, kai was o Deblestar, un kai his kek tchilatchepen an leste. Un tumer mangan o Pilatestar, te mukell lo koles dran o stilepen te djal, kai maras jekes.

Bičepangre 4:27

Tchatchepah, jon wan lauter an kau foro khetne: O Pilato, o Herodes, i Remarja, un i tsele bibolde dran bud themma. Jon hi chojemen ap tiro budepaskro Jesus, kai tutar was. Koles rodal tu win, maro Dewel, te well lo baro rai.

Josua 5:10

Un har i Israelitarja pengre plachtene khera pre tchiwan pash Gilgal an o telstuno them, kai o foro Jericho tchiddo hi, kote chan le ap i rati ko chapen, hoi kharella ‘Passa’. Kowa his ap o deesh-te-starto diwes an ko tchon.