2. Mose 12:41 - O Debleskro Drom 2021 (Sinte)

⁴¹ Un har kal bersha trujel his, ap ko diwes, djan o baro Debleskre menshe win dran o them Egiptia.

O Debleskro Lab 2024 (Sinte-Manouche)

⁴¹ Oun har kal bersha trouyel his, ap ko dives, djan o baro Debleskre menshe vin dran o them Egiptia.

2. Mose 12:41 ပူးပေါင်းရင်းမြစ်များ

1. Mose 50:24

Un o Josef penas ap peskre phralende: “Me merau kanna. O Dewel dikella latches ap tumende, un anell tumen dran kau them win, an ko them, kai job peskro wast pre das, te dell lo les o Abrahameste, o Isaakeste un o Jakobeste.”

1. Rajengro liil 6:1

An o starto bersh, har o Salomo o baro rai pral Israel his, an o tchon Siw, kowa hi o duito tchon an o bersh, kran pen i budepangre o Salomestar ap i budi, te krenn le o baro Debleskro kheer. Kowa his 480 (star-sheel-te-ochta-deesh) bersha pal kowa, kai i Israelitarja dran o them Egiptia djan.

2. Familjakro liil 14:12

Un o Asa un i tsele lurde, kai pash leste his, lan len palla bis pash o foro Gerar. Un i Kusharja wan jaake dino, te nai kurenn le pen buder gar. O baro Dewel kras, te wan le khetne dino leskre lurdendar dran Juda. Un kalla lan lendar bud kutch koowa pentsa.

Debleskri gili 102:13

Tu, baro Dewel, atcheh hake tsirenge, tut denn le an-gole an ko tsiro, hoi wella.

Debleskri gili 114:1

Har o Israel dran o them Egiptia win djas, har o Jakobeskre menshe kol menshen mukan, kolengro rakepen jon gar haiwan,

Debleskri gili 136:11

Un anas o Israel dran o them Egiptia win. Leskro latchepen atchella hako tsireske!

2. Mose 12:17

Rikrenn tumen ap kal laba: An kol efta diwessa chan tumer maro, kai kek shutlo jarro dren hi. Ap kau diwes lom me tumen lauteren dran o them Egiptia win. Doleske rikrenn tumen ap kawa, un krenn kowa hako bersh, tumer un tumare tchawe, kai wenna pal tumende hako tsiro.

2. Mose 12:51

Un ap kau diwes anas o baro Dewel i tsele Israeleskre familjen win dran o them Egiptia, jek familja pal i wawar.

2. Mose 13:14

An ko tsiro, hoi wella, te putchenn tutar tire tchawe: ‘Hoske kreh tu kowa?’ palle peness tu ap lende: ‘O baro Dewel las men i sorelo wasteha win dran o them Egiptia, kai hunte budram tel dawa.

2. Mose 13:16

Kawa well tuke har i sikepen ap o wast un mashkral tire jaka, te bistress gar, te las men o baro Dewel peskro sorelo wasteha dran o them Egiptia win.”

2. Mose 13:3

Un o Mose penas ap i tsele menshende: “Kau diwes an o tchon Abib djan tumer win dran o them Egiptia. Kote, kai tumer pandle budepangre hans, las tumen o baro Dewel peskro sorelo wasteha win. Rikrenn kau diwes an tumare shere! Un chan kek shutlo maro!

2. Mose 13:9

Kawa well tuke har i sikepen ap tiro wast, un i sikepen mashkral tire jaka, te bistress tu kowa gar, un peness i wawarenge, har las tut o baro Dewel peskro sorelo wasteha win dran o them Egiptia.

2. Mose 3:10

Kanna dja pash o Farao! Me bitchrau tut, te less mire menshen, i Israelitarja, win dran o them Egiptia.”

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

2. Mose 6:26

Kowa Aron un kowa Mose hi kolla, ap kolende o baro Dewel penas: “Anenn i Israelitarja win dran o them Egiptia! Anenn len jaake win, te djal haki bari familja khetne!”

2. Mose 6:6

Doleske pen ap i Israelitarja: ‘Me hom o baro Dewel! Me lau tumen win dran tumari phari budi, hoi i Egiptarja ap tumende tchiwan. Miri bari choli well ap lende, un bari sorjah lau tumen win.

2. Mose 7:4

Un o Farao shunella gar ap tumende, ninna te well miri choli bud kope pral leste un leskro them. Un palle lau mire menshen, i Israelitarja, win dran o them Egiptia.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

3. Mose 23:43

Krenn kowa jaake, te djinenn tumare tchawe, te mukom me, o baro Dewel, i Israelitarjen an patjengre khera te djiwell, har anom len win dran o them Egiptia. Me, o baro Dewel, hom tumaro Dewel.

Habakuk 2:3

Ko tsiro hi kanna gar koi, te well kowa jaake, hoi sikrom tuke. Kowa well tchatcho ap peskro tsiro. Tu nai djineh tchatchepah, kai kowa jaake wella. An kal laba hi kek chochepen. Ninna te well kowa gar jaake sik, de jak, te well kowa. Hi tchatcho, hoi penau: Kowa wella un atchell gar krik.

4. Mose 23:22

O Dewel las len dran o them Egiptia win, un kurell pes lenge har i diwjo gurum.

4. Mose 33:1

Kalla hi kol platse, kai tchiwan i Israelitarja pengre plachtene khera pre, har djan le win dran o them Egiptia pengre lurdentsa. Wi las len o Mose un o Aron.

Johanni 7:8

Djan tumer ap o festo! Me djau gar peha. O tsiro hi mange kanna gar kai.”

Bičepangre 1:7

Koi penas o Jesus: “O tsiro, kai o dad kowa krella, hi leskro koowa. Tumer hunte djinenn kowa gar.

Bičepangre 7:36

Kau Mose anas i Israelitarjen win un kras baro un sorelo koowa an o Debleskri soor an o them Egiptia, un pash o lolo pani, un star-deesh bersha an o mulo them.

5. Mose 16:1

Denn jak, te bistrenn gar kol bare diwessa, kai kharenn Passa! Rikrenn len an o tchon Abib, te sharenn tumaro baro Debles! O tchon Abib his, kai anas lo tumen rati dran o them Egiptia win.

5. Mose 4:37

Job kamas tumare phuren o tselo djijestar, un rodas lengre tchawen win un kolengre tchawen, un halauter kai lendar wenna. Un job djas tumentsa, har anas lo tumen win dran o them Egiptia peskri bari sorjah,

Josua 24:5

Pal bud tsiro bitchrom o Mose un o Aron pash lende, un anom bari bibacht pral o them Egiptia koweha, hoi krom kote. Pal kowa lom tumare phuren dran o them Egiptia win.

Josua 5:14

Un job penas: “Kek kol dujendar! Me hom o pralstuno pral o baro Debleskre lurdende. Un kanna wom kai.” Kote peras o Josua ap peskro mui ap i phub, un mangas les an, un penas ap leste: “Me hom tiro budepaskro. Hoi penell miro rai ap mande, te krap?”