2. Mose 12:31 - O Debleskro Drom 2021 (Sinte)

³¹ Un o Farao mukas an kaja rat o Moses un o Arones gole te dell un penas ap lende: “Sik, mukenn kau them, tumer un i wawar Israelitarja! Djan tumenge mire menshendar krik! Djan un mangenn tumaro baro Debles an, jaake har tumer kaman.

O Debleskro Lab 2024 (Sinte-Manouche)

³¹ Oun o Farao moukas an kaya rat o Moses oun o Arones gole te dell oun penas ap lende: “Sik, moukenn kava them, t'mer oun i vavar Israelitarya! Djan t'menge mire menshendar krik! Djan oun mangenn t'maro baro Debles an, yaake har t'mer kaman.

2. Mose 12:31 ပူးပေါင်းရင်းမြစ်များ

Debleskri gili 105:38

I Egiptarja daran lendar, un his bachtele, har djan jon penge.

2. Mose 10:29

Koi penas o Mose: “Jaake har tu penal, me wau tuke buder gar glan tire jaka.”

2. Mose 10:9

Un o Mose penas: “Mer djah i ternentsa un i phurentsa, mare tchawentsa un tchentsa. Ninna mare bakre, busja un grumja lah mentsa. Mer kamah maro baro Debles te sharell un leske viechen te marell.”

2. Mose 11:1

Palle penas o baro Dewel ap o Mose: “Jek wawar bibacht kamau me pral o Farao un pral o tselo them Egiptia te anell. Pal koja mukell lo tumen te djal. Un kowa hi gar doha: job tradell tumen win.

2. Mose 11:8

Palle wenna tire pralstune lauter pash mande un witsrenn pen glan mire pire tele un mangenn man an un penenn: ‘Djan tumenge, tu un tire tsele menshe, djan!’ Un palle djah mer menge.” Un mulo chojedo djas o Mose peske dran o Faraeskro kheer win.

2. Mose 12:39

I Israelitarja mukan o them Egiptia jaake sik, te nai tchiwan le kek chapen penge khetne, te lan le les lentsa ap o drom. Kokres kol mare, hoi gar peklo his, lan le peha. Kolla mare, kai kek shutlo jarro dren hi, pekan le kanna.

2. Mose 6:1

Koi penas o baro Dewel ap o Mose: “Kanna dikess tu, hoi me o Faraeske krau. Dran miri bari soor mukell lo len te djal. Miro wast well jaake sorelo ap leste, te tradell lo len dran o them win.”

2. Mose 8:25

Un o Mose penas: “Awa, te djom me tutar win, palle mangau o baro Deblestar, te djan i matsille, hoi tchurje denn, taissar penge tumendar lauterendar: tutar, o Farao, ninna tire pralstunendar un tire tsele menshendar. Jek koowa penau tuke: Rike tiro lab! Ma pen pale, te mukals men te djal, te nai marah mer viechen o baro Debleske. – Un palle mukeh tu men gar te djal.”

2. Mose 8:8

Un o Mose un o Aron djan dran o Faraeskro kheer win. Un o Mose das o baro Debles gole un mangas les, te lell lo i djambe krik, hoi job pral o Farao anas.

1. Samuel 6:6

Ma pandenn tumare djia, te wenn le har bar, har kran kol Egiptarja un lengro baro rai, o Farao! Hi kowa gar jaake? Har sikras o baro Dewel peskri soor ap lende, hunte mukan le i Israelitarjen te djal.