2. Mose 12:29 - O Debleskro Drom 2021 (Sinte)

²⁹ Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

O Debleskro Lab 2024 (Sinte-Manouche)

²⁹ Oun mashkral an i rat maras o baro Devel i tsele morsh čaven, kay his i phoureder čave pengre dayendar, an o tselo them Egiptia: o Faraeskro phoureder čaves, kay ap o rayeskri beshepaskri beshdo hi, oun ninna i phoureder čaven kolendar, kay stilde hi. Ava, ninna i morsh firhe, hoy his i phoureder čave pengre dayendar, van temerl dino.

2. Mose 12:29 ပူးပေါင်းရင်းမြစ်များ

1. Mose 15:14

Kolla, kai krenn lendar budepangre, lenn i phagi mandar. Koi pal djan tire menshe win baro brawlepah.

Hiob 34:20

Ap jek kopo merenn le. Mashkral an i rat trissenn le un hi gar buder. Kol sorele wenn krik lino kek mensheskro wasteha.

Debleskri gili 105:36

Job das o phureder mursh tchawes mulo haki datar an o them Egiptia. Kolla his lengre dadengri feteder soor.

Debleskri gili 135:8

Job hi kowa, kai das i phureder mursh tchawen mulo an o them Egiptia pash i menshende, ninna pash i viechende,

Debleskri gili 136:10

Job maras i phureder mursh tchawen i Egiptarendar. Leskro latchepen atchella hako tsireske!

Debleskri gili 78:50

Un o Dewel rikras peskri choli gar pale, un las len gar win dran o merepen, un mukas len te merell ap i djungelo nasslepen.

Debleskri gili 78:51

Job maras i tsele phureder mursh tchawen an o them Egiptia, kol tchawen kolendar, kai wenna pal o Ham, an kolende pengre dadengri bareder soor hi.

2. Mose 11:1

Palle penas o baro Dewel ap o Mose: “Jek wawar bibacht kamau me pral o Farao un pral o tselo them Egiptia te anell. Pal koja mukell lo tumen te djal. Un kowa hi gar doha: job tradell tumen win.

2. Mose 12:12

Un me djau an kaja rat mashkral o tselo them Egiptia, un dau i tsele mursh tchawen temerl, kai hi i phureder tchawe pengre dajendar, kolla, kai i menshestar, ninna i viechestar boldo wan. Jaake dau me kolende lauterende i phagi, kai kharenn pen dewel, un kolen i Egiptarja an-mangenna. Me hom o baro Dewel.

2. Mose 12:28

Palle djan le un kran jaake, har o baro Dewel o Moseske un o Aroneske penas.

2. Mose 13:15

Har pandas o Farao peskro dji un mukas men gar te djal, maras o baro Dewel an o tselo them Egiptia i tsele mursh tchawen, kai his i phureder tchawe pengre dajendar pash i menshende un ninna pash i viechende. Doleske dau me ko phureder mursh ternepen, hoi i viechestar boldo wella, o baro Debleske. Pash mire tchawende hi wawartchandes. Hako phureder mursh tchaweske marau i viecho.’

2. Mose 4:23

Un me penau tuke: Muk miro tchawes te djal, te mangell lo man an! Un te mukeh les gar te djal, palle marau me tiro phureder tchawo.’”

2. Mose 9:6

Un o baro Dewel kras kowa ap o wawar diwes jaake. Un i tsele vieche, hoi i Egiptarjen his, meran. Kol viechendar, hoi i Israelitarjen his, meras kek viecho.

Jesaja 24:22

Jon lauter wenn khetne lino un an i gruba witsedo, un an o stilepen dren pandlo, un pal bud diwessa well palle pral lende i phagi win rakedo.

Jesaja 41:11

Dik, ladj well ap lauterende, kai hi chojedo tuha, un jon wenn sapaske i wawarenge. Un kolla, kai kurenn pen tuha, hi sik buder gar koi. Tchi atchell lendar.

Jesaja 51:14

Kolla, kai tele rikede hi, wenn sik win dran o pandepen. Jon merenn gar an lengro stilepen, un len well doha chapen.

Jeremia 38:13

Un jon tserdan les kol dorjentsa pre dran koi brunna. Un job atchas ap i lurdengri platsa.

Jeremia 38:6

Kote lan le o Jeremijes un anan les pash i brunna ap koi lurdengri platsa. Koi brunna his o baro rajeskro tchawes, o Malkija. Un dorjentsa mukan le o Jeremijes tele an kai brunna. Kote dren his kek pani, kokres sapeni tchik his kote, un o Jeremia peras i kotar dren an koi tchik.

Habakuk 3:5

I djungelo nasslepen djal glan leste. Un pal leste well wawar i nasslepen, hoi chal i menshen pre.

Zakarie 9:11

Shunenn, penell o baro Dewel, me anau tumare pandlen win dran o stilepen, win dran o them, hoi hi har i brunna, kai kek pani dren hi. Kowa well jaake tchatcho har koi sowel, hoi tumentsa dren djom, un hoi rateha tchatcho was.

4. Mose 33:4

har kolla pengre phureder mursh tchawen paskran, kolen o baro Dewel maras mashkral lende. Jaake sikras lo i Egiptarende, te hi lo sorleder har lengre debla.

4. Mose 8:17

Hakeno, kai hi o phureder mursh tchawo peskri datar mashkral kol Israelitarja hi mange, hako mensho un hako viecho. Ap ko diwes, kai marom i tsele murshen, kai his i phureder tchawe pengre dajendar an o them Egiptia, penom: Hako mursh, kai hi i phureder tchawo peskri datar, hi miro.

Hebrearja 11:28

O Dewel penas leske, hawi bibacht pral o them Egiptia wella. Un job penas leske ninna, hoi i Israelitarja hunte krenn, te well koi bibacht gar pral lende. Koi patsas o Mose, te well kowa tchatcho, hoi o Dewel penas. Un o Mose penas ap i Israelitarja, te marenn le bakren, un te chan le len – kau chapen was kharedo Passa – un te makenn le i viechengro rat ap pengre wudja. Har palle o bolepaskro was, te marell lo i tsele phureder tchawen, koi atchan i Israeleskre tchawe djido. Jon his an i khera, kai o rat ap i wudja hi.

Hebrearja 12:23

Kote wenna o Debleskre tchawe khetne. Lengre laba hi an o bolepen pre tchinlo. Kote hi o Dewel, kai rakrell o tchatchepen win pral i tsele menshende. Kote hi ninna kol tsele patsle, kai meran un kolen o Dewel pash peste las.