2. Mose 12:28 - O Debleskro Drom 2021 (Sinte)

²⁸ Palle djan le un kran jaake, har o baro Dewel o Moseske un o Aroneske penas.

O Debleskro Lab 2024 (Sinte-Manouche)

²⁸ Palle djan le oun kran yaake, har o baro Devel o Moseske oun o Aroneske penas.

2. Mose 12:28 ပူးပေါင်းရင်းမြစ်များ

2. Samuel 5:25

Un o David kras jaake, har o baro Dewel leske penas, un das kol Filistarjen un tradas len pale o tselo drom dran Geba bis pash o foro Geser.

1. Rajengro liil 17:5

Un job kras, har o baro Dewel leske penas, un djas ap i wawar rig o panjestar Jordan un atchas pash o tikno pani Krit.

2. Mose 12:27

Palle penenn lenge: ‘Kau bakro, hoi maram ap ko diwes, hoi kharella Passa, kau bakro maram o baro Debleske. Har das job an o them Egiptia i Egiptarja temerl, djas job gar an i khera, kai i Israelitarja djiwan. Job djas dureder. I menshe an mare khera mukas lo te djiwell.’” Kote witsran pen i Israelitarja tele un mangan o Debles an.

2. Mose 12:29

Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

2. Mose 12:35

Un i Israelitarja kran pal i laba, hoi o Mose ap lende penas, un djan pash i Egiptarja un mukan pen lendar rupeno un sonakaskro koowa te dell, ninna shukar ripja.

2. Mose 14:4

Palle pandau me leskro dji, te lell lo len palla. Un me sikrau miro barepen un miri soor ap leste un ap leskre tsele lurdende. Un i Egiptarja haiwenn: Me hom o baro Dewel.” Un i Israelitarja kran jaake har o Mose lenge penas.

2. Mose 36:1

O Bezalel, o Oholiab un kol wawar, kolen o baro Dewel o goswepen un wasta das, te haiwenn le mishto halauter te krell, hoi lo penas, kolla te krenn leske kanna i kheer un kol tsele koola, hoi koi dren hi.”

2. Mose 39:32

Jaake was koi tseli budi kerdo: kol tsele kotja o Debleskro plachteno khereske, un lauter, hoi koi pashel hi. I Israelitarja kran lauter jaake, har o baro Dewel o Moseske penas.

2. Mose 39:42

Jaake har o baro Dewel o Moseske penas, kran i Israelitarja i tseli budi.

2. Mose 39:43

Un o Mose dikas kowa lauter un haiwas, jon kran lauter jaake har o baro Dewel penas. Un job rakras o Debleskri bacht pral lende win.

2. Mose 7:10

Kote djan o Mose un o Aron pash o Farao dren, un kran les jaake, har o baro Dewel lenge penas. Un o Aron witsras peskro kasht ap i phub glan o Farao un glan kol pralstunende an o rajeskro kheer. Un o kasht was i sap.

2. Mose 7:6

Un o Mose un o Aron kran jaake, har o baro Dewel lenge penas.

3. Mose 24:23

O Mose penas kowa i Israelenge. Un jon kran jaake, har penas o baro Dewel ap o Moseste, un anan ko murshes, kai o baro Debles praassas, win glan koi platsa, kai i Israelitarja his, un witsran les i barrentsa mulo.

4. Mose 1:54

Un i Israelitarja kran halauter jaake, har o baro Dewel ap o Moseste penas.

4. Mose 31:31

O Mose un o rashai Eleasar kran jaake har o baro Dewel kowa o Moseske penas.

4. Mose 31:41

Un o Mose das kowa, hoi dan kolla leske o baro Debleske, ko rashajeste Eleasar, jaake har o baro Dewel leske kowa penas.

4. Mose 31:47

Un o Mose las kolestar, hoi i Israelengre hi, o 50. (paash-sheelto) kotar hake viechendar un hake menshendar, un das len kol Levitarjen, kai budrenn ap o Debleskro kheer, jaake har o baro Dewel kowa o Moseske penas.

4. Mose 5:4

Un kol Israelitarja kran kowa jaake, un bitchran len win glan i platsa, jaake har o baro Dewel kowa ap o Moseste penas.

5. Mose 34:9

Un o Josua, koleskro dad o Nun his, was pherdo goswepen. Kowa was, har tchiwas o Mose peskre wasta ap leste. Un i Israelitarja shunan ap leste un kran jaake har o baro Dewel o Moseske penas, te hunte krenn le.

Hebrearja 11:28

O Dewel penas leske, hawi bibacht pral o them Egiptia wella. Un job penas leske ninna, hoi i Israelitarja hunte krenn, te well koi bibacht gar pral lende. Koi patsas o Mose, te well kowa tchatcho, hoi o Dewel penas. Un o Mose penas ap i Israelitarja, te marenn le bakren, un te chan le len – kau chapen was kharedo Passa – un te makenn le i viechengro rat ap pengre wudja. Har palle o bolepaskro was, te marell lo i tsele phureder tchawen, koi atchan i Israeleskre tchawe djido. Jon his an i khera, kai o rat ap i wudja hi.

Josua 14:5

Un jaake har o baro Dewel ap o Mose penas, te krenn le, jaake kran i Israelitarja un dan o them win.

Josua 2:21

“Awa”, penas li, “jaake har tumer penan, jaake well ninna!” Un joi mukas len te djal. Un har jon penge djan, pandas li ko lolo shello an i wali.

Josua 4:8

Un kote kran i Israelitarja jaake har o Josua kowa lenge penas, un djan koi un hadan mashkral an o Jordan deesh-te-dui barra pre, jaake har o baro Dewel kowa ap o Josua penas, – jek bar haki bari familjake, hoi well i deesh-te-dui Israeleskre tchawendar. Un jon anan kol barra ap koi platsa, kai pengre plachtene khera tardo hi. Kote tchiwan le i barra tele.