2. Mose 12:24 - O Debleskro Drom 2021 (Sinte)

²⁴ Doleske rikrenn tumen ap kal laba, tumer un tumare tchawe, kai wenna pal tumende, kanna un hako tsiro.

O Debleskro Lab 2024 (Sinte-Manouche)

²⁴ Doleske rikrenn t'men ap kal laba, t'mer oun t'mare čave, kay venna pal t'mende, kanna oun hako tsiro.

2. Mose 12:24 ပူးပေါင်းရင်းမြစ်များ

2. Mose 12:14

Bistrenn kau diwes gar! Krenn lestar i baro diwes, kai sharenn o baro Debles, tumer un tumare tchawe, kai wenna pal tumende! Hako bersh well kawa jaake pash tumende kerdo kanna un hako tsiro.

2. Mose 12:17

Rikrenn tumen ap kal laba: An kol efta diwessa chan tumer maro, kai kek shutlo jarro dren hi. Ap kau diwes lom me tumen lauteren dran o them Egiptia win. Doleske rikrenn tumen ap kawa, un krenn kowa hako bersh, tumer un tumare tchawe, kai wenna pal tumende hako tsiro.

2. Mose 12:25

Ninna an ko tsiro, kai wenn tumer an ko them, hoi o baro Dewel tumenge peskro lab das, te anell job tumen koi dren, krenn pal kal laba!

2. Mose 13:10

Jaake rikress tu kal laba hako bersh an o emligo tsiro.

2. Mose 13:5

O baro Dewel das pes sowel glan tumare phurende, te dell lo tumen ko them, kai djiwenn kanna i Kanaanitarja, i Hetarja, i Amorarja, i Hiwarja un i Jebusarja. Kowa hi i them, kai hi bud thud un gwin dren. Ap ko tsiro, kai anas tumen o baro Dewel an ko them, krenn pale jaake hako bersh an o tchon Abib: