2. Mose 12:22 - O Debleskro Drom 2021 (Sinte)

²² Palle lenn patria kol kashtestar, hoi kharella Ysop, un rikrenn len an ko tcharo, hoi o rat dren hi! Un makenn lentsa o rat win pral o wudar un ap kol dui kashta, hoi tchatches un serwes pash o wudar hi! Un kek tumendar djal dran o wudar win koi tseli rati.

O Debleskro Lab 2024 (Sinte-Manouche)

²² Palle lenn patria kol kashtestar, hoy kharella Hysop, oun rikrenn len an ko čaro, hoy o rat dren hi! Oun makenn lentsa o rat vin pral o voudar oun ap kol douy kashta, hoy čačes oun serves pash o voudar hi! Oun kek t'mendar djal dran o voudar vin koy tseli rati.

2. Mose 12:22 ပူးပေါင်းရင်းမြစ်များ

Debleskri gili 51:7

Doosh hi ap mande, jaake rah har hom ap kai phub, ninna har boldo wom, his o tchilatchepen ap mande.

2. Mose 12:7

Palle lenn le ko rat un makenn les ap kol kashta, hoi tchatches un serwes pash o wudar hi, un pral o wudar ninna, an ko kheer, kai chan le o bakro.

Jesaja 26:20

Tumer, mire menshe, djan an tumare khera! Pandenn i wudja pal tumende! Khatrenn tumen i tikno tsiro, bis te i choli trujel hi.

4. Mose 19:18

Un i mursh, kai gar pale-tchiddo hi, hunte lell kol patria, hoi kharenna ‘Ysop’ un tchiwell len an ko pani un witsrell kowa ap o plachteno kheer un ap kol pirja, tchare un khore, hoi koi dren hi, ninna ap hakeneste, kai an ko kheer hi. Ninna hunte witsrell lo ko pani ap koleste, kai tapras i mules an, leskre kokale, ninna koi phub, kai was job paskedo.

Mateo 26:30

Un palle giwan le o Debleske i gili, un djan win pash o djeteskri berga.

Hebrearja 11:28

O Dewel penas leske, hawi bibacht pral o them Egiptia wella. Un job penas leske ninna, hoi i Israelitarja hunte krenn, te well koi bibacht gar pral lende. Koi patsas o Mose, te well kowa tchatcho, hoi o Dewel penas. Un o Mose penas ap i Israelitarja, te marenn le bakren, un te chan le len – kau chapen was kharedo Passa – un te makenn le i viechengro rat ap pengre wudja. Har palle o bolepaskro was, te marell lo i tsele phureder tchawen, koi atchan i Israeleskre tchawe djido. Jon his an i khera, kai o rat ap i wudja hi.

Hebrearja 12:24

Kote hi ninna o Jesus, maro rakepaskro, kai kras menge o newo drom, te djiwas khetne o Debleha. Job meras menge, un leskro rat las mari doosh mendar. O Jesuseskro rat hi feteder har o Abeleskro rat. Har o Abel maredo was, das leskro rat gole pal i phagi pral o Kain. O Jesuseskro rat lell mari doosh mendar.

Hebrearja 9:1

An ko phuro tsiro, har o Mose i menshenge penas, har djan le ap o Debleskro drom, koi penas lo lenge ninna, har te budrenn le o Debleske an leskro kheer, un ninna, har te krenn le leske i kheer ap i phub, kai mangenn le les an.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.

Hebrearja 9:19

Kowa lauter djas jaake: O Mose penas i menshenge kol laba, hoi an ko liil tardo hi, kai tchinlo hi, har te djiwenn le. Palle las lo i grumjengro rat un i bakrengro rat, das pani pashel, un las i kasht, hoi kharella Ysop, pandas lole bakrengre balla pral pre, un tchiwas ko kasht i ballentsa an o rat, un tchoras ko rat ap ko liil un ap kol menshende,

Josua 2:19

Un hakeno, koon lendar pale win djal, koleskro rat well ap leskro shero! Un mari sowel his gar koleske. Hakeno, kai an tiro kheer hi un well maredo, koleskro rat well ap maro shero!

1. Petro 1:2

O Dewel, maro dad an o bolepen, rodas tumen win, un das tumen peskro Ducho, te wenn tumer o Debleskre tchawe, un krenn, hoi o Jesus Kristo tumendar kamella. Un job thowas tumari doosh peskro rateha tumendar tele. Mu well tumen bud latchepen un bacht an o dji!