2. Mose 12:21 - O Debleskro Drom 2021 (Sinte)

²¹ Un o Mose mukas i tsele phureden i menshendar Israel pash peste te well, un penas ap lende: “Lenn tumenge tumare familjenge bakre win ko chapaske, hoi kharella Passa! Marenn len!

O Debleskro Lab 2024 (Sinte-Manouche)

²¹ Oun o Mose moukas i tsele phoureden i menshendar Israel pash peste te vell, oun penas ap lende: “Lenn t'menge t'mare familyenge bakre vin ko rhapaske, hoy kharella Passa! Marenn len!

2. Mose 12:21 ပူးပေါင်းရင်းမြစ်များ

2. Rajengro liil 23:21

Un o baro rai, o Josia, mukas i menshenge soreles te penell: “Krenn tumaro baro Debleske ko chapen, hoi kharell Passa, jaake har tchinlo hi an ko liil, kai tardo hi, hoi o Dewel peskre menshendar kamella!”

Esra 6:20

Koleske thowan pen i Levitarja jaake har glan tchinlo his, te wenn le djudjo glan o Debleste. Un hake mursha lendar his djudjo un maran i terne bakre, hoi wenn Passa kharedo, lauterenge, kai wan dran o pandepen pale, ninna lengre phralenge un i rashajenge un penge kokres.

2. Mose 12:11

Jaake hunte chan les: trul tumaro per i dori pandlo, i kircha ap tumare herja, un i kasht an tumaro wast. Chan o chapen sik! Ko chapen kharell Passa. Tumer chan les, te sharenn man, tumaro baro Debles.

2. Mose 12:20

Ma chan shutlo maro, kai tumer ninna djiwenn! Chan kokres maro, kai kek shutlo jarro dren hi!”

2. Mose 12:3

Rakrenn ap i tsele Israelitarja un penenn: Ap o deshto diwes an kawa tchon lell peske hako dad i terno bakro peskre menshenge an peskro kheer.

2. Mose 17:5

Un o baro Dewel penas ap leste: “Le murshen kol phurendar tuha un dja lentsa glan i Israelitarja! Le ninna ko kasht an tiro wast, hoi dal ap o pani Nil!

2. Mose 19:7

Koi djas o Mose pale un das i tsele phureden gole un penas lenge kal laba, hoi o baro Dewel leske penas.

2. Mose 3:16

Dja kanna an o them Egiptia, un de i phureden i menshendar Israel khetne gole, un pen ap lende: ‘O baro Dewel, ko Dewel tumare phure dadendar, mukas pes te dikell glan mande. Job hi o Dewel, koles o Abraham, o Isaak un o Jakob an-mangan. Un job penas ap mande: Me dom ap lauter jak, hoi jon tumentsa an o them Egiptia kran.

4. Mose 11:16

Un o baro Dewel penas leske: “Le tuke efta-deesh mursha kol phurendar an Israel, kolendar, kai tu djineh, kai hi jon pralstune pral i menshende. An len glan o Debleskro plachteno kheer. Kote wenn le glan tute tardo.

1. Korintarja 10:4

Un jon pijan lauter ko jek pipen, kai was o Deblestar. Jon pijan ko pani, kai was dran i baro bar win, kai lentsa djas. Ko bar his o Jesus Kristo.

Hebrearja 11:28

O Dewel penas leske, hawi bibacht pral o them Egiptia wella. Un job penas leske ninna, hoi i Israelitarja hunte krenn, te well koi bibacht gar pral lende. Koi patsas o Mose, te well kowa tchatcho, hoi o Dewel penas. Un o Mose penas ap i Israelitarja, te marenn le bakren, un te chan le len – kau chapen was kharedo Passa – un te makenn le i viechengro rat ap pengre wudja. Har palle o bolepaskro was, te marell lo i tsele phureder tchawen, koi atchan i Israeleskre tchawe djido. Jon his an i khera, kai o rat ap i wudja hi.

Josua 5:10

Un har i Israelitarja pengre plachtene khera pre tchiwan pash Gilgal an o telstuno them, kai o foro Jericho tchiddo hi, kote chan le ap i rati ko chapen, hoi kharella ‘Passa’. Kowa his ap o deesh-te-starto diwes an ko tchon.