2. Mose 12:16 - O Debleskro Drom 2021 (Sinte)

¹⁶ Ap o ersto diwes awenn khetne, te mangenn man an. Ninna ap o eftato diwes krenn kowa! Ma budrenn ap kol dui diwessa! Kokres o chapen, hoi hakeno chala, nai krenn tumer.

O Debleskro Lab 2024 (Sinte-Manouche)

¹⁶ Ap o ersto dives avenn khetne, te mangenn man an. Ninna ap o eftato dives krenn kova! Ma boudrenn ap kol douy divessa! Kokres o rhapen, hoy hakeno rhala, nay krenn t'mer.

2. Mose 12:16 ပူးပေါင်းရင်းမြစ်များ

2. Mose 16:23

Un job penas ap lende: “Kawa hi, hoi o baro Dewel penas: Taissar hi i diwes, kai well kek budi kerdo. Kowa hi i diwes o baro Debleske, te well job sharedo. Kau maro, hoi kamenn te pekell, kowa pekenn! Kowa, hoi kamenn te kerell an o pani, kowa kerenn an o pani! Lauter, hoi pral atchella, hadenn pre i taissarlake!”

2. Mose 16:29

Dom me, o baro Dewel, tumen gar o Debleskro diwes? Doleske dau me tumen ap o shobto diwes doha maro, te nai chan les dui diwessa. Jaake atchell hakeno tumendar khere. Kek mukell ap o eftato diwes i platsa, kai lo khere hi.”

2. Mose 16:5

Ap o shobto diwes lenn le dui kope jaake bud khetne har hako diwes un pekenn les.”

2. Mose 20:10

O eftato diwes hi mange, tiro baro Debleske. Ap ko diwes kress tu kek budi, witar gar tire tchawe un tcha, witar gar tiro budepaskro un tiri budepaskretsa, witar gar tire vieche, witar gar kol wi-themarja, kai an tiro foro djiwenna.

2. Mose 34:18

Ma bistrenn kol bare diwessa, kai chan kek maro dran shutlo jarro. An o tchon Abib chan efta diwessa kek maro dran shutlo jarro jaake har me tumenge penom! An ko tchon djan tumer win dran o them Egiptia.

Jesaja 1:13

Ma anenn buder kek chapen chatchepaske! Kowa hi tchitcheske. Ma chatchrenn mange buder kek sungepaskro koowa! Man hi o nak doha. Tumer wenn mange khetne ap o newo tchon, ap o Debleskro diwes un ap wawar bare diwessa. Kowa hi mange gar mishto, jaake rah har mukenn tumer gar tumaro djungelo koowa.

3. Mose 23:21

Denn win gole, te wenn khetne ap kau diwes o baro Debleske. Kek budi hunte krenn tumer ap ko diwes. Kau lab hi tumenge un tumare tchawenge, kai pal tumende wenna, kanna un hako tsireske, kai tumer ninna djiwenna.

3. Mose 23:27

O deshto diwes an kau eftato tchon hi o diwes, kai well halauter krik lino, hoi mank tumende un o baro Debleste tardo hi. Ap ko diwes chan tchi un awenn khetne glan leste un anenn leske viechen un chapen, hoi wenn leske chatchedo.

3. Mose 23:35

Ap kau diwes awenn khetne glan o baro Debleste! Kek budi hunte krenn tumer.

4. Mose 28:18

Ap o ersto diwes hunte wenn khetne glan o baro Debleste. Kek hunte budrell ap ko diwes.

4. Mose 28:25

Ap o eftato diwes hunte wenn pale khetne, te sharenn o baro Debles. Ap ko diwes hunte krenn kek budi.

4. Mose 28:26

Un ko diwes, kai anenn tumer o baro Debleske ko newo djobestar, hoi dren anlo was, ko diwes well tumenge i baro diwes, kai wenn khetne glan o baro Debleste. Kek budi hunte krenn tumer ap ko diwes.

4. Mose 29:1

Un ap o ersto diwes an o eftato tchon hunte wenn khetne glan o baro Debleste. Kek budi hunte krenn ap ko diwes. Kawa hunte well tumenge i diwes, kai phurdenn i phurdepaskri.

4. Mose 29:12

Ap o deesh-te-pantchto diwes an o eftato tchon hunte wenn khetne glan o baro Debleste. Kek budi krenn ap ko diwes! Krenn i festo o Debleske efta diwessa,

Johanni 19:31

His o diwes glan o Debleskro diwes. Ko Debleskro diwes his i baro diwes. Doleske kaman i pralstune bibolde gar, te atchenn i mule ap ko Debleskro diwes ap o trushel. Un jon mangan o Pilatestar, te wenn i herja kolendar phagedo, kai ap o trushel dino wan, te merenn le sikeder. I bibolde kaman, te lenn le len sik tele.

5. Mose 16:8

Palle chan shob diwessa sawo maro, an koleste kek shutlo jarro hi! Un ap o eftato diwes awenn khetne, te sharenn tumaro baro Debles! Ap ko diwes krenn kek budi!