2. Mose 12:15 - O Debleskro Drom 2021 (Sinte)

¹⁵ Efta diwessa chan tumer maro, kai kek shutlo jarro dren hi. Ap o ersto diwes tchiwenn tumer o shutlo jarro krik. Kowa, kai an kol efta diwessa maro chal, kai shutlo jarro dren hi, kowa well pale-tchiddo, un hunte djiwell buder gar mank i Israelitarja.

O Debleskro Lab 2024 (Sinte-Manouche)

¹⁵ Efta divessa rhan t'mer maro, kay kek shoutlo yarro dren hi. Ap o ersto dives čivenn t'mer o shoutlo yarro krik. Kova, kay an kol efta divessa maro rhal, kay shoutlo yarro dren hi, kova vell pale-čiddo, oun hounte djivell bouder gar mank i Israelitarya.

2. Mose 12:15 ပူးပေါင်းရင်းမြစ်များ

1. Mose 17:14

Hako mursh, kai gar tchinlo hi ap peskro mass, kowa hunte atchell buder gar djido mashkral peskre menshende. Job rikras pes gar ap kowa, hoi mer win kram.”

2. Familjakro liil 30:21

Un i Israelitarja, kai an o foro Jerusalem khetne wan, rikran efta diwessa ko festo, kai chan le kek maro dran shutlo jarro. Un len his bari bacht an o dji. Un i Levitarja un i rashaja sharan o baro Debles hako diwes baro bashepah.

Esra 6:22

Un jon lauter rikran kol bare diwessa, kai chan le efta diwessa maro, kai kek shutlo jarro dren hi. Halauterenge his i gipaskro tsiro. O baro Dewel das len bachtele djia un kras, te dikas o rai pral o them Assur kamles ap lende. Jaake wan lengre wasta soreles, te nai kran le o kheer o Israeleskro Debleske.

2. Mose 12:8

Ko mass well peklo pral i jag. Un jon hunte chan les an koi rat khetne o maro, kai kek shutlo jarro dren hi. Un shutlo senlepen chan le pashel.

2. Mose 13:3

Un o Mose penas ap i tsele menshende: “Kau diwes an o tchon Abib djan tumer win dran o them Egiptia. Kote, kai tumer pandle budepangre hans, las tumen o baro Dewel peskro sorelo wasteha win. Rikrenn kau diwes an tumare shere! Un chan kek shutlo maro!

2. Mose 23:15

kol bare diwessa, kai chah tu efta diwessa ko maro, an koleste kek shutlo jarro dren hi. Kol diwessa rikress tu an o tchon Abib. Kowa kress tu, te bistress gar, te nashal an ko tchon dran o them Egiptia. Un ab gar an o Debleskro kheer, te hi tchi an tiro wast, hoi tu leske aneh!

2. Mose 30:33

Koon peske sawo djet krella, nai atchell gar djido mank peskre menshende. Temerl dino well ninna kowa, kai makell jekeste, kai hi kek rashai.

2. Mose 30:38

Koon sawo koowa peske krella, te nai sungell lo o shukar sungepen, kawa nai atchell gar djido mank peskre menshende.

2. Mose 31:14

Rikrenn o Debleskro diwes tumenge! Koon les gar rikrella, well temerl dino. Awa, hakeno, hoi ap o Debleskro diwes budrella, hunte djiwell buder gar mank peskre menshende.

2. Mose 34:18

Ma bistrenn kol bare diwessa, kai chan kek maro dran shutlo jarro. An o tchon Abib chan efta diwessa kek maro dran shutlo jarro jaake har me tumenge penom! An ko tchon djan tumer win dran o them Egiptia.

2. Mose 34:25

Te marenn tumer i vieches mange, anenn leskro rat gar glan mande khetne o shutlo mareha! Ko viecho, hoi tumer marenn mange ap o diwes, hoi kharella Passa, kolestar hunte atchell tchi pral o wawar diweske.

3. Mose 17:10

Hako Israelitari, ninna hako wi-themari, kai mank tumende djiwell, kai rat chal, hawo ninna hi, koleske sikrau miro dumo, un krau, te djiwell lo buder gar mank mire menshende.

3. Mose 17:14

An o rat hi o djipen. Doleske penom me ap i Israelitarja: Ma chan rat! Koon les chal, well pale-tchiddo un nai djiwell buder gar mank peskre menshende!

Maleachi 2:12

Mu tchiwell o baro Dewel hako murshes pale, kai sau koowa kras, te djiwell job buder gar mank peskre menshende Israel, job gar un leskri familja witar gar, ninna te anell lo tchomone an o kheer o baro Deblestar, ko rajestar pral o bolepen un i phub.

4. Mose 28:17

Un ap o deesh-te-pantchto diwes ninna an ko tchon, hi ko ersto diwes kol efta diwessa, kai hunte chan kek maro dran shutlo jarro.

4. Mose 9:13

Koon gar pale-tchiddo hi un gar ap o drom hi, kowa hunte rikrell o Passa ap o tchatcho diwes. Te krell lo kowa gar, hunte well lo infam un atchell buder gar pash peskre menshende. Koi phagi lell lo doleske, kai was lo gar ap o tchatcho tsiro glan o baro Debleste, te anell lo leske i bakro. Leskri doosh atchell ap leste.

Mateo 16:12

Un koi haiwan le, te rakras lo gar pral o shutlo jarro, hoi lenn le, te pekenn le maro. Job rakras pral kol laba, hoi i Farisarja un i Sadduzarja i menshenge penenna.

Louka 12:1

Ap ko tsiro wan bud serja menshe khetne, jaake te stakras jek o wawareske ap i pire. Koi penas o Jesus ap peskre malende, gar ap kol wawarende: Denn garda, te rakrenn gar dui tchipjentsa har i Farisarja! Kowa hi har shutlo jarro, hoi krell o tselo jarro shutlo.

Louka 2:43

Har kol bare diwessa trujel his, un jon pale khere djan, atchas ko tchawo Jesus an o foro Jerusalem. Un leskro dad un leskri dai djinan kowa gar.

Bičepangre 12:3

Har o Herodes haiwas, kai kowa mishto his an i biboldengre jaka, mukas job ninna o Petres te taprell. Kowa his an ko tsiro, kai chan i bibolde kek shutlo maro.

Galatarja 5:12

Kolla, kai krenn tumen dineles, kamaus, te tchinenn pen le paash!

5. Mose 16:3

Te chan tumer ko chapen, ma chan maro koi pashel, kai shutlo jarro dren hi. Har djan tumenge dran o them Egiptia win, hunte chan efta diwessa maro, an koleste kek shutlo jarro dren his, jaake sik hunte nashenn tumenge. Kanna chan ninna efta diwessa maro, kai kek shutlo jarro dren hi, te bistrenn gar ko diwes, kai djan dran o them Egiptia win, kai anan le jaake bud duka ap tumende. Doleske kharah mer kau maro ‘dukengro maro’.

5. Mose 16:5

Tumer nai marenn gar kol viechen o chapaske Passa an tumare gaba un forja, kolen tumaro baro Dewel tumen dell, te djiwenn kote.

5. Mose 16:8

Palle chan shob diwessa sawo maro, an koleste kek shutlo jarro hi! Un ap o eftato diwes awenn khetne, te sharenn tumaro baro Debles! Ap ko diwes krenn kek budi!