2. Mose 12:13 - O Debleskro Drom 2021 (Sinte)

¹³ O rat ap i khera sikrell mande, kai tumer han. Un dikau me o rat, djau me dureder, te djal tumenge tchi. Un ko merepen, hoi anau ap o them Egiptia, well gar ap tumende.

O Debleskro Lab 2024 (Sinte-Manouche)

¹³ O rat ap i khera sikrell mande, kay t'mer han. Oun dikau me o rat, djau me doureder, te djal t'menge či. Oun ko merepen, hoy anau ap o them Egiptia, vell gar ap t'mende.

2. Mose 12:13 ပူးပေါင်းရင်းမြစ်များ

1. Mose 17:11

Kowa hi o sikepen, kai han mire menshe.

2. Mose 12:11

Jaake hunte chan les: trul tumaro per i dori pandlo, i kircha ap tumare herja, un i kasht an tumaro wast. Chan o chapen sik! Ko chapen kharell Passa. Tumer chan les, te sharenn man, tumaro baro Debles.

2. Mose 12:23

Un o baro Dewel djala mashkral o them, te dell lo i Egiptarja temerl. Te dikell lo o rat pral ap o wudar un ap kol dui kashta, hoi tchatches un serwes pash o wudar hi, palle djal job dureder un mukell koles, kai anell o merepen, gar pash tumende dren te djal, te dell lo jekes tumendar temerl.

2. Mose 12:7

Palle lenn le ko rat un makenn les ap kol kashta, hoi tchatches un serwes pash o wudar hi, un pral o wudar ninna, an ko kheer, kai chan le o bakro.

Ezekiel 9:4

un penas ap leste: An o foro Jerusalem hi gomme menshe, kolengro dji rowell un dell gole pral kau bud djungelo koowa, hoi kate kerdo well. Dja an o tselo foro trujel, un kre i sikepen glan ap kolengre sherja.

1. Tessalonikarja 1:10

Tumer dikenn ap ko diwes, kai well o Debleskro tchawo dran o bolepen pale. Kowa hi o Jesus, koles kras o Dewel i mulendar djido. Job lell men dran o Debleskri choli win, hoi pral i menshende wella.

Hebrearja 11:28

O Dewel penas leske, hawi bibacht pral o them Egiptia wella. Un job penas leske ninna, hoi i Israelitarja hunte krenn, te well koi bibacht gar pral lende. Koi patsas o Mose, te well kowa tchatcho, hoi o Dewel penas. Un o Mose penas ap i Israelitarja, te marenn le bakren, un te chan le len – kau chapen was kharedo Passa – un te makenn le i viechengro rat ap pengre wudja. Har palle o bolepaskro was, te marell lo i tsele phureder tchawen, koi atchan i Israeleskre tchawe djido. Jon his an i khera, kai o rat ap i wudja hi.

Josua 2:12

Kanna denn tumen kate sowel pash o baro Debleste, te wenn latches ap miro dadeskro kheer, jaake har me latches ap tumende homs. Un denn man tchomone, hoi sikrell man,

Josua 2:18

Te wah an o them, palle pande kau lolo shello an koi wali, kai tu men tele mukal! Un le tiro dades un tiri dat un tire phralen un tiri tseli dadeskri familja pash tute an tiro kheer khetne!

1. Johanni 1:7

Mer te djiwah khetne o Debleha an o tchatchepen, jaake har o Dewel an o tchatchepen tardo hi, palle nai ham mer ninna lauter khetne an o tchatchepen. Un o rat leskro tchawestar thowell mari tseli doosh mendar tele.