2. Mose 11:6 - O Debleskro Drom 2021 (Sinte)

⁶ Un palle well i baro ropen an o tselo them Egiptia, jaake har his gomme kek ropen un well buder kek ropen.

O Debleskro Lab 2024 (Sinte-Manouche)

⁶ Oun palle vell i baro ropen an o tselo them Egiptia, yaake har his gomme kek ropen oun vell bouder kek ropen.

2. Mose 11:6 ပူးပေါင်းရင်းမြစ်များ

2. Mose 11:7

Hi wawartchandes pash i Israelitarja. Kote dell kek djuklo gole, gar ap i mensheste, witar gar ap i viecheste. Jaake te dikenn un haiwenn tumer, te djinell o baro Dewel, koon Egiptari hi un koon Israelitari hi.

2. Mose 12:30

Koi rati stas o Farao pre, ninna i tsele pralstune un i tsele Egiptarja, un kote djas i ropaskri gole an, hoi o dji tchinella. O merepen his an hako kheer.

2. Mose 3:7

Un o baro Dewel penas: “Me dikom har djungelo mire menshenge djala an o them Egiptia. Me shunom lengri gole, har dan i pralstune chale len dawa. Me prindjrau lengre duka.

2. Mose 9:18

Dik, taissar an ko emligo tsiro mukau brishin te dell, hoi hi har barra. Kol brishineskre barra hi jaake baro, har an o them Egiptia gar das, jaake rah kau them della.

Gosewe laba 21:13

Kowa, kai jaake krell, har te shunell lo gar koi gole ko tchorwelestar, leske djala jaake, kai dell job ninna gole un kek shunell les.

Jesaja 15:8

Trul o tselo them Moab trujel well ko ropen shunlo, un djal bis Eglajim un Beer-Elim.

Jesaja 19:16

Ap ko diwes darenn i Egiptarja har djuwja; jon trissenn i trashatar glan o baro Debleste, ko rajeste pral o bolepen un i phub, ap ko diwes, kai hadell lo peskro wast, te dell lo len.

Jeremia 31:15

Kowa penell o baro Dewel: I gole un sorelo ropen well shunlo an o foro Rama: I Rachel rowell pral peskre tchawen: Jon hi mulo. Un joi kamell kek shukar laba te shunell.

Ropaskre gilja 3:8

Ninna te dau gole un mangau les, kamell lo miro mangepen gar te shunell.

Amos 5:17

Ninna an i tsele drakengre themma giwenn le ropaskre gilja. Kowa lauter well pral tumende, te wau me, te dap tumen i phagi. Kowa penau me, o baro Dewel.

Zefanja 1:10

Ap ko diwes well i bari gole shunlo, hoi well kotar, kai o Matchengro Wudar hi. Un i ropen well shunlo, hoi well dran o Newo Foro. Un i kurepaskri gole well i tikne bergendar. Kowa penell o baro Dewel.

Louka 13:28

Te han tumer win tardo un dikenn, kai o Abraham, un o Isaak, un o Jakob, un kol tsele Debleskre rakepangre pash o Debleste an o bolepen hi, rowenn tumer. Un tumer dandrenn i danda i dukatar khetne.