2. Mose 11:1 - O Debleskro Drom 2021 (Sinte)

¹ Palle penas o baro Dewel ap o Mose: “Jek wawar bibacht kamau me pral o Farao un pral o tselo them Egiptia te anell. Pal koja mukell lo tumen te djal. Un kowa hi gar doha: job tradell tumen win.

O Debleskro Lab 2024 (Sinte-Manouche)

¹ Palle penas o baro Devel ap o Mose: “Yek vavar bibarht kamau me pral o Farao oun pral o tselo them Egiptia te anell. Pal koya moukell lo t'men te djal. Oun kova hi gar doha: yob tradell t'men vin.

2. Mose 11:1 ပူးပေါင်းရင်းမြစ်များ

1. Mose 15:14

Kolla, kai krenn lendar budepangre, lenn i phagi mandar. Koi pal djan tire menshe win baro brawlepah.

Hiob 10:17

Tu tchiweh menshen pre tardo, kai tchomone ap mande pre anenn. Un tiri choli ap mande well gomme bareder. Un tu bitchreh jek phagi pral i wawar ap mande.

2. Mose 12:29

Un mashkral an i rat maras o baro Dewel i tsele mursh tchawen, kai his i phureder tchawe pengre dajendar, an o tselo them Egiptia: o Faraeskro phureder tchawes, kai ap o rajeskri beshepaskri beshdo hi, un ninna i phureder tchawen kolendar, kai stilde hi. Awa, ninna i mursh vieche, hoi his i phureder tchawe pengre dajendar, wan temerl dino.

2. Mose 3:20

Doleske tchiwau bari bibacht ap i Egiptarja, un krau baro koowa mank lende, hoi sikrella miri soor. Pal kowa mukenn le tumen te djal.

2. Mose 6:1

Koi penas o baro Dewel ap o Mose: “Kanna dikess tu, hoi me o Faraeske krau. Dran miri bari soor mukell lo len te djal. Miro wast well jaake sorelo ap leste, te tradell lo len dran o them win.”

2. Mose 9:14

Te shuneh tu kau kopo pale gar, palle kamau me i djungleder bibacht pral tute un tire pralstunende un pral tire tsele menshende te bitchrell, te dikess un haiwess, te hi kek ap kai phub jaake har me.

3. Mose 26:21

Un te sikrenn mange o dumo un kamenn gar ap mande te shunell, palle dau me tumen i phagi, hoi gomme efta kope phareder hi har kaja bis kanna.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

Debleskro tsiro 16:9

Un i menshe wan soreles chatchedo. Un jon praassan o Debles, kai das len koi phagi. Un jon mukan gar pengro tchilatcho drom, un sharan o Debles gar.

1. Samuel 6:4

Un jon putchan: “Hoi hi kowa hoi mer hunte das leste, te well lauter pale mishto?” Jon penan: “Pantch raja hi an o them Filistia. Len un tumen hi o emligo nasslepen. Doleske krenn pantch sonakangre figure, hoi win dikenn har o dukepen, hoi ap tumaro mass was, ninna pantch sonakangre figure, hoi win dikenn har kol kermuse, kai chan tumaro them pre. Denn kolen o Israeleskro Debleste. Jaake sikrenn tumer leste, te djinenn, har baro job hi. Nai well, te lell lo peskro wast tumendar pale, ninna tumare deblendar un tumaro themestar.