2. Mose 10:28 - O Debleskro Drom 2021 (Sinte)

²⁸ Un o Farao penas ap leste: “Dja tuke mandar! Un de tut jak, te wess buder gar glan mire jaka! Ap ko diwes, kai tu pale glan mire jaka weh, dau tut mulo.”

O Debleskro Lab 2024 (Sinte-Manouche)

²⁸ Oun o Farao penas ap leste: “Dja touke mandar! Oun de tout yak, te vess bouder gar glan mire yaka! Ap ko dives, kay tou pale glan mire yaka veh, dau tout moulo.”

2. Mose 10:28 ပူးပေါင်းရင်းမြစ်များ

2. Familjakro liil 16:10

O Asa choiras pes pral o dikepaskro, un an peskri bari choli mukas lo les an o stilepen te anell. An ko tsiro rikras job ninna wawar menshen an o them i dawentsa tele.

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

2. Mose 10:11

Na-a, jaake gar! Tumer mursha kokres, djan un mangenn tumaro baro Debles an! Kowa hi, hoi tumer kaman.” Un jon tradan len dran o Faraeskro kheer win.

2. Mose 18:4

Ko wawar kharas Elijeser. Har kawa boldo was, penas o Mose: “O Dewel miro dadestar was ap miri rig. Job las man win dran o wast o Faraestar, kai kamas man mulo te dell.”

Amos 7:13

Kate an Betel mangell o baro rai o Debles an, kate hi leskro kheer. Doleske nai rakreh tu gar pale kate an o Debleskro lab.”

Hebrearja 11:27

Dran peskro patsepen djas o Mose win dran o them Egiptia, un daras gar o baro rajestar pral o them Egiptia, te well job chojedo ap leste. Na-a. Job rikras jaake ap o Debleste, koles kek nai dikella, har te dikals les lo peskre jakentsa.