2. Mose 10:23 - O Debleskro Drom 2021 (Sinte)

²³ Jaake kales his, te nai dikas jek o wawares gar. Un kek stas kote pre, kai job his. Pash i Israelitarja his diwes, kote kai jon djiwan.

O Debleskro Lab 2024 (Sinte-Manouche)

²³ Yaake kales his, te nay dikas yek o vavares gar. Oun kek stas kote pre, kay yob his. Pash i Israelitarya his dives, kote kay yon djivan.

2. Mose 10:23 ပူးပေါင်းရင်းမြစ်များ

2. Mose 14:20

te was li mashkral i Egiptarja un i Israelitarja. Un joi his kali glan i Egiptarja. Pash i Israelitarja his li i momeli an i rat. Un i tseli rat nai wan i Egiptarja gar pash lende.

2. Mose 7:25

Un efta diwessa djan trujel pal ko diwes, kai o baro Dewel ap o pani Nil das.

2. Mose 8:18

Ap ko diwes krau kowa an ko them Gosen, kai mire menshe djiwenna, wawartchandes. Kote wenn kek matsille, hoi tchurje denn. Jaake te dikess un te haiwess, te hom me o baro Dewel kate an kau them.

2. Mose 8:19

Un tu dikess, te hi wawartchandes pash mire menshende har pash tire menshende. Ko baro koowa well taissar pral tumende.’”

2. Mose 8:22

O Mose penas: “Kowa djal gar. Kol viechen, hoi mer maro baro Debleske marah, hi pale-tchiddo pash i Egiptarja. Te marah mer kol viechen kote, kai i Egiptarja nai dikenn men, palle hadenn jon barra pre un witsrenn men lentsa mules.

2. Mose 9:26

Kokres an o them Gosen, kai i Israelitarja djiwan, kote peras kek barrengro brishin tele.

2. Mose 9:4

Kau baro nasslepen well gar ap i viechende, hoi i Israelitarjen hi. O baro Dewel krell wawartchandes pash i Egiptarja har pash i Israelitarja. Kolendar merell kek viecho.”

Jesaja 42:16

Mire menshen, kai hi har korele, sikrau i drom, kolestar jon tchi djinenn. Un anau len ap dromma, kolendar jon tchi shunan. Jon djiwenn har an kali rat, un me lau o tamlepen glan lende krik. Un kol barra, hoi ap lengro drom tchiddo hi, lau krik. Kawa krau lenge, un mukau len gar.

Amos 4:7

Triin tchon glan kowa kai anan tumaro djob dren, rikrom o brishin pale. Un me dom brishin ap jek foro un gar ap i wawar. O brishin peras ap jek hachetikri phub, un koi wawar phub, kai kek brishin das, meras tele.

Maleachi 3:18

Palle dikenn tumer pale, kai djal gar emliges kolenge, kai an o tchatchepen tardo hi un kolenge, kai krenn o tchilatchepen. Djal wawartchandes koleske, kai mangell o Debles an, har koleske, kai mangell les gar an.

Kolossarja 1:13

Job las men win dran i wasta kolestar, kai hi o rai pral o tamlepen un o tchilatchepen, te djiwas mer khetne peskro Tchaweha, koles job o djijestar kamella. Kowa hi maro rai,

Josua 24:7

kote dan le gole ap mande, o baro Debleste. Un me tchiwom rati mashkral lende un i Egiptarjen. Un mukom o baro pani pral i Egiptarjen te well. Un o pani tchakras len. Un tumare phure dikan pengre jakentsa, hoi me ap i Egiptarjen krom. Un tumer djiwan i rah tsiro an o mulo them.

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.