2. Mose 10:21 - O Debleskro Drom 2021 (Sinte)

²¹ Kote penas o baro Dewel ap o Mose: “Hade tiro wast pre pash o bolepen! Palle well sawi kali rat pral o tselo them Egiptia, kai dikeh nai tiro wast gar glan i jaka.”

O Debleskro Lab 2024 (Sinte-Manouche)

²¹ Kote penas o baro Devel ap o Mose: “Hade tiro vast pre pash o bolepen! Palle vell savi kali rat pral o tselo them Egiptia, kay dikeh nay tiro vast gar glan i yaka.”

2. Mose 10:21 ပူးပေါင်းရင်းမြစ်များ

Hiob 5:14

Pral o diwes mukell lo len an o tamlepen te nashell, un mashkral diwes dikenn le pengro drom gar, har te wals rati.

Debleskri gili 105:28

O baro Dewel bitchras i tamlepen, te was kales, har rati. I Egiptarja shunan gar ap leskre laba.

Debleskri gili 35:6

Lengro drom te well kalo un sapeno, te dikenn le tchi un perenn le! Un o baro Debleskro bolepaskro te lell len palla!

Debleskri gili 78:49

Jaake bitchras o Dewel peskri bari choli ap i Egiptarja. Leskri choli his har i jag, hoi chatchras, un i bari phagi pral lende anas. I bibacht tapras len har te wals lat bitchedo i bolepangrendar, kai anenn o merepen.

2. Mose 7:19

Un o baro Dewel penas ap o Mose: “Pen ap o Aron: Le tiro kasht un rike tiro wast pral i panja an o them Egiptia: pral i panja, hoi nashenna un pral o pani, hoi tardo hi. Jaake te well o tselo pani rat an o tselo them Egiptia. Ninna an i khore dran kasht un bar hi palle rat dren.”

2. Mose 9:22

Un o baro Dewel penas ap o Mose: “Hade tiro wast pre ap o bolepen! Palle dell brishin, hoi hi har barra, ap i menshende, ap i viechende un ap o tselo senlepen ap i hachetikri phub an o tselo them Egiptia.”

Gosewe laba 4:19

O drom kolendar, kai o tchilatchepen krenn, hi har i kali rat; jon nai dikenn gar, pral hoi jon perenn.

Sikepaskro 2:14

Kowa, kai gosewo hi, dikell, kai lo djal. O dinelo nashell an i rati. Un ninna haiwom, jekeske djal har o wawareske.

Sikepaskro 6:4

Ko ternepen was boldo kek djipah, un an i rati djal lo koi. Kek nai djinell, hoi lestar wals.

Ezekiel 32:7

Ap ko diwes kai tiro djipen wi-phurdedo well, tchakrau o bolepen tele, un i bolepangre momlia wenn kalo. Un glan o kham djan wolke, un o tchon well buder gar diklo.

Mateo 27:45

His deesh-te-dujenge, koi was o diwes kalo har i rat an o tselo them. Un kowa atchas jaake bis trinenge.

Markus 15:33

His deesh-te-dujenge, koi was o diwes kalo har i rati an o tselo them. Un kowa atchas jaake bis pash trinenge.

Louka 23:44

His nai deesh-te-dujenge, koi was o diwes kalo har i rati an o tselo them. Un kowa atchas jaake bis trinenge.

5. Mose 1:30

Tumaro baro Dewel djal glan tumende win un kurell pes tumenge, jaake har lo glan tumare jaka an o them Egiptia tumenge kras.

5. Mose 28:29

Ap o diwes, kai o kham pralstunes tardo hi, rikrenn tumer tumare wasta glan tumende, te rodenn tumaro drom, har korele, kolenge hako tsiro har i rati hi. Tumen well kek bacht an tumaro djipen. Wawar menshe djan sorjah ap tumende pre un tchorenn tumen pale te pale win. Un kek well ap tumari rig.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

2. Petro 2:17

Kol menshe hi har i brunna, kai hi kek pani dren. Jon hi har o bolepen, kai dell kek brishin. Ap ko diwes, kai lenn jon pengri phagi, wenn le an i kali rat witsedo.

2. Petro 2:4

O Debleskri choli was ninna pral kol bolepangre, kai kran o tchilatchepen. O Dewel witsras len an o telstunepen. Kote hi le pandlo an i kali rat, bis te well ko diwes, kai dell lo len lengri phagi.

Judas 1:13

Jon hi har diwje panja, hoi witsrenn pengro tchik, hoi an lende hi, win ap i phub glan lende. Jon hi har bolepangre momlia, hoi dran pengro drom win djan, un hunte djan kanna hako tsireske an i kali rat.

Judas 1:6

Ma bistrenn witar gar kol bolepangren, kai dan gar garda ap koi budi, hoi o Dewel len das, un mukan pengro kheer an o bolepen. Kolen pandas lo i shellentsa, hoi kek tsireske buder pre kerdo wenn. Un job rikrell len stildo an i kali rat, bis te well ko baro diwes, kai i phagi pral lende wi-rakedo wella.

Debleskro tsiro 8:12

Un o starto bolepaskro phurdas an peskri phurdepaskri. Un o kham las i dap, un o triinto kotar lestar was kalo. Ninna o tchon un i wawar bolepangre momlia lan i dap. Un o triinto kotar lendar was kalo. Jaake chatchas o kham gar ap o triinto kotar ap o diwes, witar gar chatchan o tchon un i bolepangre momlia ap o triinto kotar an i rat.