2. Mose 10:14 - O Debleskro Drom 2021 (Sinte)

¹⁴ Un jaake wan i stepangre pral o tselo them Egiptia. Jon his jaake bud, har gomme gar koi his un gar buder wenna,

O Debleskro Lab 2024 (Sinte-Manouche)

¹⁴ Oun yaake van i stepangre pral o tselo them Egiptia. Yon his yaake boud, har gomme gar koy his oun gar bouder venna,

2. Mose 10:14 ပူးပေါင်းရင်းမြစ်များ

1. Rajengro liil 8:37

Nai well i bari bok pral kau them, ninna i djungelo nasslepen, i tsiro, kai dell kek brishin, i nasslepen ap o djob, bud stepangre un kirme, kai chan o tselo senlepen, lurde, kai wenn dran wawar themma un tchiwenn pen trul i forja un pandenn len dren – hawi bibacht un nasslepen ninna wella,

Debleskri gili 78:46

Lengro djob chan i stepangre pre. Kolla chan lauter, hoi ap lengri phub bares was.

2. Mose 11:6

Un palle well i baro ropen an o tselo them Egiptia, jaake har his gomme kek ropen un well buder kek ropen.

2. Mose 9:18

Dik, taissar an ko emligo tsiro mukau brishin te dell, hoi hi har barra. Kol brishineskre barra hi jaake baro, har an o them Egiptia gar das, jaake rah kau them della.

Gosewe laba 30:27

I stepangre: Len hi kek rai un djan win har kurepangre, kolenge penlo was, har le hunte djan.

Joel 1:7

Tchi hi buder ap mare drakengre ruka, kek patria hi buder ap mare faigetikre ruka. Ninna lengro kasht hi nango un parno, lauter hoi ap lende his, chan le tele.

5. Mose 28:38

Tumer witsrenn bud djob ap tumari phub win, un anenn kokres i wast pherdo dren. I stepangre chan halauter pre.

5. Mose 28:42

Tumare tsele ruka un halauter hoi an tumaro them bares was, chan i stepangre.