2. Mose 1:17 - O Debleskro Drom 2021 (Sinte)

¹⁷ Kol dui chatchede chalja daran o Deblestar un shunan gar ap o baro rajeste, hoi job penas. Jon mukan ninna kol mursh tchawen te djiwell.

O Debleskro Lab 2024 (Sinte-Manouche)

¹⁷ Kol douy rhačede rhalya daran o Deblestar oun shounan gar ap o baro rayeste, hoy yob penas. Yon moukan ninna kol morsh čaven te djivell.

2. Mose 1:17 ပူးပေါင်းရင်းမြစ်များ

1. Mose 20:11

O Abraham penas: “Me patsom, kai an kau foro kek menshe hi, kai patsenn o djijestar ap o Debleste un krenn, hoi o Dewel kamell. Darom, kai jon man mulo denna, te lenn le miri romjat.

1. Mose 42:18

Ap o triinto diwes penas o Josef ap lende: “Te krenn tumer, hoi penau, atchenn tumer djido. Me darau o Deblestar.

2. Samuel 24:4

O baro rajeskro lab his sorleder har kol laba o Joabestar un leskre pralstune lurdendar. Jaake djas o Joab kol pralstune lurdentsa o baro rajestar krik, te hatsell job win har bud mursha an Israel hi.

Nehemia 5:15

Kol wawar themeskre raja glan mande tchiwan pharo koowa ap i menshende. Hako diwes lan le lendar maro un mool un kote pashel gomme 40 (star-deesh) rupene beme. Un kolengre budepangre kran pen ninna rai pral i menshende, jaake har le kaman! Me krom kowa gar jaake, djinom, o Dewel dikell man!

Ester 3:3

Kote putchan lestar i wawar pralstune, kai an o wudar glan o baro rajeskro kheer his: “Hoske kreh tu kowa gar, hoi o baro rai penas?”

Debleskri gili 31:19

kolla chochene, kai hi pre-phurde un praassenn kolen, kai an o tchatchepen tardo hi.

2. Mose 1:18

Palle mukas o baro rai kol chatchede chalja te well un penas: “Hoske shunan tumer gar ap mande un mukan kol mursh tchawen te djiwell?”

Gosewe laba 16:6

Ab latches un rike pash o Debleste, un job bistrell tiri doosh. Te djiweh leha, rikreh tut pale o tchilatchepastar.

Gosewe laba 8:13

Kowa, kai kamell o baro Debleha te djiwell, kowa kamell o tchilatchepen gar glan peskre jaka te dikell, kowa dikell gar tele ap o wawareste un phurdell pes gar pre, kowa djal gar i tchilatcho drom, un rakrell kek chochepen.

Sikepaskro 12:13

Kowa lauter, hoi kate penlo was, hi khetne lino kowa: Shun ap o Debleste un rike leskre laba! Kowa molell i tsele menshenge.

Sikepaskro 8:12

Ninna te djiwell kowa i lengsto djipen, kai krell sheel kope fullo koowa, djinau me, te djal kolenge kokres mishto, kai djiwenn o Debleha un mukenn les lengro rai te well.

Daniel 6:13

Un jon djan pash o baro rajeste un rakran leha pral ko lab, hoi mukas lo win gole te dell, un penan: “Maro baro rai, mukal tu gar sawe laba pre te tchinell, un tchiwal tiro lab koi tele, te well hakeno pash i lewe an i gruba witsedo, kai mangell an kal trijanda (30) diwessa, hoi wenn, i wawarestar tchomone un gar tutar, te wals i deblestar har ninna i menshestar?” Un o baro rai penas: “Awa, kowa hi tchatcho. Un ko lab hi gar pale te lell. Jaake hi o tchatchepen pash i Medarja un i Persarja.”

Hosea 5:11

O Efrajim las pes glan, te nashell lo i chochene deblenge palla. Doleske well lo kanna tele rikedo. Un leskro tchatchepen well i pirentsa stakedo.

Micha 6:16

Ko tchilatcho koowa, hoi kol raja, o Omri un o Ahab, tumenge glan kran, kowa kran tumer ninna. Un hoi jon penan, kowa kran tumer ninna. Doleske krau me dran tumaro foro i mulo foro. Un pral tumende, kai kote djiwenn, san i wawar menshe. Bari ladj well pral tumende.

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Louka 12:5

Me kamau tumen te sikrell, konestar hunte tchatchepah trashenn: Trashenn o Deblestar, kai les i soor hi, te witsrell lo jekes pal o merepen an o bengeskri jag! Awa, kowa penau tumenge: Kolestar trashenn!

Bičepangre 5:29

O Petro un i wawar Jesuseskre bitchepangre penan: “Mer hunte shunas ap o Debleste budeder har ap i menshende.

1. Samuel 22:17

Un o baro rai Saul penas ap kol lurdende, kai trul leste tardo hi: “Djan ap lende un denn kal rashajen o baro Deblestar mulo. Lengre wasta his o Davideha. Jon djinan, te hi lo ap o naashepen un penan kowa mange gar.” Kol mursha kaman gar o baro Debleskre rashajen an-taprell un kaman len gar mulo te dell.