2. Johanni 1:4 - O Debleskro Drom 2021 (Sinte)

⁴ Me homs bachtelo, kai hatsom menshe tumendar, kai an o tchatchepen djiwenna, jaake har o Dewel, maro dad, kowa kamella.

O Debleskro Lab 2024 (Sinte-Manouche)

⁴ Me homs barhtelo, kay hatsom menshe t'mendar, kay an o čačepen djivenna, yaake har o Devel, maro dad, kova kamella.

2. Johanni 1:4 ပူးပေါင်းရင်းမြစ်များ

Hosea 14:9

Palle penell o Efrajim ap mande: Hoi te krap kanna i mule deblentsa? Me shunau un dikau ap tute. Me hom har i baro senelo ruk. Kowa, hoi ap mande bares well, well tutar.

Maleachi 2:6

Jon anan i menshenge kowa pashel, hoi tchatcho hi. Un kek tchilatcho lab his an lengre muja. Jon djiwan glan mande an o latchepen un an o tchatchepen, un rikran bud menshen o tchilatchepastar pale.

1. Korintarja 13:6

Kones hi o Debleskro kamlepen an o dji, kowa hi gar bachtelo pral o tchilatchepen. Job hi bachtelo pral o tchatchepen.

Galatarja 2:14

Har me dikom, kai jon gar ap o tchatcho drom djan, jaake har o Jesus les mende sikras, koi penom me ap o Kefaseste glan hakeneste: Ninna te hal i biboldo, djiweh tu gar har i biboldo. Hoske kameh i sorjah, te djiwenn kol patsle, kai kek bibolde hi, har i bibolde?

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

Efesarja 5:8

Glan ko tsiro, har tumer patslo wan, djan tumer ap o tchilatcho drom. Kowa his har te djans an i rati. Kanna hi kowa wawartchandes. Maro rai Jesus djiwell an tumare djia, un anas tumen ap peskro drom. Job hi i bari momeli tumenge. Djan kanna ap leskro drom, kai hi buder kek tamlepen!

Filiparja 4:10

Me homs o djijestar bachtelo, un parkrom man pash maro rajeste, o Jesuseste, har dikom, kai tumer bistran man gar, un bitchran man kowa, hoi man hunte well djipaske. Ninna te kaman tumer kowa i rah tsiro mange te krell, djas kowa gar.

1. Johanni 2:6

Koon penella, te atchell lo o Debleha khetne, kowa hunte djiwella jaake, har o Jesus Kristo djiwas.