2. Johanni 1:2 - O Debleskro Drom 2021 (Sinte)

² O tchatchepen atchell an mende, un hi pash mende hako tsiro. Doleske kamah tumen o djijestar.

O Debleskro Lab 2024 (Sinte-Manouche)

² O čačepen ačell an mende, oun hi pash mende hako tsiro. Doleske kamah t'men o djiyestar.

2. Johanni 1:2 ပူးပေါင်းရင်းမြစ်များ

Johanni 14:16

Un me mangau o dadestar, te bitchrell job tumenge i rakepaskres, kai well ap tumari rig. Job djal buder gar krik tumendar.

Johanni 15:7

Te atchenn tumer an mande un krenn kowa, hoi me penom, palle nai mangenna mandar, hoi kamenna. Un kowa lenn tumer.

1. Korintarja 9:23

Kowa lauter krau me, te patsenn bud ap o latcho lab o Jesus Kristestar, te lap ninna kowa, hoi mange o Dewel an peskro lab penella.

2. Korintarja 4:5

Lestar rakrah mer, un gar mendar. Mer penah i menshenge, o Jesus Kristo hi o rai. Un mer ham leskre budepangre un budrah tumenge.

Kolossarja 3:16

Ma mukenn tele, te rakrenn un shunenn o lab o Jesus Kristestar! Rakrenn les tumenge an o dji! Awenn gosewo koi pashel, te sikrell jek o wawareste, har te djal lo ap o Debleskro drom! Giwenn Debleskre gilja un sawe gilja, hoi sharenn o Debles, ninna sawe gilja, hoi o Debleskro Ducho an tumende tchiwella! Awa, giwenn o Debleske, un sharenn les an tumare djia!

2. Timoteo 1:5

Dikom tiro patsepen, an koleste kek chochepen hi. Kau patsepen his ninna an tiri mamjate Lois, un an tiri date Eunike. Un me djinau, kai djiwell kau patsepen ninna an tute.

2. Petro 1:12

Ninna te djinenn kowa lauter, un han sorelo tardo an o tchatcho patsepen, penau tumenge kowa pale te pale.

1. Johanni 1:8

Mer te penah: “Men hi kek doosh an maro djipen”, jaake chochah men kokres, un mer ham gar an o tchatchepen tardo.

1. Johanni 2:14

Tchowale, tumenge tchinom kau lab, te bistrenn gar, kai hi o Dewel tumaro dad. Phure murshale, tumenge tchinom kau lab, te bistrenn gar o Jesuses, kai hako tsiro koi hi. Terne murshale, tumenge tchinom kau lab, te han tumer soreles. Un o Debleskro lab atchell an tumende. Un tumer kran gar, hoi o beng tumendar kamas.

1. Johanni 2:17

Kai phub atchella gar, witar gar kowa, hoi i menshe ap kai phub kamenna. Koon krella, hoi o Dewel kamella, kowa atchella hako tsiro.