1. Timoteo 5:6 - O Debleskro Drom 2021 (Sinte)

⁶ Hi wawartchandes pash i djuwjate, kolakro rom buder gar djiwella, un kai dikell ap peste kokres, te well lat i shukar djipen. Kolakro patsepen hi mulo.

O Debleskro Lab 2024 (Sinte-Manouche)

⁶ Hi vavarčandes pash i djouvyate, kolakro rom bouder gar djivella, oun kay dikell ap peste kokres, te vell lat i shoukar djipen. Kolakro patsepen hi moulo.

1. Timoteo 5:6 ပူးပေါင်းရင်းမြစ်များ

1. Mose 2:17

Kokres ko ruk, kai della goswepen, hoi hi latcho un hoi hi tchilatcho, kolestar te chas tu gar. Te chah kolestar, mereh.”

Gosewe laba 29:21

Te deh tu tiro budepaskres lauter, hoi kamell lo, fun tiknes pre, palle well ko diwes, kai shunell lo buder gar ap tute.

Jesaja 22:13

Un hoi krenn tumer? Tumer sanenn un khelenn, marenn grumjen un bakren, chan mass un pijenn mool. Tumer penenn: “Mukenn men te chal un te pijell, taissar merah mer!”

Jesaja 47:1

Tele tumentsa, tumer Babilonarja, tumer, pral kolende bis kanna kek o sorleder his! Beshenn tumen an i tchik! Tumer dran o them Kaldea hans beshdo har i rajetsa ap peskri beshepaskri. Kanna besh tut ap i phub! Tutar penell kek buder: ‘Babilon, koi shukar tchai’ un ‘Babilon, koi raili’.

Jeremia 6:2

Tu, shukar foro Jerusalem, ko tsiro hi koi, kai weh paash dino.

Ropaskre gilja 4:5

Kolla, kai bud latcho chapen chajan, merenn kanna i bokatar win ap i dromma. Kolla, kai ap kutch pernitse hidjedo wan, hi kanna an i khandli tchik tchiddo.

Mateo 8:22

Penas o Jesus: “Muk i mule pengre mulen te paskrell! Dja tu mantsa!”

Louka 12:19

Un me nai penau ap mande: Kowa krom mishto. Kanna hi man bud bersha latcho koowa o djipaske un budrap buder gar. Me chau un pijau un krau miro djipen mange mishto.

Louka 15:13

Pal i tikno tsiro las o terneder tchawo peskro tselo brawlepen, un djas an i wawar them, djiwas i shukar djipen, un das peskro tselo brawlepen win.

Louka 15:24

Tchatchepah, miro tchawo his mulo, un was djido. Job his nashedo un was pale. Un jon wan lauter bachtelo.

Louka 15:32

Mer hunte was bachtelo. Tiro phraal his mulo un was djido. Job his nashedo un hatsas pale khere.

Louka 16:19

Un o Jesus penas pale: Koi his i brawelo mursh. Kowa his hako tsiro shukar un railes rido, un djiwas i shukar djipen.

Louka 7:25

Koon kaman tumer te dikell? Kaman tumer i murshes te dikell, kai an kutch koola rido hi? Na-a, sawo mursh hi lo witar gar. Me penau tumenge: Kolla, kai riwenn raile koola, un djiwenn i shukar djipen, kolla djiwenna an i rajengre bare khera.

Efesarja 2:1

Har gar patslo hans, his bud doosh ap tumende. Un tumer hans tchilatcho. Jaake hans o Debleske mulo.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

5. Mose 28:54

I mursh tumendar, koles hako tsireske doha ap halauter his, un railes djiwas, ninna kowa chal peskre tchawen, un dikell pherdo silwepen ap peskro phraleste un ap peskri romjate un ap peskro wawar tchaweste, hoi leske gomme atchas, te lenn jon tchi ko massestar. Tchi wawar har kau mass atchas leske leskro tselo brawlepastar. Jaake baro hi koi daar un koi bok an tumare tsele forja, kai han dren pandlo kolendar, kai kurenn pen tumentsa.

5. Mose 28:56

Un i djuwel tumendar, kolat hako tsireske doha ap halauter his, un jaake railes djiwas, te mukas pes li te hidjrell, un peskre pire gar ap i phub tchiwas, – jaake railes was li peske glan, un sau brawelo djipen djiwas li – ninna koi djuwel chal peskro ternepen un kowa hoi gomme pal kowa win well dran late, har anas li o ternepen ap i phub. Tchorchanes chal li kowa un dikell pherdo silwepen ap peskro romeste un peskri tchat, te lenn jon tchi kolestar. Tchi wawar atchas lake chapaske. Jaake baro hi koi daar un koi bok an tumare tsele forja, kai han dren pandlo kolendar, kai kurenn pen tumentsa.

Kolossarja 2:13

An o phuro tsiro, har tumer an o tchilatchepen djiwan, hans mulo o Debleske, un hans gar leskre menshe. Kanna kras o Dewel tumen o Jesus Kristeha djido, un las tumari tseli doosh tumendar.

2. Timoteo 3:6

Mashkral lende hi menshe, kai djan an i khera, te taprenn le sawe djuwjen, kai ladjenn pen glan tchi, un ap lende bud doosh hi.

Jakobo 5:5

Tumenge djas mishto ap kai phub, tumer chan un pijan, un wan pesso, jaake har i vieche, kai wenn maredo.

Debleskro tsiro 18:7

Denn lat jaake bud duka un bibacht har his lat i shukar un brawelo djipen ap kai phub! Ninna kanna penell li an lakro dji: Me hom i bari rajetsa. Un man hi lauter doha. Un i bibacht well gar ap mande.”

Debleskro tsiro 3:1

“Tchin kau liil ap o Debleskro budepaskro, kai dell jak ap i patslende an o foro Sardes: Kawa penell kowa, koles o Debleskro Ducho hi, un koles i efta bolepangre momlia an o wast hi. Me djinau lauter, hoi tumer kran. Tumer han mulo, ninna te penenn le pral tumende, te han djido.

1. Samuel 15:32

Un o Samuel penas: “Anenn o Agag, ko rajes pral o Amalek, kai pash mande!” Un o Agag djas darjah koi, un penas: “Tchatchepah, har phares hi mange te hunte merap.”

1. Samuel 25:6

un penenn: ‘Te djiwess i shukar djipen! I bacht well tuha un tire menshentsa, un ap lauter, hoi tuke hi!