1. Timoteo 5:5 - O Debleskro Drom 2021 (Sinte)

⁵ I patsli djuwel, kai hi lat buder kek rom, witar kek wawar menshe, kolake hunte wenn tumer koi. Koja dikell ap o Debleste kokres un mangell lestar, te dell lo lat doha djipaske. Joi mangell les i tselo djijestar o diwes un i rati, un mukell gar tele.

O Debleskro Lab 2024 (Sinte-Manouche)

⁵ I patsli djouvel, kay hi lat bouder kek rom, vitar kek vavar menshe, kolake hounte venn t'mer koy. Koya dikell ap o Debleste kokres oun mangell lestar, te dell lo lat doha djipaske. Yoy mangell les i tselo djiyestar o dives oun i rati, oun moukell gar tele.

1. Timoteo 5:5 ပူးပေါင်းရင်းမြစ်များ

Debleskri gili 91:4

Har i kachni peskre ternen tel leskre mussja khatrell, jaake khatrell o Dewel tut tel leskre sorele mussja. Kote nai djal tuke tchi. Job rikrell tut jaake har lo penas. Doleske nai well kek tchilatchepen ap tute.

Jesaja 12:2

O Dewel lell man dran i bibacht win. Me rikrau ap leste, un darau gar. Peskri sorjah was o baro Dewel ap miri rig. Miri giljah sharau les dran o dji. Job las man win.

Jesaja 3:26

I menshe an tiro foreskre wudja, Jerusalem, denn palle gole un rowenn. Un o foro hi palle wi-tchoredo un muklo.

Jesaja 49:21

Palle putcheh tutar an tiro dji: Koon anas mange jaake bud tchawen ap i phub? Me homs muklo, kek tchawentsa, kokres un krik tradedo. Un kolla kote, koon tserdas len bares? Atchom me gar kokres pral? Kai his kolla?

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jesaja 54:1

Jerusalem, tu hal har i djuwel, kai kek tchawe nai lell, kanna gib, tu, kai kek tchawes ap i phub anal, ab bachtelo, gib un de gole i bachtjatar! O baro Dewel penell tuke: Tu, koi mukli djuwel, tut wenn budeder tchawe har kolat, kai romedino hi.

Ropaskre gilja 1:13

Job bitchras i jag dran o bolepen an mire kokale, hoi an mande chatchell. Job tchiwas i netsa win, te taprenn pen mire pire dren, un mukas man ap o dumo te perell. Job mukas man kokres tchiddo. O tselo tsiro hom nasselo.

Louka 18:1

Un o Jesus penas lenge laba, kai i khatedo tchatchepen dren hi, te sikrell lo len, te hunte mangenn le o Debles hako tsiro, un te hunte mukenn le gar tele, te denn le les gole. Un job penas:

Louka 18:7

Har bud feteder hi o Dewel! Patsenn tumer gar, te well lo ap i rig peskre wi-rodede menshendar, kai diwes un rati ap leste gole denna? Awa, job well ap lengri rig un dell len lengro tchatchepen. Lell lo pes bud tsiro, te well lo ap lengri rig?

Louka 2:37

Palle meras lakro rom. Un kanna his li ochta-deesh-te-star bersha phuro. Un joi his o tselo diwes un i tseli rati an o Debleskro baro kheer, te mangell li o Debles an. Un bud kope chas un pijas li tchi o Debleske.

Bičepangre 26:7

Mare menshe, kai wenna i deesh-te-dui Israeleskre tchawendar, kolla mangenn o Debles diwes un rati, te well kowa, hoi job mare phurenge penas. Baro Agrippa, me patsau, kai kowa was, kolestar o Dewel penas, te well job. Doleske kamenn man i bibolde i phagi te dell.

Bičepangre 6:1

An kol diwessa, kai i patsle budeder wan, djas i tchingepen mashkral i patslende, kai rakran hebretikes, un kol patslende, kai rakran grichtikes. Mashkral kolla, kai rakran grichtikes, his djuwja, kolengre romma mulo his. Un kolla lan gar jaake bud chapaske har kolla, kai rakran hebretikes. Doleske his kolla, kai rakran grichtikes, chojedo ap kolende, kai rakran hebretikes.

Bičepangre 9:39

O Petro stas pre un djas lentsa. Har job kote was, anan jon les an koi pralstuni isema, kai koi muli djuwel tchiddo hi. Bud djuwja, kolengre romma mulo hi, his kote un rowan. Kolla wan pash leste un sikran leste kol ripja, kai i Tabita kras, har joi djiwas.

Bičepangre 9:41

Un job das lat o wast un hadas lat pre. Palle das job kol patslen gole, ninna kol djuwjen, kolengre romma mulo his. Un joi his djido glan lende tardo.

Remarja 1:12

Te dikah o patsepen, hoi an o wawareste hi, wah mer khetne soreles an maro patsepen.

Remarja 1:5

Job das man koi Debleskri budi te djap pash i menshende an i tsele themma. Job bitchras man, te penap lenge, te patsenn le ap leste un shunenn ap leste.

1. Korintarja 7:32

Me kamoms, te well tumaro dji gar pharo. Koon gar romedino hi, nai well o Jesuseske, maro rajeske, o tselo djijestar koi.

1. Korintarja 7:34

Un koi djuwel, kai gar romedini hi, dikella, hoi nai krell joi o Jesuseske, maro rajeske. Un joi krell kowa peskri tseli sorjah, un kamell peskri tselo djijeha leske koi te well. I djuwel, kai romedini hi, kolakro dji hi pherdo phubjakro koowa. Joi dikell ap kowa, hoi lakro rom kamella.

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

Filiparja 4:6

Ma darenn tchi! Hako tsiro mangenn o Deblestar, hoi tumen hunte well, un penenn leske lauter, hoi ap tumaro dji hi! Un parkrenn tumen pash leste!

1. Timoteo 2:1

Me penau tumenge kanna, hoi hunte krenn un gar mukenn: Mangenn o Debles i tsele menshenge! Penenn leske lauter, hoi ap tumaro dji hi! Parkrenn tumen pash o Debleste lautereske, hoi job das!

1. Timoteo 5:16

Te hi i patsli djuwjat wawar djuwja an lakri familja, kolengro rom buder gar djiwella, hunte dikell joi ap lende, te hi len doha djipaske. Kai budi hi gar i budi i tsele patslendar. I patsle hunte wenn kol djuwjenge koi, kai len kek menshe hi.

1. Timoteo 5:3

Kanna rakrau pral kol djuwjende, kolengre romma buder gar djiwenna. De jak, te well kolen doha djipaske, kai hi len tchatchepah kek menshe, kai lenge koi hi.

2. Timoteo 1:3

Hako diwes un haki rati mukau gar tele, te parkrap man pash o Debleste tuke, un te mangap o Debles tuke. Job hi kowa, koleske budrau me o djudjo djijeha, jaake har ninna mire phure kowa kran.

1. Petro 3:5

Jaake djiwan ninna kol patsle djuwja an ko phuro tsiro. Jon dikan ap o Debleste, un hadan pen gar pral pengre romende.

Ruth 2:12

O baro Dewel mu dell tut ko latchepen pale, hoi tu lake kral! Job, o baro Dewel, ko Dewel pral o Israel, pash koleste tu wal, un tel koleskro wast tut khatral, job te dell tut i shukar brawlepen halautereske, hoi kral.”