1. Timoteo 5:4 - O Debleskro Drom 2021 (Sinte)

⁴ Te hi kol djuwjen tchawe, tchawengre tchawe, hunte wenn kolla lenge koi. Jaake sikrenn jon, te patsenn le ap o Debleste. Un jon parkrenn pen pash pengri dai un pengri mami, hoi kolla lenge lauter kran. Kowa hi mishto glan o Debleskre jaka.

O Debleskro Lab 2024 (Sinte-Manouche)

⁴ Te hi kol djouvyen čave, čavengre čave, hounte venn kolla lenge koy. Yaake sikrenn yon, te patsenn le ap o Debleste. Oun yon parkrenn pen pash pengri day oun pengri mami, hoy kolla lenge lauter kran. Kova hi mishto glan o Debleskre yaka.

1. Timoteo 5:4 ပူးပေါင်းရင်းမြစ်များ

1. Mose 47:12

Ninna maro das job peskro dadeste un peskre phralende lengre familjentsa, jaake bud, kai hakenes doha his.

1. Mose 47:28

Un o Jakob djiwas an o them Egiptia 17 (deesh-te-efta) bersha. Un job was 147 (sheel-te-star-deesh-te-efta) bersha phuro.

Hiob 18:19

Leske atchell kek tchawo, witar kek tchawengro tchawo mank peskre menshende. Kote, kai djiwas lo, atchell kek lendar djido.

Gosewe laba 31:28

Lakre mursh tchawe stakrenn glan un sharenn lat. Un lakro rom sharell lat kal labentsa:

Jesaja 14:22

O baro Dewel, ko rai pral o bolepen un i phub, penell: Me hadau man pre ap i menshende an o foro Babilon. Leskro lab well bistedo. Un kek lendar atchell djido, witar gar lengre tchawe un tchawengre tchawe.

Louka 2:51

Palle djas lo lentsa pale an o foro Nazaret, un kras lauter, hoi jon penan leske. Leskri dai rikras kol tsele laba, hoi o Jesus penas, an peskro dji.

1. Timoteo 2:3

Kowa kamell maro Dewel, kai das men o newo djipen.

1. Timoteo 5:16

Te hi i patsli djuwjat wawar djuwja an lakri familja, kolengro rom buder gar djiwella, hunte dikell joi ap lende, te hi len doha djipaske. Kai budi hi gar i budi i tsele patslendar. I patsle hunte wenn kol djuwjenge koi, kai len kek menshe hi.

Tito 1:11

Tu pandess lengro mui! Jon sikrenn i menshende i drom, hoi gar tchatcho hi. Kowa krenn le, te well len budeder lowe. Jaake djinenn tsele familje buder gar, hoi te patsenna.

Čačepangre 12:14

Un koles his star-desha mursh tchawe un trijanda tchawengre tchawe. Un kolla klissan ap 70 (efta-desha) burike. Un job kras o tchatchepen pral o Israel ochta bersha win.

Ruth 2:18

Un joi hidjras lauter an o foro un anas les peskro romeskri dake, un das lat ninna ko peklo djob, hoi pral atchas lakro chapastar.

Ruth 2:2

His i diwes, koi penas i Rut ap i Naomi: “Me kamau ap i hachetikri phub te djal un djob pre te hadell, hoi tchiddo atchas. Djau pash jekeste, kai latcho hi ap mande un mukell man kowa te krell.” Un i Naomi penas: “Dja miri tchai!”