1. Timoteo 4:5 - O Debleskro Drom 2021 (Sinte)

⁵ O Debleskro lab krell, te nai chas hako chapen. Un mer parkrah men pash o Debleste koleske.

O Debleskro Lab 2024 (Sinte-Manouche)

⁵ O Debleskro lab krell, te nay rhas hako rhapen. Oun mer parkrah men pash o Debleste koleske.

1. Timoteo 4:5 ပူးပေါင်းရင်းမြစ်များ

1. Mose 1:25

Un o Dewel kras hake diwje viechen un hake viechen, kai gar diwje hi, ninna i tsele tikne viechen ap i phub. Un job dikas, kai kowa mishto hi.

1. Mose 1:31

Un o Dewel dikas halauter, hoi job kras, un tchatchepah halauter his mishto. Un was rati un pale taissarlakro. Kowa his o shobto diwes.

Louka 11:41

Denn i tchorwelende kowa, hoi tumen an tumare khore un tchare dren hi! Un tchi hi tumenge pale-tchiddo.

Louka 4:4

Koi penas o Jesus: “An o Debleskro lab hi tchinlo: O maro kokres rikrell i menshes gar djido.”

1. Korintarja 7:14

O Dewel dikell latches ap o romeste, kones i patsli romni hi. Un o Dewel dikell latches ap i romjate, kai lat i patslo rom hi. Te wals kowa gar jaake, wans tumare tchawe har i tchawe kolendar, kai prindjrenn o Debles gar. Kowa hi gar jaake. Glan o Debleste hi le har tchawe, kolengro dad un dai, kolla dui, patslo hi.

1. Timoteo 4:3

Jon penenna, te romedineress gar, un te chas gar hako chapen. Koon ap o Jesus Kristeste patsella, un o tchatchepen haiwella, nai chal lauter, te parkrell pes lo pash o Debleste, kai lauter kras.

Tito 1:15

Kolla, kai o Jesus lengri doosh lendar las, kolla hi djudjo un erligo glan o Debleste. Kolenge dell tchi, hoi hi pale-tchiddo. Kolla, kai gar ap leste patsenn, kolla hi pale-tchiddo glan o Debleste. Kolenge hi lauter pale-tchiddo. Lengro dji hi tchilatcho, un jon haiwenn buder gar, hoi mishto un tchatcho hi.

Hebrearja 11:3

Dran maro patsepen haiwah, te was o bolepen un i phub kerdo dran o Debleskro rakepen. Lauter, hoi kanna dikah, kowa kras o Dewel dran kowa, hoi nai dikah gar.