1. Timoteo 4:4 - O Debleskro Drom 2021 (Sinte)

⁴ Lauter, hoi o Dewel kras, hi latcho. Un tchi hi pale-tchiddo, te parkrah men mer koleske pash o Debleste.

O Debleskro Lab 2024 (Sinte-Manouche)

⁴ Lauter, hoy o Devel kras, hi lačo. Oun či hi pale-čiddo, te parkrah men mer koleske pash o Debleste.

1. Timoteo 4:4 ပူးပေါင်းရင်းမြစ်များ

1. Mose 1:31

Un o Dewel dikas halauter, hoi job kras, un tchatchepah halauter his mishto. Un was rati un pale taissarlakro. Kowa his o shobto diwes.

Bičepangre 10:15

Un job shunas i duito kopo, har jek leha rakras un penas: “Ma kre pale-tchiddo, hoi o Dewel erligo kras!”

Bičepangre 15:29

Chan kek mass, hoi was glan i figura anlo, hoi i menshe an-mangenn, har te wals li o Dewel. Pijenn kek rat! Chan kek mass i viechestar, kai o rat gar win nashas! I murshenge penah, te sowenn le gar wawar djuwjentsa. Un i djuwjenge penah, te sowenn le gar wawar murshentsa. Te rikrenn tumen ap kowa, hi kowa mishto. Atchenn o Debleha!”

Bičepangre 21:25

Kolenge, kai kek bibolde hi un patslo wan, tchinam mer i liil. An ko liil hi tardo, – te chan le kek mass, hoi was glan i figura anlo, hoi i menshe an-mangenn, har te wals li o Dewel; – te pijenn le kek rat; – te chan le kek mass i viechestar, hoi was tassedo; – te sowenn i mursha gar wawar djuwjentsa, witar gar i djuwja wawar murshentsa.

Remarja 14:14

Me djinau soreles, – maro rai Jesus sikras man kowa: Dell tchi, hoi hi pale-tchiddo an peste. Kowa kokres, kai patsell, te krell tchomone les pale-tchiddo, koleske hi kowa pale-tchiddo.

Remarja 14:20

Ma krenn kowa paash, hoi o Dewel kras! Ninna te hi kek chapen pale-tchiddo an peste, nai well jekes i pharo dji, te chal lo tchomone, hoi leske pale-tchiddo hi. Un kowa hi gar mishto.

Remarja 14:6

Koon rikrell o Debleskro diwes bareder har i wawar diwessa, krell kowa o Debleske. Koon patsell, te nai chal lo lauter, krell kowa o Debleske un parkrell pes pash leste. Koon patsell, te nai chal lo gar lauter, kowa krell les ninna o Debleske, un sharell o Debles ninna.

1. Korintarja 10:23

Tumer penenn: “Lauter nai krah mer.” Me penau: Gar lauter hi latcho. Lauter nai krah mer. Gar lauter, hoi mer krah, hi mishto menge un i wawarenge.

1. Korintarja 10:25

Tumer nai chana hako mass, hoi bikedo wella. Ma putchenn, konestar ko mass wella, te well tumenge gar phares an o dji!

1. Korintarja 10:26

Djinenn, i phub un lauter, hoi koi pre hi, hi o Debleskro.

1. Korintarja 10:30

Te chau i chapen un parkrau man koleske pash o Debleste, nai praassell man kek, te chau me ko chapen.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

1. Timoteo 4:3

Jon penenna, te romedineress gar, un te chas gar hako chapen. Koon ap o Jesus Kristeste patsella, un o tchatchepen haiwella, nai chal lauter, te parkrell pes lo pash o Debleste, kai lauter kras.