1. Timoteo 4:1 - O Debleskro Drom 2021 (Sinte)

¹ O Debleskro Ducho penell menge, te perenn i menshe o Debleskro dromestar tele an ko tsiro, hoi wella. Jon shunenn ap o chochepen, un ap kowa, hoi wella o bengestar.

O Debleskro Lab 2024 (Sinte-Manouche)

¹ O Debleskro Dourho penell menge, te perenn i menshe o Debleskro dromestar tele an ko tsiro, hoy vella. Yon shounenn ap o rhorhepen, oun ap kova, hoy vella o bengestar.

1. Timoteo 4:1 ပူးပေါင်းရင်းမြစ်များ

1. Mose 3:13

Un o baro Dewel, maro rai, penas ap i romjate: “Hoske kral tu kowa?” “O sap chochras man”, penas i romni, “jaake kai chom.”

1. Rajengro liil 13:18

Kote penas o phuro ap leste: “Me hom ninna i Debleskro rakepaskro har tu, un i bolepaskro o baro Deblestar penas mange: ‘An les khere pash tute, te nai chal lo maro un te nai pijell lo pani!’” Chochepen his kowa, hoi ko phuro penas.

Jesaja 2:2

Well i tsiro, koi hi koi berga, kai o baro Debleskro kheer tardo hi, bareder har i tsele wawar berge, un dikell tele ap i tsele tikne berge. Un i menshe dran bud themma nashenn pash kai berga,

Jeremia 23:26

Har rah kamenn le sawo koowa te krell? Har rah penenn kal rakepangre chochepen glan-wi, hoi well dran lengro dji un gar mandar?

Jeremia 48:47

I diwes well, kai krau me, te well i menshenge dran o them Moab pale lauter mishto, penell o baro Dewel. Kate herell pre, hoi o Jeremia pral o them Moab penas.

Jeremia 49:39

Pal i rah tsiro krau me, te well i menshenge dran o them Elam pale lauter mishto. Kowa penell o baro Dewel.

Ezekiel 1:3

Kote an o them Babilonia pash o lengsto pani Kebar rakras o baro Dewel ap mande, un leskri soor was pral mande. Me hom o Hesekijel. Miro dad hi o rashai, o Busi.

Ezekiel 38:16

Un tu djah ap mire menshen Israel pre, un tire lurde tchakrenn o them har i wolka. An o palstuno tsiro well kowa jaake, te mukau tut pral miro them te well, te nai dikenn i menshe an wawar themma, koon me hom. Te dikenn le hoi krau tuha, Gog, haiwenn le, te hom me o Dewel.

Daniel 10:14

Kanna wom me, te penap tuke, hoi tire menshenge djal an kol diwessa, kai wenna, un kanna gomme dur glan mende hi. Ninna kau dikepen well tchatcho an o tsiro, kai gomme dur krik hi.”

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Micha 4:1

O tsiro wella, kai hi koi berga soreles tardo, kai o baro Debleskro kheer tardo hi. Kai berga hi bareder har i tsele wawar berge. Un pash late wenn i menshe dran i tsele themma.

4. Mose 24:14

Un kanna djau pash mire menshende. Glan kowa kamau tuke te penell, hoi kal menshe tire menshenge krenna an o tsiro, hoi wella!”

Mateo 18:7

I bibacht hi kowa, kai della ap kai phub bud koowa, hoi anell i menshen ap o tchilatcho drom. Hawo bibacht well ap koleste, kai anell i wawaren ap o tchilatcho drom!

Louka 17:1

Un o Jesus penas ap peskre malende: “Tchatchepah, menshe wenna, kai kamenn tumen o Debleskro dromestar tele te anell. Bibacht ap koleste, kai kowa krella!

Johanni 16:13

Te well o Debleskro Ducho, kai o tchatchepen an leste hi, sikrell lo tumende o tselo tchatchepen. Job rakrell gar dran peste. Hoi job shunella, kowa rakrell job. Un hoi wella, penell job tumenge glan-wi.

Bičepangre 13:2

His i diwes, kai sharan le o Debles un chan tchi, te wenn le leske feteder koi. Koi penas lenge o Debleskro Ducho: “Bitchrenn o Barnabes un o Saules win, te krenn le koi budi, hoi me len dau. Me dom len gole, te krenn le kowa.”

Bičepangre 17:18

Mank lende his ninna sikle mursha, kai kharan Stoikarja un Epikurarja. Kolla tchingran leha. Har rakras o Paulo pral o Jesuseste, un penas, kai kras o Dewel o Jesuses i mulendar djido, penan le: “Hoi kamell ko dinelo rakepaskro te penell?” Wawar penan: “Job rakrell pral wawar deblende, kolen mer gar prindjrah.”

Bičepangre 20:23

O Debleskro Ducho penas mange an hako foro, kai djom, kai wau stildo un kai duka ap mande wenna.

Bičepangre 21:11

Un job was pash mende, las koi dori, hoi o Paules trul peskro ripen his, un pandas peskre pire un wasta, un penas: “Kowa penas mange o Debleskro Ducho: Ko mursh, koneske kai dori hi, koles pandenn i bibolde an o foro Jerusalem, un denn les an i wasta kolendar, kai kek bibolde hi.”

Bičepangre 28:25

Jon tchingran pral kowa, hoi o Paulo penas, un djan penge, har o Paulo kau lab penas: “Me dikau, kai kowa tchatcho hi, hoi o Debleskro Ducho ap o Jesaja penas, te penell job kowa mare phurenge. O Debleskro Ducho penas:

1. Korintarja 10:20

Kowa, hoi i menshe kol deblen dran kasht un bar denna, anenn jon i bengenge, gar o Debleske. Un me kamau gar, te wenn tumer i bengentsa khetne.

1. Korintarja 11:19

Kowa hunte well jaake, te dikell hakeno, koon tumendar an o patsepen mishto tardo hi.

1. Korintarja 12:11

Kowa krell lauter ko jek Debleskro Ducho, un job dell hakenes kowa jaake, har job kamella.

1. Korintarja 2:10

Men das o Dewel peskro Ducho. Un o Ducho sikrell men kowa, hoi hi o Debles an o dji. O Debleskro Ducho dikell an halauter, ninna an o Debleskro dji.

2. Korintarja 11:3

Me darau, te was wawar koowa an tumaro shero, un tumer djiwenn buder gar djudjes un kokres o Jesus Kristeske. Me darau, te djas tumenge har i Evake, har o gosewo sap chochras lat, un joi mukas o tchatcho drom.

5. Mose 32:29

Har kamaus, te wans le gosewo! Palle haiwans le, hoi ap lende wella.

5. Mose 4:30

An ko tsiro, hoi wella, kai ap tumende ko tselo koowa was, hoi tumenge penom, an kol djungele phare diwessa wenn tumer pale pash tumaro baro Debleste, un krenn, hoi job tumenge penell.

Kolossarja 2:18

Hi menshe, kai krenn pen bares, un kamenna, te shunenn tumer ap kawa te kowa, un te sharenn tumer o Debleskre bolepangre, har jon krenna. Ma shunenn ap lende! Ninna te penenn le tumenge, te dikan le i baro koowa, hoi kek wawar dikas, ma patsenn lenge! Kowa, hoi jon penenna, hi tchi moldo. Jon hi sharede, ninna te dell tchi, pral hoi jon nai sharans pen: Lauter hoi jon rakrenna well dran lengro shero.

2. Timoteo 3:13

Kol tchilatche menshe un kol chochene, kai krenn jaake, har te wans le patslo, kolentsa well djungleder un djungleder. Jon peran o Debleskro dromestar tele, un tserdenn ninna wawaren o Debleskro dromestar tele.

2. Timoteo 4:4

Palle shunenn jon buder gar ap o tchatchepen. Jon shunenn ap chochene parmisse.

Jakobo 3:15

Sawo goswepen well gar o Deblestar. Kowa well o menshestar un o bengestar.

1. Petro 1:20

Har i phub gar koi his, rodas o Dewel les win, te merell lo i menshenge. Un an kau tsiro, kai djiwah, was lo tumenge ap i phub.

2. Petro 2:1

Glan i rah tsiro his chochene rakepangre an o them Israel, kai kran, har te bitchras len o Dewel. Jaake wenna ninna mashkral tumende chochene sikepangre, kai sikrenn tumen i chocheno drom, kai anell tumen krik o Deblestar. Kol sikepangre denn o Jesuses, maro rajes, buchoste, kai plaissras peskro rateha lenge, te lell lo len dran o tchilatchepen win. Jon nashenn an pengri bibacht.

2. Petro 3:3

Me kamau, te djinenn tumer, glan ko tsiro, kai o Jesus Kristo pale wella, wenna menshe pash tumende, kai san pral tumaro patsepen. Kolla djiwenn jaake har jon kamenna,

1. Johanni 2:18

Tchowale, mer djiwah an ko tsiro, kai i phub buder gar rah atchella. Un tumer shunan, kai ko chocheno wella, kai hadell pes pral o Jesus Kristeste. Shunenn, bud chochene hi kanna kai, kai hadenn pen pral o Jesus Kristeste. Ap kowa dikah mer, kai i phub buder gar rah atchella.

1. Johanni 4:6

Mer ham o Deblestar, un hakeno, koon o Debles prindjrella, shunell ap mende. Koon hi gar o Deblestar, kowa shunell gar ap mende. Doleske djinah mer, kones o Debleskro Ducho hi, kai rakrell o tchatchepen, un kones o chocheno ducho hi.

Judas 1:18

Jon penan: Glan ko tsiro, kai maro rai Jesus pale wella, wenna sawe menshe, hoi san pral o Debleskro koowa, un djiwenn jaake, har jon kamenna un krenn, hoi o Dewel gar kamella.

Judas 1:4

Me shunom, hi menshe koi, hoi tchorchanes mank tumende wan. Kolla kamenn o Deblestar tchi djinell. Jon penenn, te hi o Dewel latcho, un te nai krenn le lauter, hoi jon kamenna. Jaake djiwenn le i wi-ladjedo djipen, un denn maro rajes, o Jesus Kristes, buchoste. Kowa kokres hi maro rai. Glan i rah tsiro hi tchinlo, te lenn jon pengri phagi.

Debleskro tsiro 16:14

Kolla triin benga krenn baro un sorelo koowa, un djan pash i rajende pral i tsele themma, te anenn jon pengre lurden khetne, te djan le an o kurepen ap o Debleskro baro diwes.

Debleskro tsiro 18:2

Un job das soreles un bares gole: “O foro peras khetne! O baro foro Babilon peras khetne! Kanna djiwenn kote i benga. Kote khatrenn pen kol tchirkle un wawar vieche, kai pale-tchiddo hi, un i menshe darenn lendar.

Debleskro tsiro 18:23

I tsele momlia djan win. Un kek krella pale i momeli an. Tu shuneh buder kek pirno peskri pirnjah khelell un giwell. I bikepangren un i parepangren an ko foro his bud penepaske ap kai phub. Un ko bengeskro koowa, hoi kran le an o foro, anas i menshen an i tsele themma ap o bengeskro drom.

Debleskro tsiro 19:20

Un ko viecho was tapedo, ninna leskro chocheno rakepaskro. Ko rakepaskro kras bud baro koowa, un anas kolen ap o bengeskro drom, kai o viecheskro lab ap pende lan, un ko vieches an-mangan, hoi i menshendar kerdo was. Un djides wan kol dui an i bari jag witsedo, hoi soreles chatchella un khandella.

Debleskro tsiro 2:11

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, kowa merell gar o duito kopo.”

Debleskro tsiro 2:17

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau ko maro dran o bolepen te chal, hoi kharella Manna. Ninna dau les i parno bar. Ap koleste hi o newo lab tchinlo, koles kek prindjrell, har kowa, kai les lella.”

Debleskro tsiro 2:29

Shunenn halauter mishto, hoi o Debleskro Ducho penella ap i patslende!”

Debleskro tsiro 2:7

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau te chal ko rukestar, hoi o djipen della, kowa, hoi tardo hi an o Debleskri shukar baar.”

Debleskro tsiro 20:10

Un o beng, kai anas len ap peskro drom, well an i bari jag witsedo, hoi soreles chatchella un khandella. Kote hi ninna o viecho, un ko chocheno rakepaskro. Kote well len hako tsiro bare duka.

Debleskro tsiro 20:8

Un job djal win, te tserdell lo i menshen ap i tseli phub ap peskro drom. Kolla menshe kharenna Gog un Magog. Un jon hi jaake bud, te penell nai kek, kitse jon hi. O beng anell len khetne, te djan le an o kurepen o Debleskre menshentsa.

Debleskro tsiro 3:13

Shunenn halauter mishto, hoi o Debleskro Ducho penella ap i patslende!”

Debleskro tsiro 3:22

Shunenn halauter mishto, hoi o Debleskro Ducho penella ap i patslende!”

Debleskro tsiro 3:6

Shunenn halauter mishto, hoi o Debleskro Ducho penella ap i patslende!”

Debleskro tsiro 9:20

Un kol wawar menshe, kai gar maredo wan, kolla mukan gar pengro tchilatcho drom, un mukan gar tele, te mangenn le kowa an, hoi jon pen pengre wastentsa kran. Jon mukan gar tele, te mangenn le i bengen an, witar gar kol figuren dran sonakai, rup, saster, barra un kasht, hoi gar nai dikenna, un gar nai shunenna, un gar nai nashenna.