1. Timoteo 3:7 - O Debleskro Drom 2021 (Sinte)

⁷ I phureder hunte well jek, pral koleste ninna kol menshe, kai gar patslo hi, mishto rakrenna. Jaake hunte ladjell lo pes gar, un perell gar an o bengeskro wast.

O Debleskro Lab 2024 (Sinte-Manouche)

⁷ I phoureder hounte vell yek, pral koleste ninna kol menshe, kay gar patslo hi, mishto rakrenna. Yaake hounte ladjell lo pes gar, oun perell gar an o bengeskro vast.

1. Timoteo 3:7 ပူးပေါင်းရင်းမြစ်များ

Markus 4:11

Koi penas lo ap lende: O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. Kol wawar, kai win hi, ap kolende rakrau sawe labentsa, kai i khatedo tchatchepen dren hi,

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

Bičepangre 22:12

Koi his i patslo mursh. Kowa kharas Anania. Job rikras pes ap kowa, hoi an o Moseskre lila tardo hi. Kowa his an-diklo pash i tsele biboldende, kai kote djiwan.

Bičepangre 6:3

Doleske, mire phrala, rodenn mashkral tumende efta murshen win! Kolla hunte wenn mursha, kai hi pherdo Debleskro Ducho un goswepen. Kolla hunte lenn koi budi ap pende.

1. Korintarja 10:32

Djiwenn jaake, te choirell pes kek pral tumende: kol bibolde gar, un kolla, kai kek bibolde hi witar gar, un witar gar kol patsle, kai wenn tumentsa khetne.

1. Korintarja 5:12

Kowa hi gar maro koowa, te rakras o tchatchepen pral kolende win, kai gar patslo hi. Kowa krell o Dewel. Tumer hunte rakrenn o tchatchepen pral kolende win, kai patsle hi. Witsrenn koles dran tumende win, kai krell ko tchilatcho koowa!

2. Korintarja 6:3

Kowa hi ap miro dji, te djiwas jaake, te hatsell kek i doosh ap mende, te rakrell nai kek djungeles pral mari budi.

2. Korintarja 8:21

Mer dikas, te well lauter tchatches kerdo, gar kokres glan o Debleste, ninna glan i menshende.

Kolossarja 4:5

Djiwenn tumaro djipen jaake, te dikenn i wawar, kai tumer patsle han! Rodenn i drom, te rakrenn lentsa pral o Debleste!

1. Tessalonikarja 4:12

Palle hunte lenn tumer tchi kolendar, kai hi gar patslo. Un jon rakrenn nai gar tchilatches pral tumende.

1. Tessalonikarja 5:22

Rikrenn tumen pale dran hako tchilatcho koowa!

1. Timoteo 3:6

I phureder mank i patslende hunte well gar newes an o patsepen, te nai phurdell lo pes gar pre. Te phurdas pes lo pre, nai tserdell les o beng o Debleskro dromestar tele.

1. Timoteo 5:14

Doleske kamau, te romedinerenn kol terne djuwja pale, te lenn jon tchawen, un te budrenn jon an pengro kheer, jaake te nai penell kek djungelo koowa pral i patslende.

1. Timoteo 6:9

Kolla, kai kamenn brawele te well, kolla perenn an o bengeskro wast, un anenn pen an bud dinelo un djungelo koowa. Un kowa anell len an i bibacht un mukell len tele te djal.

2. Timoteo 2:26

Jaake wenn jon pale dran o bengeskre wasta win, kai jon pandlo his. O beng tapras len, te kran le kowa, hoi job kamella.

Tito 2:5

te denn le pen jak, hoi jon rakrenna, te krenn le kek wi-ladjedo koowa, te krenn le pengri budi mishto an pengro kheer, te wenn le latches, un te shunell hakeni ap peskro romeste! Jon te krenn kowa lauter, palle rakrell nai kek mensho djungeles pral o Debleskro lab.

Tito 2:8

Pen les lenge jaake, te nai penell kek, kai kowa gar tchatcho hi, hoi tu peneh! Palle nai rakrenn kolla gar djungeles pral mende, kai hi chojemen ap mende. Na-a, jon ladjenn pen.

3. Johanni 1:12

O Demetrio krell o latchepen. Lauter rakrenn mishto pral leste. Un leskro djipen sikrella, te hi lo an o tchatchepen tardo. Mer ninna penah, kai kowa, hoi job krella, mishto hi. Un tu djineh, kai kowa, hoi mer penah, tchatcho hi.

1. Samuel 2:24

Kowa, hoi pral tumende penlo well mank o baro Debleskre menshende, hi gar mishto. Kanna mukenn kowa!