1. Timoteo 3:2 - O Debleskro Drom 2021 (Sinte)

² I phureder hunte djiwell jaake, te hatsell kek i doosh ap leste. Les well gar budeder har jek romni. Job rakrell kek dinelo koowa, un dell pes jak, hoi job rakrell un krell. Job mukell pes gar an djungelo koowa te tserdell. Job lell i wawaren latches an peskro kheer dren. Job sikrell mishto o Debleskro drom.

O Debleskro Lab 2024 (Sinte-Manouche)

² I phoureder hounte djivell yaake, te hatsell kek i doosh ap leste. Les vell gar boudeder har yek romni. Yob rakrell kek dinelo koova, oun dell pes yak, hoy yob rakrell oun krell. Yob moukell pes gar an djoungelo koova te tserdell. Yob lell i vavaren lačes an peskro kheer dren. Yob sikrell mishto o Debleskro drom.

1. Timoteo 3:2 ပူးပေါင်းရင်းမြစ်များ

Jesaja 56:10

Kol mursha, kai hunte jak denn ap mire menshende, hi korelo, un jon halauter haiwenn tchi, un hi har djukle, kai kek gole denn. Jon hi koi tchiddo un dikenn suni, un kamenn te sowell.

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Louka 2:36

An o foro Jerusalem djiwas i phuri Debleskri rakepaskretsa. Joi kharas Hanna. Lakro dad his o Penuel. Job hi kol menshendar, kai wenna pal o Asser. Efta bersha his i Hanna romedino.

Remarja 12:13

Denn kol tchorwele patslende, hoi len hunte well djipaske! Kolla, kai pash tumende wenna, kolen lenn an tumare khera dren, un denn len te chal un te pijell!

Filiparja 2:15

Jaake djiwenn tumer, har mishto hi. Un kek hatsell i doosh ap tumende. Tumer han o Debleskre tchawe, un djiwenn mashkral kol menshende, kai hi tchilatcho un nashran pen an bud dinelo koowa. Mashkral kolende han tumer har i momlia an i rati,

1. Timoteo 3:12

I mursh, kai budrella i patslenge an o Debleskro kheer, les well gar budeder har jek romni. Job hunte well i latcho dad peskre tchawenge, un i latcho rai pral peskro kheer.

1. Timoteo 3:8

Jaake har i phureder mank i patslende hunte djiwenn latches glan i menshengre jaka, jaake hunte djiwenn kolla ninna, kai budrenn i patslenge an o Debleskro kheer. Jon te rakrenn gar dui tchipjentsa. Jon te wenn kek pipangre. Jon te nashenn gar pal i lowe.

1. Timoteo 4:3

Jon penenna, te romedineress gar, un te chas gar hako chapen. Koon ap o Jesus Kristeste patsella, un o tchatchepen haiwella, nai chal lauter, te parkrell pes lo pash o Debleste, kai lauter kras.

1. Timoteo 5:10

Wawar menshe hunte dikenn ap late, te kras li latcho koowa, un te tserdas li peskre tchawen mishto pre. Jon hunte dikan, te las li menshen pash peste pre, un te thowas li i patslenge i herja. Jon hunte dikan, te his li kolenge koi, kolen i pharo djipen hi, un te kras li hako latcho koowa.

1. Timoteo 5:22

Ma tchip sik tire wasta ap jekeste pre! De jak, te well i doosh i wawarestar gar ap tute! Rike tiro dji djudjo!

1. Timoteo 5:9

Kanna rakrau pral ko liil, kai i laba kol djuwjendar dren tchinlo wenna, kolakro rom buder gar djiwella. Te hi jek lendar terneder har shob-deesh bersh (60), ma tchin lakro lab pre! Koja, kai well dren tchinlo, kolat hunte his jek rom.

2. Timoteo 2:24

Kowa, kai budrell o Debleske, hunte tchingrell pes gar. Na-a, job hi kamlo ap hakeneste, un haiwell mishto i menshende o Debleskro drom te sikrell. Job well gar chojedo ap lende,

Tito 2:2

Pen i phure murshenge, te penenn le kek dinelo koowa, te djiwenn le latches glan i menshende, te denn le jak, hoi jon rakrenna, te atchenn le an o tchatcho patsepen, te kamenn le i menshen o tselo djijestar, un te wenn le gar khino an o patsepen!

Hebrearja 13:2

Te well jek pash tumende, ma bistrenn, te lenn les an tumaro kheer! His menshe koi, kai lan bolepangre an pengro kheer, un djinan les gar.

Hebrearja 3:14

Te rikrah soreles ap maro patsepen ap o Jesus Kristeste jaake rah, har djiwah, palle ham tchatchepah leskre.

1. Petro 4:7

Ko tsiro wella sik, kai tchi atchella, hoi kanna koi hi. Doleske denn garda, har tumer djiwenna, te rikrell tumen tchi pale, te rakrenn o Debleha!

1. Petro 4:9

Lenn jek o wawares kamles an peskro kheer! Un choirenn tumen gar pral koi budi, hoi tumen hi!

1. Petro 5:8

Denn garda, un awenn gar khino! O beng kamell tumen te marell. Un job djal trujel har i diwji bari margodja, hoi hi lat bok, un rodella, kones joi nai chal pre.