1. Timoteo 2:3 - O Debleskro Drom 2021 (Sinte)

³ Kowa kamell maro Dewel, kai das men o newo djipen.

O Debleskro Lab 2024 (Sinte-Manouche)

³ Kova kamell maro Devel, kay das men o nevo djipen.

1. Timoteo 2:3 ပူးပေါင်းရင်းမြစ်များ

Jesaja 45:21

Awenn un sikrenn, te hi tumen tchatcho. Rakrenn khetne un krenn win, hoi kamenn te penell! Koon hi kowa, kai mukas glan i rah tsiro te shunell, hoi kanna djal? Koon penas kowa glan-wi? Homs me kowa gar, o baro Dewel? Un dell kek wawar Dewel har man. Me hom i Dewel, kai o tchatchepen penell un krell. Un i Dewel, kai dran o merepen win lell, hom me kokres un kek wawar.

Louka 1:47

Un miro dji dell gole i bachtjatar pral mo Debleste. Job hi ap miri rig.

Remarja 14:18

Koon jaake djiwella, kowa sharell o Jesus Kristes. Ap leste dikell o Dewel latches. Un pash i menshende hi lo an-diklo.

Filiparja 1:11

Un ko bud latcho un tchatcho koowa, hoi tumer kran, krell o Debles bares. Kowa kran tumer an i soor, hoi o Jesus Kristo das tumen.

Filiparja 4:18

Kanna hi man lauter, hoi man hunte well djipaske, un budeder har doha. O Epafrodito anas mange kowa lauter, hoi tumer mange bitchran. Kowa hi jaake, har te anans tumer o Debleske latcho koowa, hoi sungell mishto, un kai dikell lo latches pre un hi bachtelo pral kowa.

Kolossarja 1:10

Palle djiwenn tumer jaake, te well o Dewel sharedo, un krenn lauter, hoi hi latcho un mishto glan leskre jaka. Un dran tumaro djipen well bud latcho koowa. Un tumer prindjrenn o Debles hako tsiro feteder.

1. Tessalonikarja 4:1

Mire phrala, mer sikram tumende, har te djiwenn tumaro djipen jaake, te well o Dewel bachtelo pral tumende. Un kowa krenn tumer. Kanna mangah tumen jaake har maro rai, o Jesus, mangals tumendar: Krenn kowa gomme budeder un feteder!

1. Timoteo 1:1

Me, o Paulo, tchinau kau liil. Me hom o Jesus Kristeskro bitchepaskro, te penap i menshenge leskro lab. Jaake kamell kowa o Dewel, kai lell men dran o tchilatchepen win, un o Jesus Kristo, ap koleste patsah.

1. Timoteo 4:10

Maro patsepen rikrell pes ap o djido Debleste. Job kamell hako menshes dran o merepen win te lell. Un kolla, kai patsenn ap leste, wenn dran o merepen win lino. Doleske budrah mer, un lah ninna duka ap mende.

1. Timoteo 5:4

Te hi kol djuwjen tchawe, tchawengre tchawe, hunte wenn kolla lenge koi. Jaake sikrenn jon, te patsenn le ap o Debleste. Un jon parkrenn pen pash pengri dai un pengri mami, hoi kolla lenge lauter kran. Kowa hi mishto glan o Debleskre jaka.

2. Timoteo 1:9

Job las men dran o tchilatchepen win, un das men gole, te djiwas leha khetne. His gar dran maro latcho koowa, te das lo men gole. Na-a. Kowa his an leskro dji, te was lo menge latches. Har o bolepen un i phub gomme gar koi his, his an leskro dji, te bitchrell lo o Jesus Kristes menge ap i phub.

Hebrearja 13:16

Ma bistrenn te krenn o latchepen! Denn i wawaren tchomone, te well len ninna tchomone! Kowa, hoi tumer i menshenge krenna, hi har te krans tumer les o Debleske. Un job dikell latches ap kowa.

1. Petro 2:20

Te krenn tumer tchilatcho koowa un wenn doleske dino, hi kowa gar mishto, ninna te rikrenn tumer i duka win. Te krenn tumer latcho koowa, un jon dukrenn tumen dran kowa, palle sharell tumen o Dewel.

1. Petro 2:5

Ninna tumer han sawe djide barra. Tumentsa kamell o Dewel peskro kheer pre te tchiwell. Job rodas tumen win, te wenn tumer leskre rashaja, un te wenn leske koi. An tumende das o Jesus Kristo peskro Ducho. Doleske nai sharenn o Debles jaake, har job kowa kamella.