1. Timoteo 1:5 - O Debleskro Drom 2021 (Sinte)

⁵ Lauter, hoi peneh tu lenge pral o patsepen, hunte sikrell lende, te well lengro kamlepen dran i djudjo dji, un te well len i patsepen, an koleste kek chochepen hi, un te krenn le lauter jaake, har lengro dji lenge penella.

O Debleskro Lab 2024 (Sinte-Manouche)

⁵ Lauter, hoy peneh tou lenge pral o patsepen, hounte sikrell lende, te vell lengro kamlepen dran i djoudjo dji, oun te vell len i patsepen, an koleste kek rhorhepen hi, oun te krenn le lauter yaake, har lengro dji lenge penella.

1. Timoteo 1:5 ပူးပေါင်းရင်းမြစ်များ

Debleskri gili 24:4

Kawa, ap koleskre wasta kek doosh hi, un koles i djudjo dji hi. Kowa, kai djiwell gar peskro djipen ap chochepen, un dell pes gar chocheni sowel.

Debleskri gili 51:10

Muk man pale bacht te haiwell! Tu phagal man, kanna muk man pale te stell!

Jeremia 4:14

Jerusalem, te kameh win lino te well, palle thob tiro tchilatchepen tiro djijestar tele! Har rah kameh tu ko tchilatchepen an tiro shero te rikrell?

Zefanja 3:7

Me penom mange: Te dikenn mire menshe kowa lauter, dikenn le pre ap mande, un mukenn penge mandar tchomone te penell! Palle wals lengro foro gar paash kerdo! Un tchi wals pral lende, hoi me penom, kai kamau te krell. Kanna was wawartchandes: Lauter tchilatchepen krenn le un mukenn gar tele.

Mateo 12:35

Dran i latcho mensheskro dji wella latcho koowa. Dran i tchilatcho dji wella tchilatcho koowa.

Mateo 5:8

Bachtele hi kolla, kai hi len i djudjo dji. Jon dikenn o Debles pengre jakentsa.

Bičepangre 15:9

Leske hi jon gar wawartchandes har mer, i bibolde. Jon te patsenn ap leste, palle krell lo lengro dji djudjo.

Bičepangre 23:1

O Paulo dikas ap kol pralstune biboldende, un penas: “Tumer mursha, mire phrala, o tselo djipen budrom o Debleske, un man hi i djudjo dji.”

Bičepangre 24:16

Doleske krau lauter te djiwap jaake, te well man hako tsiro i djudjo dji glan o Debleste un glan i menshende.

Remarja 10:4

Job bitchras o Jesus Kristes. Koon ap leste patsella, kowa hi tchatcho glan o Debleste. O Moseskre laba hi buder gar o drom pash o Debleste.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

Remarja 14:15

Te dikell tiro phraal, te chah tu halauter, un kowa dukell les an peskro dji, palle kameh tu les gar o djijestar. O Jesus Kristo meras ninna koleske. Doleske de jak, te anell sawo tikno koowa les gar o Debleskro dromestar tele.

Remarja 9:1

Glan o Jesus Kristeste penau tumenge: Kowa, hoi tumenge kanna penau, hi o tchatchepen un kek chochepen. Ninna o Debleskro Ducho an miro dji penell mange kowa.

1. Korintarja 13:1

Ninna te rakroms me nai an hako rakepen, hoi i menshe un i bolepangre rakrenna, un te wals man gar o Debleskro kamlepen an miro dji, palle woms me har i bashepaskro, kai bashrell gar mishto. Leskro bashepen molella tchi.

2. Korintarja 1:12

Maro dji penell menge, mer djiwam maro djipen tchatches un djudjes, jaake har o Dewel kamella. Doleske nai sharah men. Mer rakram pral o Debleskro latchepen un penam tchi, hoi wella dran maro menshengro goswepen. Tumer djinenna, jaake djiwam gar kokres mank i wawar menshende, na-a, ninna pash tumende.

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

5. Mose 10:12

Un kanna Israel, shun, hoi tiro baro Dewel kamell, te kress! Tu mangess les an, djas ap leskro drom an halauter hoi tu kreh. Tu kamess les o tselo djijestar, un wess leske koi tiri tseli sorjah.

1. Timoteo 1:18

Miro tchawo Timoteo, kowa penau tuke, te rikress tu kowa an tiro dji. Ma biste kol laba, hoi glan i tsiro pral tute glan-wi penlo wan! Kolla laba denn tut i soor, te mukess gar tele te krell o Debleskri budi, jaake har i latcho kurepaskro gar pre dell an o kurepen.

1. Timoteo 1:19

Rike ap o patsepen ap o Jesus Kristeste! Kre, hoi tiro dji tuke penella! Hi menshe, kai shunan gar ap pengro dji, un kran gar, hoi mishto hi. Un jon peran o Debleskro dromestar tele.

1. Timoteo 3:9

Jon hunte rikrenn soreles ap o tchatchepen, hoi o Dewel sikras. Lengro patsepen hunte well dran i djudjo dji.

2. Timoteo 1:3

Hako diwes un haki rati mukau gar tele, te parkrap man pash o Debleste tuke, un te mangap o Debles tuke. Job hi kowa, koleske budrau me o djudjo djijeha, jaake har ninna mire phure kowa kran.

2. Timoteo 1:5

Dikom tiro patsepen, an koleste kek chochepen hi. Kau patsepen his ninna an tiri mamjate Lois, un an tiri date Eunike. Un me djinau, kai djiwell kau patsepen ninna an tute.

2. Timoteo 2:22

Tu, Timoteo, ma kre ko tchilatcho koowa, hoi i terne murshenge an o shero trujel djala! Kre lauter, te djiwess an o tchatchepen! Atch an o patsepen! Ab kamlo ap i wawarende! Djib latches lentsa khetne! Kre kowa lauter khetne kol phralentsa, kai o Debles an-gole denna i djudjo djijeha!

Tito 1:15

Kolla, kai o Jesus lengri doosh lendar las, kolla hi djudjo un erligo glan o Debleste. Kolenge dell tchi, hoi hi pale-tchiddo. Kolla, kai gar ap leste patsenn, kolla hi pale-tchiddo glan o Debleste. Kolenge hi lauter pale-tchiddo. Lengro dji hi tchilatcho, un jon haiwenn buder gar, hoi mishto un tchatcho hi.

Hebrearja 10:22

Leskro rat thowas mari doosh mendar, un kras mare djia djudjo. Un mer wam an o djudjo pani tele thodo. Doleske djas kanna o latcho un tchatcho djijeha glan o Debleste an i sorelo patsepen!

Hebrearja 13:18

Mangenn o Debles menge! Maro dji hi djudjo. Kowa djinah mer. Hako tsiro kamah kowa te krell, hoi latcho hi.

Hebrearja 9:14

kitse sorleder hi o Jesus Kristeskro rat. O Debleskro Ducho, kai djiwella hako tsiro, das o Jesus Kristeste i soor, te nai das lo peskro djipen an o merepen. Un job meras o Debleske jaake har i bakro, ap koleste kek doosh hi. Kowa kras lo, te lell lo mari doosh mendar, jaake te djiwas mer buder gar pal kol laba, hoi tchi moldo hi un i menshe an o merepen anenna. Kanna hi maro dji djudjo, un mer nai wah tchatchepah o djido Debleske koi.

Jakobo 4:8

Awenn pash o Debleste! Jaake well job ninna pash tumende. Ap tumende, kai kran tchilatcho koowa, penau me: Krenn tumare wasta djudjo! Ap tumende, kai djan ap dui dromma, penau me: Mukenn ko tchilatcho drom, un djan ap o Debleskro drom!

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!

1. Petro 3:16

Rakrenn lentsa latchepah, un krenn tumen gar bares pral lende! Rakrenn dran i djudjo dji, te well i ladj ap kolende, kai rakrenn djungeles pral tumaro djipen o Jesus Kristeha!

1. Petro 3:21

Jaake har wan kol ochta menshe win lino dran o merepen, jaake djas tumenge kanna ninna, har wan tumer taufedo. Kote was gar koi tchik tumendar tele thodo. Na-a! Koon mukell pes te taufrell, kowa mangell o Debles, te dell lo les i djudjo dji. Kowa nai dell o Dewel leste doleske, kai stas o Jesus Kristo i mulendar pre un djas an o bolepen. Kanna hi lo beshdo ap i tchatchi rig o Deblestar, un hi o rai pral i tsele bolepangre, un pral i tsele pralstune un sorele an o bolepen.

1. Petro 4:8

Rikrenn khetne an o kamlepen! Kowa hi feteder har lauter wawar. O kamlepen tchakrell bud tchilatchepen.

2. Petro 1:7

Koon o Debles kamella, koles hi ninna i dji peskre phralenge un phenjenge. Kones i dji hi peskre phralenge un phenjenge, kowa kamell ninna i tsele menshen ap kai phub.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.

1. Johanni 3:23

Un kawa kamell o Dewel mendar: te patsas mer ap leskro tchaweste, o Jesus Kristeste, un te kamas men, jek o wawares o djijestar, jaake har o Jesus Kristo les menge penas.

1. Johanni 3:3

Un hakeno, kai kowa patsella, rikrell peskro dji djudjo, te well kek doosh ap leste, jaake har ap o Jesus Kristeste kek doosh hi.