1. Samuel 9:16 - O Debleskro Drom 2021 (Sinte)

¹⁶ “Taissar kau tsireske bitchrau me i murshes dran o them Benjamin pash tute. Koles less tu un makess les o kutch djeteha, te well lo rai pral mire menshende, i Israelitarja. Kowa lell len win dran o wast i Filistarendar. Me dikom har phares jon o djipen mire menshendar kran. Un lengri gole was glan mande.”

O Debleskro Lab 2024 (Sinte-Manouche)

¹⁶ “Taysar kava tsireske bičrau me i morshes dran o them Benyamin pash toute. Koles less tou oun makess les o kouč djeteha, te vell lo ray pral mire menshende, i Israelitarya. Kova lell len vin dran o vast i Filistarendar. Me dikom har phares yon o djipen mire menshendar kran. Oun lengri gole vas glan mande.”

1. Samuel 9:16 ပူးပေါင်းရင်းမြစ်များ

2. Samuel 3:18

Kanna krenn kowa! O baro Dewel penas o Davidestar: Miro budepaskro, o David, well kowa, khetne leha lau mire menshen Israel win dran i wasta kol Filistarendar, un lauterendar, kai leske tchilatchepen kamenn.”

2. Rajengro liil 20:5

“Dja pale pale un pen ap o Hiskija, ko rajeste pral mire menshende: ‘Kawa penell o baro Dewel, ko Dewel tiro dadestar, o Davidestar: Me shunom tiro mangepen un me dikom tire swa. Dik, me kamau tut sastes te krell – an o triinto diwes nai djah tu pral an o baro Debleskro kheer.

Debleskri gili 102:1

I mangepen jekestar, koleske gar mishto djal, un koles buder kek soor hi, un kai glan o baro Debleste peskri dji win tchorella.

Debleskri gili 106:44

Un te dan le gole ap leste an pengre duka, un job dikas, har djungeles lenge djal,

Debleskri gili 25:18

Dik ap miro pharo djipen, un har djungeles mange djala, un biste miri tseli doosh!

Gosewe laba 16:9

O mensheskro dji lell peske tchomone glan, o baro Dewel hi kowa, kai anell leskre herja ap ko drom, har job kamell.

Jeremia 32:8

Un jaake har o baro Dewel mange penas, was o Hanamel, – kowa his miro nebudo – pash mande ap i lurdengri platsa, un rakras mantsa un penas: Gin tuke miro kotar them, hoi pash o foro Anatot an o them Benjamin tchiddo hi; tu hal o ersto mank mare menshende, kai hunte ginell les mandar. Gin tu ko kotar them! Kote haiwom, kai kau lab o baro Deblestar was.

1. Samuel 10:1

Un o Samuel las o khoro, kai o kutch djet dren hi, un tchoras les pral o Sauleskro shero. Un job tchumras les un penas: “Ko djet sikrella, te tchiwas tut o baro Dewel pral peskre menshende, te wess lengro rai.

1. Samuel 14:20

Un o Saul un i tsele lurde, kai pash leste hi, wan khetne, un djan ap i kurepaskri platsa. Un har le koi wan, dikan le, te maran pen i Filistarja kokres. Jek djas ap o wawareste. Lauter his har dineles.

1. Samuel 14:23

Jaake las o baro Dewel ap ko diwes o Israel win dran o wast i Filistarendar. Un ko marepen tserdas pes bis pal o foro Bet-Awen.

1. Samuel 15:1

O Samuel penas ap o Saul: “O baro Dewel bitchras man, te makap tut o djeteha, te wess o rai pral leskre menshende Israel. Kanna shun ap i laba o baro Deblestar!

1. Samuel 16:1

Un o baro Dewel penas ap o Samuel: “Har rah kameh tu gomme pal o Saul te rowell, koles me pale tchiwom, te well lo buder gar o rai pral o Israel? Le kanna i tushni djet tuha, un kre tut ap o drom! Me bitchrau tut pash o Isai an o foro Betlehem. Mank leskre mursh tchawende hi kowa, koles me mange win rodom, te well job baro rai.”

1. Samuel 16:3

Un pen ap o Isai, te well job pash o chapen. Kote sikrau tut, hoi tu hunte kress, te makess koles o djeteha, kones tute sikrau!”