1. Samuel 9:13 - O Debleskro Drom 2021 (Sinte)

¹³ palle taprenn tumer les gomme glan o chapen ap o drom ap i pralstuni platsa. I tsele menshe chajenn gar, bis te was lo un penas latche laba pral ko viecheste, hoi o Debleske maredo was. Palle chajenn kolla lauter khetne, kolenge penlo was, te wenn le pash kau chapen pashel. Djan sik, palle nai taprenn les gomme.”

O Debleskro Lab 2024 (Sinte-Manouche)

¹³ palle taprenn t'mer les gomme glan o rhapen ap o drom ap i pralstouni platsa. I tsele menshe rhayenn gar, bis te vas lo oun penas lače laba pral ko firheste, hoy o Debleske maredo vas. Palle rhayenn kolla lauter khetne, kolenge penlo vas, te venn le pash kava rhapen pashel. Djan sik, palle nay taprenn les gomme.”

1. Samuel 9:13 ပူးပေါင်းရင်းမြစ်များ

2. Samuel 15:11

Dui-sheel mursha djan o Absalomeha dran o foro Jerusalem. Kolenge was penlo, te djan le pash o chapen, hoi o Absalom kamas te krell. Un jon djan kek tchilatchepah leha, un djinan tchi kolestar, hoi o Absalom tchorchanes kras.

Mateo 14:19

Palle penas lo ap kol tsele menshende, te beshenn le pen. Un job las kol pantch mare un kol dui matche, dikas pre, parkras pes pash peskro dadeste an o bolepen, un phagas kol mare an kotja, un das len peskre malende. Un kalla dan len i tsele menshende te chal.

Mateo 26:26

Har jon chan, las o Jesus o maro, parkras pes pash o Debleste, phagas ko maro, das les peskre malende, un penas: “Ake, lenn ko maro un chan les! Kau maro hi miro mass.”

Markus 6:41

Un job las kol pantch mare un kol dui matche an i wasta, dikas pre ap o bolepen, parkras pes pash o Debleste, un phagas kol mare an kotja. Palle das lo len peskre malende, te denn le kowa i menshende. Un kol dui matche das lo ninna i tsele menshende.

Louka 24:30

un beshas pes te chal lo lentsa, las o maro, parkras pes pash o Debleste, phagas ko maro an kotja, un das kowa lende.

Louka 9:16

Un job las kol pantch mare un kol dui matche, un dikas pre ap o bolepen, un parkras pes pash o Debleste. Un palle phagas job kol mare un matche an kotja, un das len peskre malende, te denn le len i menshende.

Johanni 6:11

Un o Jesus las kol mare, parkras pes pash o Debleste un das len i menshende. Kowa kras lo ninna kol matchentsa. Un hakeno las jaake bud, har job kamas.

Johanni 6:23

Koi wan wawar bere dran o foro Tiberias, un tchiwan pen kote, kai chans le ko maro, koleske o Jesus parkras pes pash o Debleste.

1. Korintarja 10:30

Te chau i chapen un parkrau man koleske pash o Debleste, nai praassell man kek, te chau me ko chapen.

1. Timoteo 4:4

Lauter, hoi o Dewel kras, hi latcho. Un tchi hi pale-tchiddo, te parkrah men mer koleske pash o Debleste.

1. Samuel 2:35

Me mukau mange i rashajes pre te stell, kai peskri budi mishto krell. Job krell lauter jaake, har me kamau un mange shukar hi. Un me krau leske i kheer, hoi atchella. Un job budrella hako tsiro koleske, koles me wi-rodau, te well lo baro rai.

1. Samuel 9:14

Un jon djan pre an o foro. Un har jon an o baro wudar dren djan, was o Samuel win, te djal lo ap i pralstuni platsa pre.