1. Samuel 8:11 - O Debleskro Drom 2021 (Sinte)

¹¹ “Kowa hi, hoi tumaro baro rai tumentsa krella”, penas o Samuel: “Tumare mursh tchawen lell lo tumendar, te wenn le leskre lurde, kai beshenn ap leskro wurdin un ap leskre graja, un te nashenn le glan leskro wurdin.

O Debleskro Lab 2024 (Sinte-Manouche)

¹¹ “Kova hi, hoy t'maro baro ray t'mentsa krella”, penas o Samuel: “T'mare morsh čaven lell lo t'mendar, te venn le leskre lourde, kay beshenn ap leskro vourdin oun ap leskre graya, oun te nashenn le glan leskro vourdin.

1. Samuel 8:11 ပူးပေါင်းရင်းမြစ်များ

2. Samuel 15:1

Un koi pal was kowa jaake, kai o Absalom peske i wurdin las, un graja, un paash-sheel murshen, kai nashan glan leste.

1. Rajengro liil 1:5

Un o Adonija, koleskri dai o Davideskri romni, i Haggit his, kowa kras pes baro un penas: “Me, me kamau baro rai te well!” Un job las peske wurdja un graja, un i paash-sheel mursha, te nashenn le glan leste.

1. Rajengro liil 10:26

Un o Salomo mukas peskre tsele wurdja un klissepangre khetne te well. Un kote his les 1.400 (jek sero-te-star-sheel) wurdja un 12.000 (deesh-te-dui serja) klissepangre. Kolen mukas lo an kol wurdjengre forja un pash peste an o foro Jerusalem te anell.

1. Rajengro liil 12:10

Un kol terne mursha, kolla, kai wan leha bares, penan leske: “Jaake pen ap kol menshende, kai penan ap tute: ‘Tiro dad tchiwas i pharo budepen ap mende. Muk tu tchomone tele mendar!’ Pen kowa ap lende: ‘Miro tikno gushto hi pesseder har miro dadeskri heri.

1. Rajengro liil 12:4

“Kowa, hoi tiro dad mendar kamas, djas bud kope pral mari soor. Muk tu tchomone tele mendar, un de men gar sawi phari budi har tiro dad men das, palle ham mer tire latche budepangre.”

1. Rajengro liil 14:27

Doleske mukas o baro rai Rehabeam shilte te krell dran lolo saster, un das len i pralstunende pral kol lurdende, kai dan garda pash o baro wudar glan leskro kheer.

1. Rajengro liil 18:46

Un o baro Debleskri soor was ap o Elija, un job pandas i pereskri dori trul peskro ripen un nashas glan o Ahab, bis te wan le an o foro Jesreel.

1. Samuel 10:25

Un o Samuel penas i menshenge, hawo tchatchepen o baro rajes hi. Un kowa tchinas lo an i liil, un tchiwas les glan o baro Debleste. Palle bitchras lo hakenes khere.

1. Samuel 14:52

Jaake rah har o Saul djiwas, his o marepen i Filistarentsa i pharo marepen. Un te dikas o Saul i sorelo tchatcho murshes, koles las lo, te well lo i lurdo leske.

1. Samuel 22:7

Kote penas o Saul ap peskre budepangre, kai glan leste tardo hi: “Shunenn, tumer Benjaminarja! Patsenn tumer, te dell o tchawo ko murshestar Isai tumen lauteren hachetikri phub un drakengro them? Lell job tumen lauteren, te wenn pralstune pral leskre lurdende: pral jek sero un pral jek sheel? Na-a, patsenn kowa gar!

1. Samuel 8:9

Un kanna kre, hoi le tutar kamenn. Pen lenge ninna soreles, hoi nai krenn lengre bare raja lentsa, te hi len penepaske pral lende.”