1. Samuel 7:9 - O Debleskro Drom 2021 (Sinte)

⁹ Un o Samuel las i terno bakro, hoi gomme thud pijas, un maras les un chatchras les tseles o baro Debleske. Un job das ap o baro Debleste gole, un mangas les o Israeleske. Un o baro Dewel shunas ap leste.

O Debleskro Lab 2024 (Sinte-Manouche)

⁹ Oun o Samuel las i terno bakro, hoy gomme thoud piyas, oun maras les oun rhačras les tseles o baro Debleske. Oun yob das ap o baro Debleste gole, oun mangas les o Israeleske. Oun o baro Devel shounas ap leste.

1. Samuel 7:9 ပူးပေါင်းရင်းမြစ်များ

Debleskri gili 50:15

Un de gole ap mande ap ko diwes, kai hal an i bibacht! Palle lau tut win, un tu sharess man.”

Debleskri gili 99:6

O Mose un o Aron his leskre rashaja, un o Samuel his mank kolende, kai les an-mangan. Jon dan ap o baro Debleste gole, un job shunas len.

Jeremia 15:1

Un o baro Dewel penas ap mande: Ninna te wals o Mose un o Samuel glan mande tardo, kroms me kal menshenge miro dji gar pre. Trade len krik mandar, un muk len te djal!

3. Mose 22:27

Te well i tikni grumni, i tikno bakro oder i tikni busni boldo, palle well kau ternepen efta diwessa pash peskri date. Pal o ochtato diwes nai aneh les o baro Debleske, te well les leske maredo. Palle dikell lo latches ap leste.

5. Mose 9:26

Un me mangom o baro Debles un penom: “Baro Dewel miro rai, ma mare tire menshen, kol menshen, kai tu win lal dran o them Egiptia tiri bari sorjah un tiro sorelo wasteha, te wenn le tire menshe!

Jakobo 5:16

Doleske penenn tumenge tumari doosh, un mangenn o Debles jek o wawareske, te wenn tumer sasto. I mensho, kai djiwell jaake, har o Dewel kamella, job te mangell i tselo djijeha tchomone o Deblestar, nai krell o Dewel bud leske.

Čačepangre 6:26

Un kre i chatchepaskri o baro Debleske, kai tiro Dewel hi, kate pral ap kai berga, kai tumaro sorelo kheer tardo hi! Un le ko duito gurum un mare les mange un chatche les mange kote! Kre koi jag ko kashteha, hoi i debletsa Ashera his, hoi tu trujel dal!”

Čačepangre 6:28

Un har i mursha an o foro taissarlakro pre stan, his koi chatchepaskri lengro deblestar Baal paash dino, un i Ashera hoi koi pashel tardo his, his trujel dino. Un ko duito gurum his chatchedo ap koi newi chatchepaskri.

1. Samuel 10:8

Tu djah glan mande tele an Gilgal. Kote kamau pash tute tele te well, te marap kote viechen o Debleske, sawen kai wenn tseles chatchedo un sawe, hoi chah mer khetne. Efta diwessa atchess tu koi. Palle wau un penau tuke, hoi te kress.”

1. Samuel 12:17

Kanna hi o tsiro, kai o djob dren anlo well. Tumer djinenn, kowa hi gar o tsiro, kai dell brishin. Un me dau kanna ap o baro Debleste gole, te bitchrell job brishin un mukell o bolepen gole te dell. Palle haiwenn tumer, te his kowa, hoi kran, i baro tchilatchepen glan o baro Debleste, har mangan mandar i baro rajes pral tumende.”

1. Samuel 16:2

O Samuel penas: “Har nai krau kowa? Te shunell o Saul kowa, pale mukell job man te marell.” Koi pre penas o baro Dewel: “Le i terni grumni tuha, un pen ‘Me wom te anap kai grumni o baro Debleske!’

1. Samuel 2:35

Me mukau mange i rashajes pre te stell, kai peskri budi mishto krell. Job krell lauter jaake, har me kamau un mange shukar hi. Un me krau leske i kheer, hoi atchella. Un job budrella hako tsiro koleske, koles me wi-rodau, te well lo baro rai.

1. Samuel 7:17

Palle djas lo pale an Rama, kai lo khere hi, un rakras kote o tchatchepen win pral i Israelitarja. Ninna kote kras lo i chatchepaskri, kai tchomone chatchedo well o baro Debleske.

1. Samuel 9:12

Jon penan: “Awa, job was i tikno tsiro glan tute kai. Kau diwes hi o diwes, kai anenn le viechen o Debleske ap i pralstuni platsa. Doleske was lo an o foro. Djan sik,