1. Samuel 7:2 - O Debleskro Drom 2021 (Sinte)

² Ko mochton, kai o baro Debleskre deesh laba dren hi, atchas i rah tsiro an Kirjat-Jearim, jaake biish bersha. An ko tsiro putchan i Israelitarja pale pal o baro Debleste.

O Debleskro Lab 2024 (Sinte-Manouche)

² Ko morhton, kay o baro Debleskre deesh laba dren hi, ačas i rah tsiro an Kiryat-Yearim, yaake biish bersha. An ko tsiro poučan i Israelitarya pale pal o baro Debleste.

1. Samuel 7:2 ပူးပေါင်းရင်းမြစ်များ

1. Familjakro liil 13:3

Mer khetne kamah ko mochton, kai o Debleskre deesh laba dren hi, pale pash mende te lell. An ko tsiro, har o Saul djiwas, putcham gar pal leste.”

1. Familjakro liil 13:5

Jaake mukas o David i tsele Israelitarjen khetne gole te dell, kotar, kai o pani Sihor hi an o them Egiptia, bis kotar, kai djal pash o foro Lebo-Hamat, te lenn le ko mochton o deesh labentsa o Deblestar dran o foro Kirjat-Jearim.

Jeremia 26:20

Kote his i wawar mursh, o Uria, koleskro dad o Shemaja his, dran o foro Kirjat-Jearim. Kowa penas ninna glan-wi, hoi o baro Dewel leske penas, un rakras pral koi bibacht, hoi well pral kau foro un kau them, jaake har o Jeremia rakras.

Jeremia 3:13

Tu hunte kress tchi, har te dikess dren, kai anal doosh ap tute, har hadal tut pre pral o baro Debleste, kai tiro Dewel hi. Tu nashal kai te koi trujel, te mangess wawar deblen an tel hake senele ruka, un shunal gar ap mire laba, penell o baro Dewel.

Jeremia 31:9

Jon wenna ropah. Un me rakrau lenge latches, un anau len pash panja un ap latche dromma, te perell kek; me hom o Israeleskro dad, un o Efrajim hi miro phureder tchawo.

Mateo 5:4

Bachtele hi kolla, kai kanna rowenna. O Dewel lell lengri duk dran lengro dji.

Čačepangre 2:4

Un har o baro Debleskro bolepaskro kowa lauter ap i Israelitarja penas, koi rowan le soreles.

1. Samuel 7:1

Un kol mursha dran Kirjat-Jearim wan un lan o mochton o baro Deblestar. Un jon anan les an o kheer i murshestar, kai kharas Abinadab. Kowa djiwas ap i tikni berga. Un leskro tchawes, o Eleasar, rodan le win, te dell lo jak ap o mochton.

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”