1. Samuel 6:9 - O Debleskro Drom 2021 (Sinte)

⁹ Palle sikrell pes, hawi rigjatar koi bari bibacht pral mende was: Te djan le pre an lengro them, ap o drom an Bet-Shemesh, palle his o baro Dewel, kai sawi bari bibacht ap mende anas. Te djan le ap i wawar rig, palle haiwah, te his gar leskro wast, hoi men das, un kau tselo koowa tchitcheske ap mende was, un kek bitchras les.”

O Debleskro Lab 2024 (Sinte-Manouche)

⁹ Palle sikrell pes, havi rigyatar koy bari bibarht pral mende vas: Te djan le pre an lengro them, ap o drom an Bet-Shemesh, palle his o baro Devel, kay savi bari bibarht ap mende anas. Te djan le ap i vavar rig, palle hayvah, te his gar leskro vast, hoy men das, oun kava tselo koova čičeske ap mende vas, oun kek bičras les.”

1. Samuel 6:9 ပူးပေါင်းရင်းမြစ်များ

2. Samuel 1:6

Ko terno mursh penas: “Me wom ap koi berga Gilboa. Koi dikom, har o Saul paash ap peskro witsepaskro tchuri pre-tchiddo his. Un kol kurepangre, kai ap kol wurdja tardo his, djan soreles ap leste.

1. Rajengro liil 4:9

O Ben-Deker his o pralstuno pral kal forja: Makaz, Shaalbim, Bet-Shemesh, Elon un Bet-Hanan.

2. Familjakro liil 25:21

Un o Joash, ko baro rai pral Israel, djas pral an o them Juda peskre lurdentsa. Un pash o foro Bet-Shemesh was o kurepen mank kol dui rajende, o Joash un o Amazja un lengre lurdentsa.

2. Mose 8:15

Kote penan i durkepangre ap o Farao: “Kawa hi o Debleskro wast!” Ninna kanna rikras o Farao peskro dji pandlo un shunas gar ap lende. Jaake was, hoi o baro Dewel penas.

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Louka 10:31

Ap ko tsiro djas i rashai ap ko drom. Har job kau murshes dikas, djas lo dureder.

Josua 15:10

Un fun o foro Baala djas o drom pash i berge Seir, hoi kote tchiddo hi, kai o kham tele djal. Fun kotar djas dureder ap i nordetikri rig koi bergatar Jearim – lakro wawar lab hi Kesalon – un palle tele pash o foro Bet-Shemesh un dureder an o foro Timna;

Josua 21:16

Ajin un koi phub trul o foro, kai i vieche nai chan; Jutta un koi phub trul o foro, kai i vieche nai chan; Bet-Shemesh un koi phub trul o foro, kai i vieche nai chan. Kolla his enja forja, hoi i menshe dran kol dui khera Juda un Simeon lenge dan.

1. Samuel 6:10

Un kol mursha kran kowa jaake. Jon lan dui grumja, kolen terne hi, kai gomme ap lende pijenn. Un pandan len glan o wurdin. Un i grumjengre ternen pandan le khere dren.

1. Samuel 6:12

Un kol grumja djan ap ko drom an Bet-Shemesh, un atchan ap ko drom, un djan gar tchatches witar gar serwes. Har djan le jaake, dan le gole, un mukan gar tele te denn le gole. Un kol raja pral i Filistarja djan pal lende, bis te wan le an o them, kai Bet-Shemesh tchiddo hi.

1. Samuel 6:3

Un jon penan ap lende: “Te bitchrenn tumer o mochton o Israeleskro Deblestar pale, palle bitchrenn tchomone peha. Denn les tchomone, te well lauter pale mishto mank tumende un leste! Palle wenn tumer sasto. Jaake djinenn tumer ninna, hoske leskro wast tumendar gar krik djas.”