1. Samuel 6:6 - O Debleskro Drom 2021 (Sinte)

⁶ Ma pandenn tumare djia, te wenn le har bar, har kran kol Egiptarja un lengro baro rai, o Farao! Hi kowa gar jaake? Har sikras o baro Dewel peskri soor ap lende, hunte mukan le i Israelitarjen te djal.

O Debleskro Lab 2024 (Sinte-Manouche)

⁶ Ma pandenn t'mare djia, te venn le har bar, har kran kol Egiptarya oun lengro baro ray, o Farao! Hi kova gar yaake? Har sikras o baro Devel peskri zoor ap lende, hounte moukan le i Israelitaryen te djal.

1. Samuel 6:6 ပူးပေါင်းရင်းမြစ်များ

Hiob 9:4

O Dewel hi gosewo an peskro dji un les hi bari soor. Kekeske, kai las pes glan te tchingrell lo leha, djas kowa mishto.

Debleskri gili 95:8

Ma pandenn tumare djia, har tumare phure kran ap i platsa Meriba un Massa an o mulo tato them.

2. Mose 10:3

Kote djas o Mose un o Aron pash o Farao dren un penan ap leste: “Kawa penell o baro Dewel, o Dewel pral i Hebrearja: ‘Har rah kameh tu gar te dikell, kai hom sorleder har tu? Muk mire menshen te djal, te nai mangenn le man an!

2. Mose 14:17

Me krau, te pandenn i Egiptarja pengre djia jaake, te lenn le tumenge palla. Un me sikrau miro barepen un miri soor ap o Farao, ap leskre wurdja un ap leskre kurepangre.

2. Mose 14:23

I Egiptarja lan len palla. Un kol tsele rajeskre graja un kurepangre wurdja, ninna i lurde djan pal lende ap o drom mank o baro pani.

2. Mose 4:21

Un o baro Dewel rakras ap o Moseste: “Te hal an o them Egiptia, palle kre ko tselo baro koowa, hoi me tut an tiro wast dom, glan o Farao! Un me kamau leskro dji har i bar te krell, te mukell job gar tire menshen dran i Egiptia win.

2. Mose 7:13

Har dikas o Farao kowa, atchas leskro dji pandlo, un job shunas gar ap lende. Jaake was, hoi o baro Dewel penas.

2. Mose 7:14

Un o baro Dewel penas ap o Mose: “O Faraeskro dji hi har dran bar. Job mukell gar i Israelitarjen te djal.

2. Mose 8:15

Kote penan i durkepangre ap o Farao: “Kawa hi o Debleskro wast!” Ninna kanna rikras o Farao peskro dji pandlo un shunas gar ap lende. Jaake was, hoi o baro Dewel penas.

2. Mose 9:16

Me mukom tut doleske djido, te dikess miri bari soor, un te rakrenn le mandar ap i tseli phub.

2. Mose 9:34

Har o Farao dikas, te heras kowa lauter pre, kras lo gar, hoi o baro Dewel lestar kamella, un pandas pale peskro dji. Un jaake kran ninna i pralstune an leskro them.

Remarja 2:5

Un tu kameh gar pash leste te well. Tiro dji hi har bar. Doleske well o Debleskri choli baro un bareder, hoi ap tute wella ap ko diwes, kai hi o Dewel o tchatchepaskro rai un rakrell o tchatchepen win pral i tsele menshende.

Hebrearja 3:13

Rakrenn hako diwes khetne pral o patsepen, te atchenn pash o Debleste! Ko tsiro, kai rakrell o Dewel ap tumende hi kanna. Te shunenn tumer gar ap o Debleste, nai well i tsiro, kai shunenn tumer buder gar, te dell lo tumen gole.