1. Samuel 6:21 - O Debleskro Drom 2021 (Sinte)

²¹ Un jon bitchran murshen pash kol menshende an o foro Kirjat-Jearim un penan lenge: “I Filistarja anan o mochton pale, kai o baro Debleskre deesh laba dren hi. Awenn tumer kai tele, un lenn les pre pash tumende!”

O Debleskro Lab 2024 (Sinte-Manouche)

²¹ Oun yon bičran morshen pash kol menshende an o foro Kiryat-Yearim oun penan lenge: “I Filistarya anan o morhton pale, kay o baro Debleskre deesh laba dren hi. Avenn t'mer kay tele, oun lenn les pre pash t'mende!”

1. Samuel 6:21 ပူးပေါင်းရင်းမြစ်များ

2. Samuel 6:2

Un djas lentsa an o foro Baala, an ko them Juda, te anell job kotar o Debleskro mochton win, kai o Debleskre deesh laba dren hi. Ko mochton was kharedo pal o baro Debleste, ko rajeste pral o bolepen un i phub. Kowa hi beshdo pral i bolepangre, kai kharenna Cherubim.

Debleskri gili 78:60

Un job mukas peskro kheer an o foro Shilo, kote, kai job mank peskre menshende djiwas.

Jeremia 26:20

Kote his i wawar mursh, o Uria, koleskro dad o Shemaja his, dran o foro Kirjat-Jearim. Kowa penas ninna glan-wi, hoi o baro Dewel leske penas, un rakras pral koi bibacht, hoi well pral kau foro un kau them, jaake har o Jeremia rakras.

Jeremia 7:12

Djan pash ko foro Shilo, kai glan rah tsiro miro kheer tardo his. Un dikenn, hoi me kote krom doleske, kai mire menshe Israel tchilatchepen kran.

Jeremia 7:14

Doleske krau me kau khereha, har me ko foreha Shilo krom, ninna te was kau kheer mange kerdo, un tumer patsenn, kote nai djal tumenge tchi. Me krau koi platsa paash, hoi dom tumen un tumare phuren.

Josua 15:60

Ninna kol dui forja Kirjat-Baal, hoi kharell ninna Kirjat-Jearim un Rabba, un koi pashel lengre gaba.

Josua 15:9

Fun kotar pral ap kai berga djas o drom tele trul i berga trujel un pash ko pani, hoi kharell Me-Neftoach, un pash kol forja, hoi pash i berge Efron tchiddo hi. Un kotar djas ko drom tele pash o foro Baala – kowa hi kau diwes Kirjat-Jearim.

Josua 18:14

Fun kai berga, ap lakri rig, kai o kham tele djal, djas o drom kote dureder, kai o kham pralstunes tardo hi, bis glan o foro Kirjat-Baal, hoi kharell ninna Kirjat-Jearim. Kau foro hi tchiddo an o them Juda. Jaake dur djas o them kote, kai o kham tele djal.

Čačepangre 18:12

Un jon djan pre un atchan i tikno tsiro pash Kirjat-Jearim an o them Juda. Un doleske kharell koi platsa ninna gomme kau diwes Machaneh-Dan. Kai platsa hi tchiddo pal o foro Kirjat-Jearim.