1. Samuel 6:17 - O Debleskro Drom 2021 (Sinte)

¹⁷ Kowa hi, hoi i Filistarja o baro Debleste dan, te well lauter pale mishto mank leste un lende: pantch sonakangre figure, hoi win dikan har o dukepen ap lengro mass: Jek figura hako foreske: Ashdod, Gaza, Ashkelon, Gat un Ekron.

O Debleskro Lab 2024 (Sinte-Manouche)

¹⁷ Kova hi, hoy i Filistarya o baro Debleste dan, te vell lauter pale mishto mank leste oun lende: panč sonakangre figure, hoy vin dikan har o doukepen ap lengro mass: Yek figura hako foreske: Ashdod, Gaza, Ashkelon, Gat oun Ekron.

1. Samuel 6:17 ပူးပေါင်းရင်းမြစ်များ

2. Samuel 1:20

Penenn kowa gar an ko foro Gat, un rakrenn gar koi pral ap i dromma an Ashkelon, te wenn gar bachtelo i djuwja an Filistia, te denn le gar gole i bachtjatar, kolla tcha kolendar, kai gar tchinle hi ap pengro mass!

2. Samuel 21:22

Kolla star his bare mursha un djiwan an o foro Gat. Un kolla wan mulo dino o Davidestar un leskre lurdendar.

2. Rajengro liil 1:2

Ko baro rai, kai pal o Ahab was, his o Ahasja. His i diwes, har his lo an peskri pralstuni isema an o foro Samaria, koi peras lo tele dran i wochni un dukras pes. Un job bitchras murshen an o foro Ekron un penas ap lende: “Djan koi un putchenn o deblestar Baal-Sebub, – kowa hi o dewel o forestar Ekron: Wau me pale sasto?”

2. Familjakro liil 26:6

Un job djas an o kurepen un kuras pes i Filistarentsa un phagas i massurja tele trul i forja Gat, Jabne un Ashdod. Un mukas sorele barrengre khera te krell an o them trul Ashdod un an o Filistarengro them.

Jeremia 25:20

un wi-themarja an o them Egiptia; i tsele bare raja an o them Uz; i tsele raja an kol Filistarengre forja Ashkelon, Gaza, Ekron un kolla, kai pral atchan an Ashdod;

3. Mose 5:7

Te hi ko mursh tchorwelo un nai anell kek bakri witar kek busni, nai anell lo dui taube. Kolla nai hi dui diwje taube oder dui wawar taube, jek, te well i doosh krik lino, un jek, hoi o baro Debleske tseles chatchedo well.

Amos 1:6

O baro Dewel penell: I menshe dran o foro Gaza kran pale te pale djungelo koowa. Jon lan i menshen dran tsele gaba pandlo, un bikran len an i wasta kolendar dran o them Edom, te wenn le lengre budepangre. Doleske lenn le pengri phagi un khaitenn man gar.

Amos 6:2

[Tumer penenn ap i menshende:] Djan an o foro Kalne! Un dikenn, har ko foro hi! Un kotar djan dureder pash o baro foro Hamat! Palle djan tele pash i Filistarja an o foro Gat! Hi le sorleder har kal themma Juda un Israel? Hi lengro them bareder har tumaro them? Na-a!

5. Mose 28:27

O baro Dewel bitchrell tumen sawo nasslepen, hoi lo glan i rah tsiro i Egiptarjen das: I djungelo nasslepen well ap tumaro mass, dukepen phagell pre, un tumaro mass chatchell un chandjrell. Un kek drab hi koi, hoi nai krell tumen sasto.

Čačepangre 1:18

Un o Juda las ninna i forja Gaza, Ashkelon un Ekron dren un o them, hoi koi pashel his.

Čačepangre 14:19

Un o baro Debleskro ducho was pral leste. Un job djas tele an o foro Ashkelon un das trijanda murshen lendar mulo, un riwas len win, un das kol koola kolen, kai leske penan, hoi peskre laba kaman te penell. Un bari choljah djas lo pale an peskro dadeskro kheer.

Čačepangre 16:1

Un o Simson djas an o foro Gaza, un kote dikas lo i lubni. Pash kolate djas lo dren.

Čačepangre 16:21

Un i Filistarja tapran les, un dan leske i jaka win tchurje. Un jon anan les tele an o foro Gaza un pandan les sasterne shellentsa. Un an o stilepen hunte kras lo o djob tiknes an i djobeskri.

1. Samuel 5:1

Un o mochton, kai o Debleskre deesh laba dren hi, his kanna an i wasta kol Filistarendar. Un jon lan les dran Eben-Eser un anan les an o foro Ashdod.

1. Samuel 5:10

Koi bitchran le o mochton, kai o Debleskre laba dren hi, an o foro Ekron. Un har ko mochton an o foro Ekron dren was, dan i menshe kote gole i darjatar un penan: “Jon anan o mochton o Israeleskro Deblestar pash mende, te marell lo men lauteren.”

1. Samuel 5:8

Un jon bitchran murshen an o tselo them Filistia un dan i tsele rajen khetne gole, un putchan lendar: “Hoi kras mer ko mochtoneha o Israeleskro Deblestar, kai leskre laba dren hi?” Kolla penan: “Anenn les an Gat.” Un jon hidjran les an o foro Gat.

1. Samuel 6:4

Un jon putchan: “Hoi hi kowa hoi mer hunte das leste, te well lauter pale mishto?” Jon penan: “Pantch raja hi an o them Filistia. Len un tumen hi o emligo nasslepen. Doleske krenn pantch sonakangre figure, hoi win dikenn har o dukepen, hoi ap tumaro mass was, ninna pantch sonakangre figure, hoi win dikenn har kol kermuse, kai chan tumaro them pre. Denn kolen o Israeleskro Debleste. Jaake sikrenn tumer leste, te djinenn, har baro job hi. Nai well, te lell lo peskro wast tumendar pale, ninna tumare deblendar un tumaro themestar.