1. Samuel 6:12 - O Debleskro Drom 2021 (Sinte)

¹² Un kol grumja djan ap ko drom an Bet-Shemesh, un atchan ap ko drom, un djan gar tchatches witar gar serwes. Har djan le jaake, dan le gole, un mukan gar tele te denn le gole. Un kol raja pral i Filistarja djan pal lende, bis te wan le an o them, kai Bet-Shemesh tchiddo hi.

O Debleskro Lab 2024 (Sinte-Manouche)

¹² Oun kol groumya djan ap ko drom an Bet-Shemesh, oun ačan ap ko drom, oun djan gar čačes vitar gar serves. Har djan le yaake, dan le gole, oun moukan gar tele te denn le gole. Oun kol raya pral i Filistarya djan pal lende, bis te van le an o them, kay Bet-Shemesh čiddo hi.

1. Samuel 6:12 ပူးပေါင်းရင်းမြစ်များ

1. Rajengro liil 4:9

O Ben-Deker his o pralstuno pral kal forja: Makaz, Shaalbim, Bet-Shemesh, Elon un Bet-Hanan.

2. Mose 8:15

Kote penan i durkepangre ap o Farao: “Kawa hi o Debleskro wast!” Ninna kanna rikras o Farao peskro dji pandlo un shunas gar ap lende. Jaake was, hoi o baro Dewel penas.

4. Mose 20:19

I Israelitarja penan ap leste: “Mer kamah ap ko shukar drom te djal. Un te pijah mer tiro pani, mer un mare vieche, kamah mer kowa plaissrell. Mer kamah tchi har te djas mare herjentsa koi wergel.”

Josua 15:10

Un fun o foro Baala djas o drom pash i berge Seir, hoi kote tchiddo hi, kai o kham tele djal. Fun kotar djas dureder ap i nordetikri rig koi bergatar Jearim – lakro wawar lab hi Kesalon – un palle tele pash o foro Bet-Shemesh un dureder an o foro Timna;

1. Samuel 6:11

Un ko mochton, kai o Debleskre deesh laba dren hi, tchiwan le ap ko wurdin. Un koi pashel tchiwan le ko tikno mochton, kai kol sonakangre kermuse dren hi un kol figure, hoi wi-dikenn har o dukepen.

1. Samuel 6:13

Un i menshe dran Bet-Shemesh lan an ko tsiro o djob dren an o telstuno them. Un har le pre dikan, un o mochton dikan, kai o Debleskre deesh laba dren hi, wan le bachteles.

1. Samuel 6:9

Palle sikrell pes, hawi rigjatar koi bari bibacht pral mende was: Te djan le pre an lengro them, ap o drom an Bet-Shemesh, palle his o baro Dewel, kai sawi bari bibacht ap mende anas. Te djan le ap i wawar rig, palle haiwah, te his gar leskro wast, hoi men das, un kau tselo koowa tchitcheske ap mende was, un kek bitchras les.”