1. Samuel 6:11 - O Debleskro Drom 2021 (Sinte)

¹¹ Un ko mochton, kai o Debleskre deesh laba dren hi, tchiwan le ap ko wurdin. Un koi pashel tchiwan le ko tikno mochton, kai kol sonakangre kermuse dren hi un kol figure, hoi wi-dikenn har o dukepen.

O Debleskro Lab 2024 (Sinte-Manouche)

¹¹ Oun ko morhton, kay o Debleskre deesh laba dren hi, čivan le ap ko vourdin. Oun koy pashel čivan le ko tikno morhton, kay kol sonakangre kermuse dren hi oun kol figure, hoy vi-dikenn har o doukepen.

1. Samuel 6:11 ပူးပေါင်းရင်းမြစ်များ

2. Samuel 6:3

Jon lan ko mochton dran o kheer, kai o Abinadab djiwas. Ko kheer his ap i tikni berga. Un tchiwan o mochton ap i newo wurdin. O Abinadabeskre tchawe, o Usa un o Achjo, djan o wurdineha,

1. Familjakro liil 13:7

Un jon mukan ko mochton ap i newo wurdin dran o kheer te anell, kai o Abinadab djiwell. Un o Usa un leskro phraal djan o wurdineha un dan ap leste jak.

5. Mose 28:27

O baro Dewel bitchrell tumen sawo nasslepen, hoi lo glan i rah tsiro i Egiptarjen das: I djungelo nasslepen well ap tumaro mass, dukepen phagell pre, un tumaro mass chatchell un chandjrell. Un kek drab hi koi, hoi nai krell tumen sasto.

1. Samuel 6:10

Un kol mursha kran kowa jaake. Jon lan dui grumja, kolen terne hi, kai gomme ap lende pijenn. Un pandan len glan o wurdin. Un i grumjengre ternen pandan le khere dren.

1. Samuel 6:12

Un kol grumja djan ap ko drom an Bet-Shemesh, un atchan ap ko drom, un djan gar tchatches witar gar serwes. Har djan le jaake, dan le gole, un mukan gar tele te denn le gole. Un kol raja pral i Filistarja djan pal lende, bis te wan le an o them, kai Bet-Shemesh tchiddo hi.

1. Samuel 6:4

Un jon putchan: “Hoi hi kowa hoi mer hunte das leste, te well lauter pale mishto?” Jon penan: “Pantch raja hi an o them Filistia. Len un tumen hi o emligo nasslepen. Doleske krenn pantch sonakangre figure, hoi win dikenn har o dukepen, hoi ap tumaro mass was, ninna pantch sonakangre figure, hoi win dikenn har kol kermuse, kai chan tumaro them pre. Denn kolen o Israeleskro Debleste. Jaake sikrenn tumer leste, te djinenn, har baro job hi. Nai well, te lell lo peskro wast tumendar pale, ninna tumare deblendar un tumaro themestar.