1. Samuel 5:9 - O Debleskro Drom 2021 (Sinte)

⁹ Un har jon ko mochton kote anan, was o baro Debleskro wast phares ap o foro, un lauter, tikne un bare lan ko djungelo nasslepen. Un i bari daar tapras len.

O Debleskro Lab 2024 (Sinte-Manouche)

⁹ Oun har yon ko morhton kote anan, vas o baro Debleskro vast phares ap o foro, oun lauter, tikne oun bare lan ko djoungelo nasslepen. Oun i bari daar tapras len.

1. Samuel 5:9 ပူးပေါင်းရင်းမြစ်များ

Debleskri gili 78:66

Un job das kolen, kai kuran pen peskre menshentsa un tradas len pale. Lengri ladj atchas hako tsireske ap lende.

Amos 5:19

Kowa hi har te nashals jek peske glan o lewo, un i wawar baro diwjo viecho taprals les. Job khatrell pes an i kheer, tchiwell peskro wast ap i wanta, un i sap dandrell les.

5. Mose 2:15

Leskro wast his phares ap lende, bis te kol tsele kurepangre mulo his, un kek lendar pral atchas.

1. Samuel 12:15

Tumer te shunenn gar ap o baro Debleste un krenn gar, hoi lo tumenge penell, palle krell o baro Dewel, te djal tumenge djungeles, jaake har ninna tumare phurenge djas.

1. Samuel 5:10

Koi bitchran le o mochton, kai o Debleskre laba dren hi, an o foro Ekron. Un har ko mochton an o foro Ekron dren was, dan i menshe kote gole i darjatar un penan: “Jon anan o mochton o Israeleskro Deblestar pash mende, te marell lo men lauteren.”

1. Samuel 5:11

Koi dan le pale i tsele rajen pral i Filistarja khetne gole un penan: “Bitchrenn o mochton o Israeleskro Deblestar pale, kai lo was, te marell lo men un mare menshen gar.” I bari daar his an o tselo foro, fothe phares his o Debleskro wast ap lende tchiddo.

1. Samuel 5:6

Un o baro Debleskro wast tchiwas pes phares ap i menshende an Ashdod un anas bibacht ap lende. I djungelo nasslepen was ap kolende, kai djiwan an Ashdod un an i gaba trujel.

1. Samuel 6:11

Un ko mochton, kai o Debleskre deesh laba dren hi, tchiwan le ap ko wurdin. Un koi pashel tchiwan le ko tikno mochton, kai kol sonakangre kermuse dren hi un kol figure, hoi wi-dikenn har o dukepen.

1. Samuel 7:13

Jaake peras i ladj ap i Filistarja. Un jon wan buder gar an o Israeleskro them. Un o wast o baro Deblestar his phares tchiddo ap lende, jaake rah har o Samuel djiwas.