1. Samuel 5:8 - O Debleskro Drom 2021 (Sinte)

⁸ Un jon bitchran murshen an o tselo them Filistia un dan i tsele rajen khetne gole, un putchan lendar: “Hoi kras mer ko mochtoneha o Israeleskro Deblestar, kai leskre laba dren hi?” Kolla penan: “Anenn les an Gat.” Un jon hidjran les an o foro Gat.

O Debleskro Lab 2024 (Sinte-Manouche)

⁸ Oun yon bičran morshen an o tselo them Filistia oun dan i tsele rayen khetne gole, oun poučan lendar: “Hoy kras mer ko morhtoneha o Israeleskro Deblestar, kay leskre laba dren hi?” Kolla penan: “Anenn les an Gat.” Oun yon hidjran les an o foro Gat.

1. Samuel 5:8 ပူးပေါင်းရင်းမြစ်များ

Amos 6:2

[Tumer penenn ap i menshende:] Djan an o foro Kalne! Un dikenn, har ko foro hi! Un kotar djan dureder pash o baro foro Hamat! Palle djan tele pash i Filistarja an o foro Gat! Hi le sorleder har kal themma Juda un Israel? Hi lengro them bareder har tumaro them? Na-a!

Zakarie 12:3

Ap ko tsiro krau, te well o foro Jerusalem har i pharo bar i menshenge an hake themma. Kolla, kai kamenn les krik te hadell, dukrenn pengre wasta. Lurde dran i tsele themma ap i phub wenna, te kurenn le pen o foreha.”

Josua 13:3

un ko them, kai i Kanaanitarja djiwenn, mank o pani Shihor, hoi glan o them Egiptia nashell, un o foro Ekron, kai kote tchiddo hi, kai norden hi; un kol pantch forja, pral kolende pantch Filistarja i raja hi: Gaza, Ashdod, Ashkelon, Gat un Ekron; koi pashel ko them, kote kai o kham pralstunes hi, un kai i Awarja djiwenn;

Josua 15:11

un palle dureder ap i tikni berga, hoi ap i nordetikri rig o forestar Ekron hi, un dureder pash o foro Shikkaron un dureder pash i berga Baala, un dureder bis pash o foro Jabneel un pash o Baro Pani.

1. Samuel 17:4

Kote was i kurepaskro i Filistarendar glan. Leskro lab his Goliat, dran o foro Gat. Job his jaake triin metarja baro.

1. Samuel 17:52

Un i tsele lurde dran Israel un dran Juda djan glan, dan i bari kurepaskri gole, un lan kol Filistarja palla jaake dur, bis te wan le pash o foro Gat un glan i bare wudja o forestar Ekron. Un i mule Filistarja his tchiddo ap o drom mank Shaarajim un Gat un Ekron.

1. Samuel 29:6

Un o Achish das o David pash peste gole un penas ap leste: “Me dau man sowel pash o djido Debleste, me patsau, te hal tu i tchatcho mursh. Un mange wals mishto, tu te djals mantsa an o kurepen. Me nai hatsom kek tchilatchepen ap tute, jaake rah har pash mande wal, bis ap kau diwes. An i jaka i wawar rajendar hi kowa gar jaake. Jon kamenn tut gar!

1. Samuel 5:11

Koi dan le pale i tsele rajen pral i Filistarja khetne gole un penan: “Bitchrenn o mochton o Israeleskro Deblestar pale, kai lo was, te marell lo men un mare menshen gar.” I bari daar his an o tselo foro, fothe phares his o Debleskro wast ap lende tchiddo.

1. Samuel 5:7

Har dikan un haiwan le, hoske kowa jaake hi, penan le: “Kowa hi o Israeleskro Dewel, kai tchiwas koi phagi ap mende un ap maro debleste Dagon. Ma mukenn o mochton, kai leskre laba dren hi, pash mende te atchell.”

1. Samuel 6:2

Un i Filistarja dan pengre rashajen un durkepangren gole, un putchan lendar: “Hoi kras mer ko mochtoneha o baro Deblestar? Har bitchras les pale kote kai lo was?”