1. Samuel 5:7 - O Debleskro Drom 2021 (Sinte)

⁷ Har dikan un haiwan le, hoske kowa jaake hi, penan le: “Kowa hi o Israeleskro Dewel, kai tchiwas koi phagi ap mende un ap maro debleste Dagon. Ma mukenn o mochton, kai leskre laba dren hi, pash mende te atchell.”

O Debleskro Lab 2024 (Sinte-Manouche)

⁷ Har dikan oun hayvan le, hoske kova yaake hi, penan le: “Kova hi o Israeleskro Devel, kay čivas koy phagi ap mende oun ap maro debleste Dagon. Ma moukenn o morhton, kay leskre laba dren hi, pash mende te ačell.”

1. Samuel 5:7 ပူးပေါင်းရင်းမြစ်များ

2. Samuel 6:9

Un o David trashas o baro Deblestar ap ko diwes, un penas: “Har nai lau me o baro Debleskro mochton pash mande?”

1. Familjakro liil 15:13

Ko wawar kopo hans tumer gar koi pashel. Doleske das men o baro Dewel i pharo dap. Mer putcham lestar gar jaake har hunte wals.”

2. Mose 10:7

Kote penan i pralstune ap o Farao: “Har rah anell kau mursh gomme bibacht pral mende? Muk kol menshen te djal, te mangenn le lengro baro Debles an. Haiweh tu gar, te djal i tseli Egiptia nashedo?”

2. Mose 12:33

Un i tsele Egiptarja mangan len, te djan le jaake sik har djala, un tradan len dran o them. Jon penan penge: “Te djan le gar sik, hunte meras mer lauter.”

2. Mose 8:28

Un ninna kau kopo pandas o Farao peskro dji un mukas i Israelitarja gar te djal.

2. Mose 8:8

Un o Mose un o Aron djan dran o Faraeskro kheer win. Un o Mose das o baro Debles gole un mangas les, te lell lo i djambe krik, hoi job pral o Farao anas.

2. Mose 9:28

Mang o baro Debles, te well kanna o barrengro brishin doha, un te dell o bolepen buder gar gole! Palle mukau me tumen te djal, un rikrau tumen buder gar kai.”

Jeremia 46:25

O baro Dewel, ko rai pral o bolepen un i phub, kai o Israeleskro Dewel hi, job penell: Me anau i phagi ap ko debleste Amon an o foro No, ninna ap o baro rajeste pral o them Egiptia, un ap o tselo them Egiptia peskre deblentsa un rajentsa. Awa, o Farao un halauter, kai patsenn, te well lo lenge ap i rig, kolla lenn pengri phagi.

Jeremia 48:7

Tu Moab, patsal, kai taprell tut kek tchilatchepen an tire sorele khera un pash tiro baro brawlepen. Doleske weh tu ninna dren lino. Tiro dewel, o Kemosh, leskre rashaja un pralstune hunte wenn pandles anlo an i wawar them.

1. Samuel 4:8

Hawi bibacht! Koon nai lell men win dran i wasta sawe sorele deblendar? Kolla hi kol debla, kai maran i Egiptarja an o mulo tato them.

1. Samuel 5:6

Un o baro Debleskro wast tchiwas pes phares ap i menshende an Ashdod un anas bibacht ap lende. I djungelo nasslepen was ap kolende, kai djiwan an Ashdod un an i gaba trujel.

1. Samuel 5:8

Un jon bitchran murshen an o tselo them Filistia un dan i tsele rajen khetne gole, un putchan lendar: “Hoi kras mer ko mochtoneha o Israeleskro Deblestar, kai leskre laba dren hi?” Kolla penan: “Anenn les an Gat.” Un jon hidjran les an o foro Gat.

1. Samuel 6:20

Un i mursha an Bet-Shemesh penan: “Koon nai atchell djido glan o baro Debleste, kai jaake hi har kek wawar? Pash koneste nai bitchrah ko mochton? Kate nai atchell lo gar.”