1. Samuel 4:21 - O Debleskro Drom 2021 (Sinte)

²¹ Un joi das ko tchawes o lab Ikabod. Ko lab kharell: O railepen djas peske dran o Israel. Kowa penas joi doleske, kai lan le o mochton lendar, kai o Debleskre deesh laba dren hi, un doleske, kai lakro romeskro dad un lakro rom meran.

O Debleskro Lab 2024 (Sinte-Manouche)

²¹ Oun yoy das ko čaves o lab Ikabod. Ko lab kharell: O raylepen djas peske dran o Israel. Kova penas yoy doleske, kay lan le o morhton lendar, kay o Debleskre deesh laba dren hi, oun doleske, kay lakro romeskro dad oun lakro rom meran.

1. Samuel 4:21 ပူးပေါင်းရင်းမြစ်များ

Debleskri gili 106:20

Jon mukan o railo baro Debles, un mangan i figura i grumjatar an, hoi khass chal.

Debleskri gili 26:8

Me kamau o kheer, kai tu djiweh, miro tselo djijestar, un koi platsa, kai tiro railepen diklo wella.

Debleskri gili 78:61

Un ko sonakaskro mochton, hoi sikras peskri soor un peskro railepen, mukas lo an i wasta kolendar te perell, kai kuran pen peskre menshentsa.

Debleskri gili 78:64

I rashaja wan maredo o chareha, un lengre romja nai rowan gar pral pengre mule romende.

Jeremia 2:11

Ninna te hi lengre debla kek tchatche debla, lenn jon kek wawar deblen an! Mire menshe, kai miro railepen dikan, jon paran man dren jekeha, kai kek dewel hi, un koles kek soor hi.

Ropaskre gilja 2:1

Ach, o baro Debleskri choli hi tchiddo ap o foro Zion har i kali rati! Jerusalem, hoi sharedo was bis an o bolepen, was tele witsedo ap i phub. Ap ko diwes, kai leskri choli pral i berga Zion was, his leske tchi, te his o foro i banko peskre pirenge.

Hosea 9:12

Ninna te tserdenn le pengre tchawen bares, lau len lendar pale krik. Kek lendar atchell djido. Hawi bibacht well pral lende, me te tserdau man lendar krik!

1. Samuel 14:3

An ko tsiro his o Achija o rashai un riwas koi damdira, hoi riwenn i rashaja. Koleskro dad his o Ahitub, koleskro phraal his o Ikabod. Lengro dad his o Pinhas, leskro dad his o Eli, kai his o baro Debleskro rashai an o foro Shilo. I lurde djinan gar, te djas peske o Jonatan.

1. Samuel 2:34

Me dau tut i sikepen: Tire dui tchawe, o Hofni un o Pinhas, merenna ap jek diwes. Te well kowa, dikeh, kai ko wawar koowa ninna tchatcho hi.

1. Samuel 3:12

Ap ko diwes kamau me lauter pral o Eli un leskro kheer te anell, hoi me pral leste rakrom, bis te lauter jaake was, har me penom.

1. Samuel 4:11

Un o mochton, kai o Debleskre deesh laba dren hi, was lendar lino. Un o Eljeskre dui tchawe, o Hofni un o Pinhas, meran.

1. Samuel 4:22

Doleske penas li: “O railepen djas peske dran o Israel. O mochton, kai o Debleskre laba dren hi, hi krik lino.”